النار والطين

" وَدَاعْ "

                                
«قد تنتهي كما لو انها لم تبدا اساسا تقول هل بدات حقا حتى تنتهي بهذه الطريقة نواجه الكثير هناك الذي نستطيع مواجهته وهناك الذي يؤلمنا بانتصاره ثم تكتشف بالنهاية ان ليس كل خير ينتصر ولا كل حق يظهر ليست كل النهايات سعيدة بل هناك الكثير من الحكايات التي يلتهم الحزن والالم صفحاتها الاخيرة لحظات بداياتها جميلة ذكريات مؤرشفة في زوايا هذه الاوراق قام بتهشيم حدودها الزمن ولن يتبقى سوى قرار القدر الذي يغلق غلاف  الحكاية ثم تصبح ذكرى في قلوب كل من قراها ونبضت في قلبه»

في اروقة السجن وجدرانه السوداء المتهالكة تجلس وحيده حزينة لا تعلم ماذا يحدث خارج العالم الاسود الذي تسكنه , نغزات الم في قلبها توهمها بحدوث شيء سيء لكنها لا تستطيع تحديد ماهيته بالضبط ، نفس شعور ألألم الذي يراودها فور حدوث شيء سيء ، وضعت يدها على بطنها تشعر بألم يفتك المعدة ، وكأن احشائها تتقطع ، هناك شيء لزج عالق في الحنجرة تريد اخراجه لكنه يؤلم وضعت يدها على الارض وفمها للأسفل مستعدة لنوبة تقيئ مؤلمة ، اغمضت  اعينها بصعوبة من شدة الالم ، هنالك شيء في البلعوم يحاول كتم انفاسها ، ثواني مرت لتخرج كل ما بجوفها ، عبارة عن سائل اسود كثيف ، الدموع تجمعت في عينيها من شدة الالم ، هو اشبه بخروج  الروح من الجسد ، تشعر بحركة في زاوية الغرفة اصبح الشيء معتاد بالنسبة لها قالت بملل

'' شنو الجديد  ''

رد عليها عزازير  '' رفضتي عرضي وهاي النتيجة  ''

باوعتله باستغراب وقلق بقلبي  ''شنو يا نتيجة؟  ''
مقاومة من گلبي ارمش بعيوني بخفة وخوف من الي راح يگوله عزازير
نزل راسه وگال باسف  ''ايهاب نقتل!  ''
من گال جملته صفنت بوجهه وحسيت الدنيا وكفت بعيني حسيت اكو احد ضربني على راسي صوت من داخلي يصيحني ويگول اصحي نيبال هذا اكيد حلم اكيد واحد من الكوابيس الي اعيشها مستحيل يكون حقيقة  ..معقولة بسببي مات الشخص الي احبه معقولة انقتل ايهاب  ...
''انتَ گاعد تجذب عليه حتى ارجع وياك هذا الكلام مو صحيح! ''

باوعلي بشماته وكال  ''الي ردتي صار ما قبلتي تجين وياي هذه النتيجة  ''

عقدت حواجبي دموعي نزلت بسرعة بديت ابجي واصيح   ..لا لا ايهاب لا ... لاا  ، منزلة راسي بهزيمة وخسارة فادحة اخر شخص احسه قريب مني راح  ..صوت نواحي ما وكف كانو هاي اللحظة ماتوا اهلي كلهم سوا دموع حارة تنزل وحدة ورا الثانية بس متكدر تزيح الالم الي بگلبي المجروح  . راحوا كلهم واحد ورا الثاني من دون وداع دون رساله اخيرة ما خلوني اشرحلهم عن الي بيه  .
جبل انهدم جبل الصبر والتضحية الي قدمتها جبل الاوجاع الي جنت شايلته جبل جروحي الي حاولت اداويها كلها وكعت ورا بعضها اخر انسان قريب الي راح بسببي اني وسبب الشر الي ساكني  ..انتهت حياتي وبالنسبة الي كلشي انتهى .