គំនុំChinavat

Part9

ម៉ាវីនិងហ្វត ពួកគេទាំងពីរបាននាំគ្នាជិះឡានត្រឡប់
ទៅវិញ។ នៅតាមផ្លូវហ្វតបាននិយាយលេងជាមួយម៉ាវីរហូត ដល់ថ្នាក់ពូតៃកុងឡានសួរទៅកាន់ហ្វតថា៖

"អូ... នេះប៉ាកូនមែនទេ?"
ម៉ាវីពេលឮសំណួរនេះចេញពីមាត់ពូតៃកុងភ្លាម នាងក៏ងាកមកមើលហ្វតដែលកំពុងភ្លឹកនឹងសំណួរលោកពូតៃកុង។ ហ្វតគេរាងស្ទាក់ស្ទើឆ្លើយនិងសំណួរគាត់ណាស់ តែក៏នៅតែឆ្លើយតបទៅគាត់វិញ។

"បាទ គេជាកូនខ្ងុំ"
ម៉ាវីនាងតូចពេលឮបែបនឹង នាងក៏រាងមានការភ្ងាក់ផ្អើលដែល តែមិននិយាយអ្វីចេញមកក្រៅពីអង្គុយស្ងៀមមើលមុខហ្វតនោះទេ។ ពូតៃកុងឡានឮហើយ គាត់ក៏សើចឡើងមក ហើយក៏និយាយទៅកាន់ហ្វតទៀតថា៖

"ហុឹៗ អ៊ីចឹង ត្រូវមើលថែនាងឲ្យបានល្អណា ព្រោះពូ
ធ្លាប់មានកូនស្រីម្នាក់ដែល តែឥឡូវនាងបានបាត់បង់ពីភិភពលោកមួយនេះហើយ"
ហ្វតស្ដាប់ហើយ គេក៏យល់ដែល តែសម្រាប់ម៉ាវីនាងមិនយល់នោះទេ ព្រោះនាងមិនដឹងថាពាក្យបាត់បង់មានន័យយ៉ាងម៉េច។

"ចុះបងស្រីគាត់ទៅណា លោកអ៊ុំ!"
ពូតៃកុងឡានបានងាកមើលម៉ាវីតាមកញ្ចក់ទាំងញញឹមបន្តិច។

"គេទៅកន្លែងដែលធ្វើឲ្យគេមានអារម្មណ៍សុខស្រួល គ្មានថ្ងៃត្រឡប់មកវិញ"
ពាក្យទាំងនេះ ម៉ាវីនៅតែមិនយល់ដដែល តែហ្វតគេក៏ឲ្យម៉ាវីឈប់សួរគាត់ទៀត ព្រោះសួរតិចទៀតលោក
ពូតៃកុងយំឥឡូវហើយ តែលោកពូនៅតែនិយាយ ហើយហ្វតគេក៏មិនឃាតអ្វីដែល។ អស់រយៈពេល20 នាទី ហ្វតនិងម៉ាវីក៏មកដល់ផ្ទះ។ ហ្វតគេកំពុងឲ្យលុយទៅកាន់ពូតៃកុងឡាន ពេលងាកមើលទៅម្ខាង ក៏ឃើញព្រិមកំពុងដើរនិយាយជាមួយសិស្សប្រុសម្នាក់
ដែលគេមិនដែលឃើញពីមុនមក ទើបហ្វតបានដើរទៅរកនាងដើម្បីសួរទាំងទឹកមុខក្រម៉ូវជាខ្លាំង។  ព្រិមគ្រាន់តែឃើញបងខ្លួនភ្លាម នាងក៏រាងភ័យបន្តិចដែល ទើបនាងបានផ្អាកដំណើរចាំបងនាងដើរមករកនាង។

"ព្រិម! ឯងកំពុងដើរជាមួយអ្នកណាហ្នឹង?"
ព្រិមនាងបានសម្លឹងមុខសិស្សប្រុសដែលឈរក្បែនាងទាំងភ័យឡើងញ័រដៃអស់ហើយ តែកំលោះប្រុសនោះគេក៏បានញញឹមចេញមក ហើយក៏ឆ្លើយជំនួសព្រិម។