"أسوء شئ قد يفعله الإنسان في نفسه ،عدم قدرته علي إتخاذ قرار الابتعاد عن كل ما يسبب له أذي نفسي و يستمر علي أمل أنه سيتغير يوماً ما.
في كل ضيق يصيبك ،مبرر أو غير مبرر..
مادام في عمقك قاعدة نقيه سليمة ،
احمها بـِ التجاوز ".
# مصطفى محمود.
"يرون أن إنجاب الذكر أمل وإنجاب الأنثي خيبه،
رغم أن حلم كل رجل أنثي وخيبة كل أنثي رجل".
# نزار قباني.
...........................................
بعد مرور ثلاث أيام العزاء،كان "أحمد" الذي وضح عليه الإرهاق والحزن الشديد يجلس في منزل زوجته وبالأخص بشرفة المنزل ،بضعة دقائق قبل أن تأتي هي تُمسك بيديها كوبين من عصير الليمون الطازج حتي تهدأ أعصابهما المشدودة بسبب ما حدث،أخذ منها "أحمد" الكوب ثم لثم يديها قائلاً بابتسامة شاحبه:
-شكراً ليك يا "رودينا" علي تحملك ليا اليومين دول.
ربتت علي يديه قبل أن تقول له بنبرة هادئة:
-"أحمد" دا واجبي ،وبعدين معادن الناس بتبان في الشدة،ودي أول محنة تقابلنا واحنا متجوزين ،مش معقول هسيبك لوحدك .
ثم غيرت مجري الحديث قائلة:
-مامتك عاملة ايه دلوقتي...؟!
تنهد بحزن قبل أن يقول لها بتأثر:
-زي ما هي،الدكتور قال إنها دخلت في صدمة عصبيه ،وشكلها هتطول معاها لفترة.
-هتعديها علي خير إن شاء الله.
-يا رب،بقولك أنا جاي النهاردة علشان أقولك حاجة يا ريت توافقي عليها.
هي تعلم منذ أول الزيارة الأمر الذي يريده ،ابتسامه صغيرة لاحت فوق ثغرها الوردي قبل أن تقول له بعقلانية:
-أنا عارفة أنت عايز ايه ،وأنا موافقه .
أمسك كف يدها قبل أن يقول لها بإقتضاب:
-أنا عارف إن الفرح كان فاضل عليه أسبوعين ،بس زي ما أنت شايفة الظروف الـ فُرضت علينا ،وأنا إن شاء الله نعدي الفترة دي و هعوضك عنه.
ابتسمت له قبل أن تقول بنبرة قنوعة:
-"أحمد" ،أنا مش فارق معايا الحاجات دي أوي،كدا كدا أصلا ماكنتش عايزة فرح،لأنه كان هيبقي مختلط وكمان الأغاني هتشيلنا ذنوب علي الفاضي ،كدا أحسن.
ابتلع ريقه قائلاً لها بـِ تروٍ:
-طب دلوقتي أنت هتيجي معايا أمتي..؟!
يعني هنستني ميعاد الفرح ولا عادي تيجي قبله.
فكرت قليلاً قبل أن تقول له وهي تنظر للكوب الذي بيدها :
-لأ ،هستني ميعاد الفرح علشان الحنة وكدا وبعد الحنة إن شاء الله يومها تيجي تأخدني.
YOU ARE READING
"القطار ٢٠١" ©
Randomلكل مرحلة في حياتنا "فرصة"،أغتنمها وكأنها الفرصة الأخيرة. #القطار ٢٠١.
