النار والطين

«خُذلاَنْ»

«عادة ما نسمع مقولة الشر يعم والخير يخص لقد اثبت هذا حقا في التجارب تجد الانانية لدى البشر في ان يشاركوا خيرهم ويرمون شرهم في اقرب فرصة احيانا لا يعم الشر بارادة الشخص نفسه قد يقع فيها بالخطا من غير الممكن ان يخرج منها او قد ترافق الشر نفسه او تقترب منه فتصيبك العدوى انت ايضا وهنا لا خلاص منه ان تشبعت به سوف تنتقل العدوى لتصيب غيرك ايضا اين المفر؟ ...لا احد يعلم .»

وصلنا للبناية بعدني مافتحت باب السيارة اريد انزل لزم ايدي وكفني وكال
'' اعرفج واعرف ماضيج اكو هواي امور اعرفها عنج واشك بيها واتمنى تطلع غلط ''

باوعت عليه باستفهام '' شنو الي تعرفه مثلا؟! ''

تحمحم وكال ''مثلا جدج الله يرحمه توفه بحادث سيارة مفخخة هو من ضمن 9 اشخاص ماتوا بنفس الحادث وبيوم ميلادج الي بتاريخ 9\9 والي فخخ السيارة او المشتبه به اختفى بيوم 9 من شهر 11 بظروف غامضة رقمج المفضل هو 9 والقاتل ناوي على 9 جثث وسوارج لكيته بمكان جريمة الجنائن المعلقة والمشتبه بيه حاليا انثى معقولة كل هذا صدفة ''
نصدمت من كلامه ما توقعت لهاي الدرجة شاك بيه واتوقع تاكد بعد شغلة الاسوار '' لهذا السبب حاولت تتقرب مني لانك شاك بيه مو حبا بيه ابدا مو صح ''فتحت الباب ردت انزل جرني من ايدي حيل وكال بعصبية '' صدكيني لو ما عشقي الج جان شمرتج بالسجن من زمان على هاي الادلة انت تعرفين شنوالكاعد اسويه بشغلي من وراج خنت الامانة واليمين الي عليه ودا اساعد مجرمة واغطي عليها حتى ما تنكشفين كل هذا وصلافتج بعدها على حالها '' رخيت ايدي من سمعت كلامه وسديت الباب وكلتله ''ماكو داعي تخون امانتك اني ما مسويه شي واذا تريد اسجني ماعندي مشكلة ''
صيح عليه وكال ''لج بابا انتِ صاحيه اذا نكشفتي تنسجنين اقل شي 30 سنة تخيلي لو واحد غيري عرف بكل هذا شنو الي راح يصير برايج ,هسه اريدج تحجيلي بالتفصيل منو الي وراج وكاعد يساعدج ''
''ماكو احد ''
من كلت هيج ضرب الستيرن بعصبية وعاط عيونه صارت تجدح اخذ باكيت الجكاير وورث وحدة سحب منها نفس وكال '' راح يجي يوم واعرف كلشي بس انصحج خليني اعرف منج احسن لان اذا عرفت بغير طريقة راح تشوفين مني غير وجه ''
عفته ونزلت من السيارة صعدت لشقتي دخلت وسديت الباب بكل قوتي وصرخت بعصبية ماعرف شنو راح اسوي شلون اخلص ايهاب مني لان اذا واحد من هاي الشياطين عرف انو هو بده يكشفني راح تكون نهايته بشعة وما راح اكدر احميه ....
انداريت اريد اذب الجنطة حسيت بحركة وراية شفته واكف وعيونه الحمر يجدحن...
" جنتِ وياه! "

ضليت مستغربة " اي وياه ليش؟ "

" شكلي راح اقتله اني مو حاساموت "

" لا تشمر بكلامك عزازير هاي الامور ما الك دخل بيها اموري الشخصية ما الك علاقة بيها فهمت؟! "

هز راسه بعصبية " ليش ما الي علاقة؟؟ اني اتذكر حذرتج من هذا ايهاب وكلتلج ابعدي عنه على اي اساس طالعين موعد غرامي ؟"