ရုပ်ဆိုးကောင်

အပိုင်း (၈)

ခရီးလမ်းတစ်လျှောက် ကားပေါ်မှတဆင့် တွေ့ရတဲ့  လှပလွန်းတဲ့ သဘာဝတရားကြီးကို  ငေးကြည့်ရင်း ပြုံးနေမိပါသည် ။

JM * ငါလဲ သဘာဝတရားကြီးလို လှပချင်လိုက်တာ ၊ ဘယ်သူကရော ရုပ်ဆိုးတဲ့လူဖြစ်ချင်မှာလဲ ၊ ဘယ်သူကရော ကိုယ်ချစ်တဲ့သူက မုန်းတာခံချင်မှာလဲ ၊ အပြစ်မတင်ပါဘူးလေ ငါ ရုပ်ဆိုးလို့ဖြစ်တဲ့ ကိစ္စပဲ ဘယ်သူမှမမှားပါဘူး ၊ ငါ က သာ မတန်မရာ မှန်းမိတာ ကိုး *

JM * ထပ်ပြီး ယုန်လူဆိုးကို လွမ်းမိပြန်ပြီ ၊ ဟင့်အင်း ဂျီမင်း မင်း မေ့နိုင်အောင်ကြိုးစားရမယ် ဟုတ်တယ် *

ကားပေါ်မှာ တွေးနေမိရင်း ဘူဆန်ရဲ့ ကမ်းခြေကြီးကို တွေ့တဲ့အခါ ရင်ထဲ လှုပ်ရှားမိသွားတယ် ၊ ဂျီမင်းက ကမ်းခြေ အရမ်းကြိုက်တာလေ ။

ဘယ်အချိန်က အိပ်ပျော်သွားမှန်းမသိ မေမေနှိုးတော့မှ နိုးတော့သည် ။

Jin “ သား ဂျီမင်း ၊ သားလေး ထ ထ ရောက်ပြီသား ”

JM “ ဟင်းးး ,  ဟုတ်မေမေ ”
သက်ပြင်းဆွဲပြီး ကားပေါ်မှ ဆင်းလိုက်သည် ။

အိမ်ရှေ့ ထွက်ကြိုနေတဲ့ မေမေ့ သူငယ်ချင်း နဲ့ ဂျီမင်းထက် နဲနဲ ကြီးပုံရတဲ့ အရမ်းချောတဲ့ကောင်လေးတစ်ယောက် ။

Jin “ မီယောင်း လှလာလိုက်တာ ငါ့သူငယ်ချင်းလေး ”

MY “ အမလေး ကျောင်းတုန်းက Queen ဖြစ်တဲ့ နင်က အခုထိကို လှတုန်းပါပဲ ဟယ် ”

သူငယ်ချင်းနှစ်ယောက် တွေ့တာနဲ့ စကားဖောင်ဖွဲ့ကာ သားတွေကို မေ့နေကြသည် ။
အန်တီမီယောင်းရဲ့ သားဖြစ်ပုံရတဲ့ အကိုက ဂျီမင်းတို့အထုတ်တွေကို ဝိုင်းသယ်ပေးရင်း
မေမေဝင်သွားတဲ့ ခြံလေးထဲ လိုက်ဝင်လိုက်သည်။

MY “ ဂျင်း ဒါ ငါ့အသဲလေး ဂျီမင်းလေးမလား ? ”
Jin “ ဟုတ်ပါ့ ၊ ရှင့်အသဲလေး ဂျီမင်းလေးလေ ”
MY “ ဟော.. ဂျီလေးတောင် ဒီအရွယ်ရောက်လာပြီပဲ  ချစ်ဖို့ကောင်းလာလိုက်တာဟယ် ”

Jin “ ဒါက Eunwoo လေးလား မီယောင်း ”

MY “ ဟုတ်ပါ့ အဲ့တာ နင့် အသဲ အန်ဝူး လေ ”

Jin “ အိုမိုး ချောလာလိုက်တာဟယ် ငါ့သားအန်ဝူးလေးက ”

EW “ ကျေးဇူးပါတီတီ ”