اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

44

^سبحان الله وبحمده سبحان الله العظيم ^
لايك لتقير تعبي
.
.
نجد : جوجو يعيوني انتي هدي بيرجع ان شاء الله
جمانه ببكى : بس تعبت وانا لحالي طول هالفتره
نجد : صدقيني بيرجع قريب
جمانه ببكى : ان شاء لله
نجد : يلا قومي علشان نجهز اغراض ميس و نروح كلنا
جمانه : تمام
وراحو يجهزون اغراض ميس وبعدها طلعو
نجد : بكلم عبدالرحمن يودينا
جمانه : اي احسن
ودقت على عبدالرحمن
نجد : دحوم
عبدالرحمن : هلا
نجد : وينك
عبدالرحمن : تحت بمجلس
نجد : اجل يلا بنروح لمستشفى
عبدالرحمن : شفيكم
نجد : بروح لميس
عبدالرحمن : يلا انزلو
ونزلو جمانه ونجد وطلعو وشافو عبدالرحمن بسياره وركبو وطلعو
عبدالرحمن : جوجو تبين شي
جمانه : لا الله يعطيك العافية
عبدالرحمن : تمام
نجد فتحت جوالها و ارسلت لعبدالرحمن
نجد : اسمع اذا ارسلت لك وانا بمستشفى نطلع وناخذها ونغير شوي من جوها
عبدالرحمن : تمام
نجد : صاير مع جمانه شي قبل لا اجيها
عبدالرحمن : اي
نجد : وش
عبدالرحمن: لقيتها تبكي بغرفة ملابس ومعها ثوب نواف واليوم آلي جايبها ريان وقال انها نطقت ب اسم نواف على انه معها وتضايقت
نجد : يعمري يجوجو
كملو الطريق الين وصلو المستشفى ونزلو واخذو اغراض ميس وراحو لغرفه ودخلو وكان الحريم كلهم فيه
ميس ناظرت بجمانه الي كانت واضح عليها الضيقه وتعب
نجد : الف مبروك وين صغير
ميس : الله يبارك فيك والله بحضانة شوي وبيجيبونه
نجد : تمام
ميس : قربي شوي
نجد : وش
ميس : اليوم لاتروحين ابيك معي بكلمك بشي
نجد : تمام ابشري
وقعدت نجد عند ميس والكل يسولف والي يبارك الين مابدو ناس تخف وطلعو كلهم وجمانه راحت من نوره
ميس : جوجو ما اعجبني وجها
نجد تنهدت : حتى انا هلفتره نفسيتها اسوى من قبل وحتى عبدالرحمن مكلمني اجيها واهديها وحتى قعدت تبكي وانا عندها يالله طلعتها من الغرفه
ميس : ياقلبي عليها و ذا نواف وينه بسم الله اختفى
نجد : ان شاء الله يرجع معليك
ميس : اليوم خفت اجيب نواف ويتعب ولا يصير له شي
نجد : اي احسن لك
ميس : صيري مرافق معي
نجد بضحكه : تم ابشري ماطلبتي شي
ميس : تبشرين بالجنة عاد علمي زوجك لا يعصب عليك
نجد : لا معليك ماراح يقول شي
ميس : زين شوي ويجبون نواف
نجد : عاد مره ودي اشوفه
وبعد عشرين دقيقة جابو نواف ودخلوه عليهم
نجد : بسم الله ماشاءالله قمر نسخه خاله
ميس : سميه ويشبه له
نجد : يستاهل من قده يصير خاله
ميس : اليوم جمانه سمعتنا ويوم محمد سالني وش بسميه وتضايقت مره يوم طلعت وهي ساكته ولا قالت شي وطلع وراها محمد
نجد : ياقلبي عليها حتى اليوم بسياره عبدالرحمن قايل لي ان يوم رجعت مع ريان غلطت وقالت ميده ريان وكانت مبسوطة مره بس تذكرت انه اخوها وصدت بضيقه
ميس : والله ماني قادره اتحمل اكثر حالة جمانه تقطع القلب
نجد كلنا والله
مرت يومين على ماطلعت ميس من مستشفى وصار نفاسها ب بيت جده والكل يجيها
وكانو بنات كلهم فيه الا جمانه ماكانت تطلع لهم ولا تدري عن ميس انها جت بيت وكانت طول الوقت بجناح
ميس : بنات وين جوجو ما اشوفها من اول ماجيت
نوره : والله من اول مارجعنا من عندك معد شفنها دخلت جناح ومعد شفنها
ميس : بليز ناديها ابيها مشتاقه لها
نوره : ابشري من عيوني
ميس : تبشرين بالجنة
وراحت نوره لجناح جمانه وطقت باب ودخلت وشافت جمانه قاعده تنشف شعرها وجلست لعندها
نوره : جوجو ترا ميس تبيك
جمانه : بكره اروح لها ان شاء الله
نوره : ميس تحت طلعت اليوم
جمانه : تمام بنزل الحين
نوره : بنزل معك
وقعدت تحتري جمانه الين ماخلصت وطلو و نزلو مع بعض
ميس : ياهلا بجوجو اشتقت لك مره
جمانه : ياهلا فيك وانا بعد مشتاقه لك
ميس : ياقلبي انتي كيفك اخبارك الحين ان شاء الله احسن
جمانه تنهدت وناظرت لل ارض وبعدها رفعت عيونها
جمانه : اي الحمدلله
البنات كلهم عارفين انها مو بخير بس ماحبو يضغطون عليها اكثر
جمانه: وين صغير ابيه
لاحظو بنات ماقالت نواف وتضايقو اكثر بسبب الي هي فيه
ميس : هنا
واخذته جمانه و اول ماشفته ضاق صدرها من شافته يشبه نواف واخذته وجلست جمب ميس
جمانه بغصه وابتسامه : نسخه خاله اقصد ابوه مره
ميس : ويشبه عمته مره
جمانه : يقلبي انتي
وفجاة تجي رساله لجمانه من رقم جديد وفيه دعوة لتخرج
استغربت
ميس : وش فيك جوجو
جمانه : مادري بس جتني رساله ومدري وش هي
ميس : اعطيني اشوف وش هي
واعطت ميس الجوال
وشافت انه دعوة تخرج لعساكر ب منطقة الرياض وكان مكتوب دعوه لجمانه من شخص غالي عليها وتخرج بكره
سكتت ميس ورجعت لجوال
ميس : مدري والله
جمانه : برفض ليه اروح
و ارسلت جمانه
جمانه : اعتذر عن الحضور
المجهول : الي راسلك دعوه شخص عزيز وغالي عليك ويتمنى حضورك مره
جمانه : تمام
ميس : بتروحين
جمانه : اي بروح بشوف مين
ميس : زين
وقفلت جوالها وبدت تطالع ب نواف صغير وعيونها دموع لان تبي نواف تبي الي تلجأ له بكل شي تبي الي يحبها ويخاف عليها
ودخلت عليهم ربى
ربى : مبروك البيبي ميوسه
ميس بدون نفس : الله يبارك فيك
نوره : ياليل ذي وش جابها مو لها اسبوع ماتجي
جمانه : اكرها مدري وش تبي تجي
يارا : اسمعو بعد شوي بتجي ساعه تسع تمام وش رايكم نسوي جدول طبعا هنا علشان جوجو وميس لاينفسون علينا
جمانه بضحكه : وش قصدك انا نفسيه
نوره بفرحه : على ذي ضحكه بيغى لنا دجه ب اخر ليل
نجد : حبي لو انك بديره دجي لين صبح بس هنا عندك عيال عماني وعماتي يطلعون لك فجاة مدري وشلون يطلعون خفافيش و اولهم عبدالرحمن اخو جمانه والله خفاش اصلي متواجد طوال ليل ماينام
جمانه ضحكت ومن زمان ماضحكت زي كذا وبنات كانو مبسوطين مره
جمانه بضحكه : حبيبتي عبدالرحمن زوجك وش فيك قلبتي عليه حرام عليك
نجد ب استيعاب متاخر : اح صح هو زوجي
نوره : لامنتي صاحيه
جمانه بضحكه : جيبي لها عصفر لان هي زوجة خفاش ههههه
نجد : عن غلط الا دحومي
جمانه بضحكه وغمزه : دحومي اجل
نجد : اي دحومي
وقعدو بنات كلهم يضحكون مع بعض ويلعبون الي ما مر الوقت والكل راح غرفته الا جمانه نامت مع ميس خافت تبي شي ولا نواف يصحى وميس نايمه
وبعد ما مر الوقت الين ماجاء اليوم ثاني على المغرب
ميس : جوجو بتروحين
جمانه : اي
ميس : تمام بس وش هذي كشخه جمال
جمانه : كشخت نشوف هذا شخص يستاهل ولالا
ميس : ان شاء الله يستاهل
جمانه : يلا مع سلامه بروح
ميس: مع سلامه استودعتك الله
جمانه طلعت وركبت سياره مع اخوانها كلهم واتجهو لحفل تخرج وكانو مكانهم قريب وحلو ودخلو وقعدو الين مابدا حفل وبدا مقدم الحفل الين ماخلصو وفرحو كلهم وكان في واحد يطالع بجمانه ونزلت لساحه وتدور بين ناس وكانو اخوانها معها وفجاة يجي واحد قدامهم ويدق تحيه وتطالع فيه جمانه ومنصدمه يوم شافت نواف وراحت وركضت له وشالها وحضنها بقوه وكانت تبكي وهي تحضنه وقعد يدور فيها
نواف : اشتقت لك يابعدي
جمانه ببكى : وينك ليه تروح وتخليني ليه يانواف
نواف : بقولك كل شي ياقلبي انتي
ونزلها وصارت بحضنها مافكته
الكل : الف مبروك يانواف
نواف : الله يبارك فيكم
عبدالرحمن : خلاص فكي من ولد
نواف : وش تبي انت خلها بحضني وش تبي عندك زوجتك روح لها
ورفع نواف جمانه لحضنه وصارت رجولها بعيده عن الارض ودفنت وجها بعنقه ويدها بعنقه
عبدالرحمن بضحكه : والله انها شبر ونص قصيره مره
نواف : هي حدك الا زوجتي
عبدالرحمن : سر انت و زوجتك
جمانه : اشتقت لك ليه رحت عني ليه خليتني برا لحالي
نواف : ياقلبي انتي بقولك كل شي بس لاتزعلين مني و رضاوتك عندي
جمانه : احبك
نواف  : اموت فيك يابعد الدنياا انتي وش هذا جمال كاشخة علشان مين
جمانه بدلع وغنج : علشانك انت يابيبي
ماتحمل نواف يتحملها وينحمل دلعها وغنجها ولما شاف اخونها مشغولين بجوالاتهم تقدم وقبل ثغرها بعمق وابعد عنها
وما اسرع دفنت وجها بصدره وكانت مستحيه مره
وهمسة له
جمانه : مو قدام ناس
نواف : طيب تحطين لي نجمه بكتفي
جمانه : تمام
ونزل لمستواها وبدت تحطه له بكتفه
عبدالرحمن : يلا نروح
نواف : يلا بس باخذ اغراضي واجيكم
واخذ نواف اغراضه ورجعو مع بعض بسياره وكانت جمانه جالسه جمبه
ونزلو كلهم وراحو مابقى الا نواف وجمانه
جمانه : تبي تسلم على امي وخواتك وخالتي
نواف : ياليت
جمانه : تمام
وقدت جمانه على يارا
يارا : هلا جوجو
جمانه : اجتعو كلكم انتي وخواتك بس عند ميس وامي وخالتي معكم بس لاحد يجي غيركم
يارا : وش سبب
جمانه : بتشوفون اذا جيت
يارا : تمام
ودخلو جمانه و نواف و اول مادخل نواف دق تحيه لهم وانصدمو كلهم
ام نواف : نوافف
تقدم لها وحب راسها ويدها وتقدم وسلم على ام محمد بعدين على خواته
والكل بدا يبارك له
يارا : عذبتنا معك الاربع شهور ذي وعذبت روحك وقلبك
ولف نواف لجمانه وشافها تطالع سقف
نواف : لي تفاهم معك
جمانه جحدت كل شي : وش سويت انا ماسويت شي
يارا بضحكه : اجحدي
نواف : تدرون ان في شخص واحد يدري بكل هذا
جمانه لفة عليه وكانت مصدومه منه
جمانه : وش وش
نواف بضحكه : ميس تدري بكل شي
ميس بتمثيل : يارا اذا طلعتي طفي نور بنام
وقامت جمانه وراحت لها
جمانه : ماشاءالله تدرين ولا تقولين لي وامس يوم تجي دعوه اسالك تقولين مدري
ميس : والله مالي دخل زوجك هو سبب هو الي قال ما اقول شي ولا المح ومع ان قلبي يتقطع لما اسكت
جمانه : معليك ذا العامود خليه علي بتفاهم معه بس انتي معذوره
نواف : هي وش الي عامود انتي ياشبر ونص
جمانه : اييي عامود وخر عني
وسحبها نواف وجلسها عنده
نواف : مافيه روحه بتقعدين عندي هنا
جمانه : افكر
وراحو خواته وام نواف وام محمد ومابقى الا نواف وجمانه
نواف : قولي وش صار لها بغيابي
ميس : لا مو الحين
جمانه : ميس وين نوافي حبيبي
كان نواف مستغرب من جمانه
ميس : هذا هوا خذيه
تقدمت جمانه واخذت نواف من ميس
نواف : وش سالفه
جمانه : سمي خاله
نواف ب ضحكه وابتسامة : كذابه
ميس بضحكه : والله ذا سميك
نواف : ارحب سمي خاله
جمانه : اي رحب فيه
نواف بضحكه : شفيك ترا صغير
جمانه : طيب
وقعدو يسولفون ويضحكون مع بعض الين ماراحو جمانه و نواف لجناحهم
ويوم دخلو جناح قفلو بآب بمفتاح وتقدم نواف وحضنها بقوه وهي بادلته الحضن وبدت تبكي بقوه
نواف : لا ما تفقنا انك تبكين
جمانه ببكى : ليه تسافر وتخليني ولحالي برا ليه وحتى ماترسل لي ولا شي ليه يانواف ليه
نواف : مو بيدي رحت على طول واساس ماكنت ابي اقولك علشان ماتخافين علي
جمانه : ولو بخاف عليك حتى ولو ما ادري والله ان من رحت وانا تعبانه معد صرت زي قبل وانت رحت وخليتني ورجعت لحالي وحتى هم ماكنو يدرون وفجعتهم بخبر
نواف : ياقلبي ودنيتي كلها انتي اول شي لاتبكين وها شوفيني انا الحين عندك وابشرب بعوضك بكل شي وحتى عن الاربع شهور الي رحت فيها بعوضك فيها ولأ تتضايقين يروحي وعندي لك مفاجاة بس انتي لاتزعلين مني ماودي اشوفك متضايقه يابعدي انتي
وتقدمت وحضنته بقوه مسحت دموعها
جمانه : طيب والحين تبي ترتاح ولالا
نواف : اي بنام مره تعبان
جمانه مسكت يده واخذته لغرفه
بدل ونام واذا بغيت شي ارسل لي واجيك انا بروح لبنات
نواف : ابشري على هذا الخشم ماطلبتي شي
وطلعت جمانه وراحت لبنات وهي مبسوطة مره
نوره : ماشاءالله الف مبروك على تخرج نواف وعلى رجوعه
جمانه ب ابتسامه : الله يبارك فيك حبيبتي
نجد : ماشاءالله زوجة العسكري عندنا
ميس : مو بس هي ترا انا بعد زوجي عسكري
جمانه : صح مو بس زوجي حتى اخوي عسكري
نوره : مناسبة هذي شرايكم نلغب اونو من زمان مالعبنا
جمانه : تم انا معك
يارا : وانا مع نجد
نجد : تم
وبدو يلعبون مع بعض ويضحكون مع بعض الين ما مر الوقت
جمانه : يوه الحين ساعه 11 بروح اشوف نواف يبغى شي ولالا
ميس بضحكه : اي خلاص من رجع الحب وانتي قلبك معه
جمانه ب ابتسامه : اكيد
وراحت جمانه لجناح ودخلت وقفلت باب ودخلت الغرفة وشافت نواف نايم وتقدمت له وقبلت خده وفجاة يسحبها ويخليها بحضنه
جمانه : بسم الله انت صاحي
نواف بضحكه : اي ويوم سمعتك تفتحين باب سويت نفسي نايم
جمانه : علشان كذا
نواف : المهم سولفي لي وش صار معك تو
جمانه : لعبنا انا وبنات وقعدنا نضحك مع بعض وقعدنا نسولف وتوني اتذكرك وجيتك
نواف : جيتي بوقت صح
جمانه : ليه
نواف : لان بنطلع الصباح وابيك تريحين الحين
جمانه : وين بنروح
نواف : مفاجاة
جمانه : تمام
ونامت بحضنه وكانت مره مبسوطة برجعوه
الين ماصحت ساعه ثمانية صباح وشافته نايم بحضنها
جمانه : نواف نوافي يلا اصحى
نواف : دقايق بس
جمانه : مافيه دقايق يلا اصحى
فتح عيونه وابستم لمًا شافها قدامه
جمانه : يلا اصحى علشان نطلع بدري
نواف : ابشري ماطلبتي شي ياقلبي
وقامو ودخل نواف لدورة المياه ( يكرم القارئ ) وجمانه راحت تبدل ملابسها ولبست بنطول ابيض وتشيرت احمر وحطت مكياج خفيف ولبست عبايتها وكعب وطلعت وشافت نواف يحتريها
جمانه بضحكه : خلصت بسرعه
نواف : اي ماطولت يلا نمشي
جمانه : يلا
وطلعو من جناحهم وفجاة يشفون عبدالرحمن
عبدالرحمن : على وين
نواف : طالعين نتمشى ونغير جو
عبدالرحمن : زين
ونزلو وركبو سياره
نواف : هاتي يدك
واخذ يدها ومسكها وحطها بقلبه
نواف : اذا انتي تعبتي ولا صارلك شي هذا يتعب معك
جمانه : بسم الله عليك وعلى قلبك
نواف : احبك
جمانه: اموتتتت فيكك
وابتسم لها
واتجهو لمطعم فطور وطلبو فطور بدو ياكلون مع بعض
نواف : اي كلي يروحي لان واضح انك ماتاكلين
جمانه : من عيوني
وبدت تاكل وتضحك معه وتسولف وتضحك معه الين ماخلصو وطلعو وركبو سياره
نواف : عندي لك مفاجاة
جمانه : وش هي
نواف : بنروح لها الحين وتشوفين وش هي
جمانه : تمام
وراح نواف لمكان كان كل بيوت و وقف عند بيت كبير وكان جميل مره
نواف : انزلي نشوفه
جمانه : تمام
نزلو ودخلو يشفونه
جمانه : واو نواف يجنن مره ياليته يكون بيتنا يجنن مره
نواف بضحكه: والي يقولك هذا بيتك وفيه بدروم تحت
جمانه : لا مو منجدك انت
نواف : الا منجدي
راحت له وحضنته بقوه
جمانه : نوافي احبككك
نواف : اموت فيك
نواف : تعالي بوريك غرفه وحده انا زينتها لك بس وباقي البيت تصميم انتي الي بتسوينه
جمانه : تمام
واخذها وراحو لفوق ودخلو لغرفه كبيره مره وكانت مره حلوه وفيها ملابس كثيره وماركات
جمانه : لا مو منجدك نواف
نواف : الا منجدي وش فيك
جمانه : ليه هذا كله
نواف : هذا كله علشانك ولا ابي يكون ناقصك شي واي شي تبينه تم
تقدمت وحضنته بقوه وكانت مره مستحيه
نواف : تعالي اوريك غرفتنا الي سويتها
جمانه : تمام
وراحو لغرفه وشافتها كبيره مره وفيها كل شي وشافت البلكونة وراحت لها وفتحتها وكان المنظر حلو وكانت بنص البيت وجاء لعندها نواف وحضنها من ورا
نواف : انتي تستاهلين اكثر من كذا الود ودي اعطيك حياتي وعمري كله
جمانه بدلع : ابيك لي انا بس ولا احد ياخذ مكاني
نواف ذايب فيها : انا لك ومحد ياخذني منك انا كلي لك يابعد الدنيا
تقدمت له وحاولت ترفع نفسها له وماقدرت وقرب لها وقبلت خده وتعلقت برقبته
نواف : يزين الصغيره حقتي
جمانه بدلع : ماني صغيره
نواف : صغيره لي انا بس وشبر ونص بعد
مسكت خشمه
جمانه : عادي انت عامود وانا شبر ونص حقتك
نواف : تم
جمانه : شوف فيه غرفه تحت بصممها انا والبيت بجيب مصممه
نواف : تم ماطلبتي شي ياقلبي
جمانه : فديت قلبك
نواف : الحين بنقعد فتره بيت جدي بعدها بنقل لهنا لين يخلص البيت
جمانه : تمام
نواف : وين ودك نروح
جمانه : شرايك نروح نتمشى بسياره ب الدرعيه
نواف : يلا مشينا
جمانه : يلا
وطلعو وقفلو باب وركبو سياره واتجهو يتمشون بدرعيه وكان الجو حلو وبراد
نواف : تبين شاهي
جمانه : اي عادي
تمام بروح اشتري واجيك وراح نواف والا يجيها اتصال من نجد
نجد : ماشاءالله عصافير الحب طالعين
جمانه بضحكه : اي
نجد : ماشاءالله الله يخليكم لبعض
جمانه : اللهم امين تخيلي صدمني وش مسوي لي مفاجاة
نجد : وش اذا رجعنا قولت لكم نتجمع بجناح حقي واقولك ما ابي احد يعرف
نجد : تمام
والا يجي يركب نواف
نواف : وهذا شاهي
نجد : يلا جوجو مع سلامه دام الحبيب القلب رجع
جمانه بضحكه : مع سلامه
وقفلت وحطت جوالها
نواف : مين
جمانه : نجوده داقه علي
نواف : زين اشربي شاهي علشان تدفين
جمانه : تمام
وبدت تشرب شاهي وكانت حاطه راسها على كتف نواف وماسكه يده
ونواف حط اغنيه " مادام معايا القمر مالي ومال النجوم "
وكان يغنها
وجمانه تصوره وكانت مبسوطه مره ونزلته ستريك لبنات وكانت مره فرحانه ان رجع لها حبيب القلب وكل شي بدنيتها
جمانه : نوافي شرايك نرجع لان الحين ظهر وانت امس مارحت مع الرجال
نواف : اي والله وانتي صادقه ولا قلت لهم عن امس
جمانه : اي خلاص نرجع وقول لهم
نواف : ان شاء الله وترا ابوي بعد يدري
جمانه : ماشاءالله الكل يدري الا انا
نواف بضحكه : اهم شي انتي تدرين الحين
جمانه : اممم
نواف تقدم لها وقبلها مع ثغرها
جمانه استحت
جمانه : هي نواف مو هنا ب بيت
نواف بضحكه : كيفي زوجتي حلالي
جمانه : ادري بس مو بشارع
نواف : تمام
وكملو طريقهم الين وصلو لقصر ونزلو
نواف : بدخلك معي اذا مافيه احد من عيال
جمانه : تمام
وشاف نواف ان مافيه احد ودخلها معه
نواف : السلام عليكم
الكل : وعليكم السلام
ابو عبدالعزيز : وينك ي المختفي
نواف ب ابتسامه : ياجدي جاي ابشرك اني تخرجت من العسكريه
ابو عبدالعزيز : ماشاءالله الف مبروك ياوليدي الف مبروك
نواف ب ابتسامه : الله يبارك فيك ياجدي
ابو محمد : ماشاءالله كل هذي الاربع شهور مختفي عنا ولا تقول لنا
نواف : والله سموحة منك يا عمي محد يدري الا وحده من خواتي و ابوي بس
ابو محمد دق ابو نواف : افا ماهقيتها منك يا عبدالله
ابو نواف ب ابتسامه : معليه عادي اهم شي رجع لنا بصحه وسلامه
ابو محمد : وانت صادق
جمانه : زعلت منك ياعمي كل هذا فتره ولا تقول لي
ابو نواف : والله كان ودي اقول لك بس العله زوجك رافض اقول ل احد حتى امه
جمانه : معذور ياعمي بس ولدك لا
نواف بضحكه : افا بدينا
جمانه غمزة له وفهمها
جمانه : وتدري ياعمي ان حتى رضاوة ما راضاني
ابو نواف : افا الحين يروح يجيب رضاوتك قم يلا رح جب رضاوتها
نواف : طيب
وراح نواف وهي تضحك عليه
جمانه : يلا انا بروح داخل تبون شي
الكل : سلامتك
وراحت جمانه دخل لعند بنات
نوره : ماشاءالله طالعه
جمانه : اي واسعد يوم مر علي بعد الاربع شهور كلها
نوره : الحمدلله
نوره بغمزه : شفت الستريك ماشاءالله يغني لك
جمانه بضحكه : اي
نوره : الله بخليكم لبعض
جمانه : اللهم امين الا وين ميس
نوره : بجناحها مع رجلها تقول بتريح فوق
جمانه : اي ازين لها ترتاح فوق
نجد : هي انتو شرايكم نسوي فعاليه
جمانه : العصر اذا صار الجو حلو رحنا قلنا لجدتي بندخل صالة السباحه الي تحت ونسبح
نوره : تم
يارا : حلو نغير جو
جمانه: خلو الموضوع علي
وراحت جمانه لجدتها
جمانه : جده
ام عبدالعزيز : سمي يابنت عبدالعزيز
جمانه : بطلب منك طلب بسيط
ام عبدالعزيز : ابشري
جمانه : حنا وبنات نبي ندخل المسبح لحالنا اذا عادي
ام عبدالعزيز ضحكت : تم ادخلوه واذا تبون تقعدون بغرفه الي تحت عادي
تقدمت وباست راس جدتها
جمانه : شكرا ياجده
ام عبدالعزيز : العفو يابنتي
وراحت جمانه لبنات
جمانه : جدتي وافقت
نجد : الحمدلله
ومر الوقت الين ماجاء نهاية الظهر
يارا : يحريم تغطو اخوي نواف بيدخل
وتغطو الحريم كلهم الا جمانه وخواته وام عبدالعزيز وام محمد وام نواف
ودخل معه اكياس كثيره
نواف : السلام عليكم
الكل : وعليكم السلام ورحمة الله وبركاته
نواف : جاي بقول كم كلمه وبمشي جاي اعطي حرمتي رضاوتها هي ذهب والماس و من ماركات والي تبيه فيه وهي تبشر وتامر ب الي تبيه و رضاوتها مني لآن اختفيت عنها مده طويله
ام عبدالعزيز : كفو ياوليدي اي هذا الي يراضي حرمته
جمانه همسة لنوره : هذا صدق
نوره : تستاهلين اكثر يجوجو
جمانه : استهبل معه يوم عند عمي وابوي وجدي ان ما اعطاني رضاوه
نوره : يدري انك تستهبلين بس انتي تستاهلين اكثر واكثر
ربى كانت تطالع نواف وجمانه بحقد وتناظر لجمانه كره لها
نواف : ابي حرمتي تجي لعندي وتاخذها من يدي
استحت جمانه وقامت بكامل كشختها وراحت لعنده
جمانه بهمس : انت مسرع صدقت يوم اغمز لك يعني استهبل
نواف : لو تستهبلين تستاهيلين يروحي
جمانه بصوت عالي تبي تقهر ربى : مشكور ياحيبي ماقصرت جعل عمرك طويل يابعد الدنيا انت ياقلبي
وتقدم وحط يده على وجها وقبل جبينها
وكانو نوره ونجد ويارا وميس يصورنهم موثقين كل لحضه
نواف : ويلا مع سلامه
وطلع نواف واخذت جمانه الاكياس وجلست لعند بنات
نوره : تكفين تهبلين ماشاءالله وهو يناظرك مغرمم طايح على وجه
جمانه : اي الي صورت ترسل بقروب ابيه
البنات : تم
جمانه : ميس وين نواف
ميس : مع محمد
جمانه : اجل تعالو كلكم بجناحي بنسولف
وراحو بنات كلهم تحت انظار ربى وكانت مقهوره
ودخلو بنات جناح وجلسو وراحت جمانه تحط الاكياس ب غرفة الملابس
جمانه : جيت
نوره : شفتو نظرات ربى يوم نواف فيه ياخي تضحك مره
جمانه : ماشفتها
نجد : انا مصورتها
جمانه : وريني
نجد : تمام
وقعدت نجد توري جمانه الفيد
جمانه بضحكه : واضح انها مقهوره
نوره : مره
جمانه : تخيلو وحنا طالعين نفطر بعد فطور وداني نواف منطقه كلها بيوت وكلها ماشاءالله حلوه وكان في بيت كبير ماشاءالله وحلو مره ودخلنها وكان عاجبني مره وفجاة يقول ان البيت لنا
نوره بفرحه : ماشاءالله الف مبروك يروحي منزل مبارك
جمانه : الله يبارك فيك
نجد : تستاهلين يروح اختك
ميس : تستاهلين يجوجو
يارا : والله جوجو تستاهل كل شي
ابتسمت جمانه لانها استحت مره
ومر الوقت الين جاء العصر
جمانه : ماودكم تسبحون
نجد : الا
جمانه : يلا جهزو اغراضكم علشان ننزل لبدروم
نجد : تمام
وراحو البنات ويجهزون اغراضهم الين ما اجتمعوا كلهم مع بعض
نجد : من تنط معي
جمانه : انا
نجد : يلا
ونطو جمانه ونجد وكانو فرحانين وكانت ميس تطالعهم وفرحانه لهم
نجد : يوه من زمان ماسبحنا
نوره : اي والله
وبدو يسبحون ويلعبون مع بعض ويضحكون
جمانه : انا خلاص تعبت مره
نوره : انا بعد اسمعو جايبين غيار
جمانه : انا جايبه لنا كلنا
نجد : احبك ياشيخه لان نسيت حقي
جمانه بضحكه : مصلحه
نجد بضحكه : شدعوه يجوجو
ميس : يلا اطلعو
يارا : اي والله خلونا نطلع بردت انا
وطلعو بنات
جمانه : تصدقون ليه برد
الكل : ليه
جمانه : نسيت تكيف مفتوح علشان كذا الصالة حقت مسبح بارده
وتقدمو بنات و رمو جمانه بمسبح
وطلعت من المويه وهي تضحك
جمانه بضحكه : وش فيكم قلت لكم نسيت
يارا : اطلعي وانتي ساكته ابي مجفف شعر
جمانه : بدورة المياه ( يكرم القارئ ) فيها كل شي
يارا : زين
وراحو بنات بيدلون ملابسهم وبدو ينشفون شعورهم وجلسو بغرفه الي قريبه لمسبح
نجد : يوهه ياتعب
ميس : يلا ترا الحين مغرب خلونها نروح فوق لعندهم
جمانه : لازم نقعد معهم مالي خلق
ميس : لازم يزوجة اخوي و اخت زوجي
جمانه بضحكه : اي صح اني عمه لازم اكون موجوده
نوره : صحيح وانا خالته
ميس : يلا فوق يلا
راحو بنات فوق لين وقفو عند درج
جمانه : هي ذول من
ميس : ستوب عماتي من قال لهم
يارا : اكيد ابوي
ميس : يلا خذلك الحين دق بكلام لين بكره
نجد : بروح اكشخ
جمانه : انا معك
يارا : وانا معكم
ميس : انا بطلع لبسي زين
وراحو بنات ودخلت جمانه جناح ودخلت الغرفه وشافت نواف منسدح بسرير
جمانه : فيك شي
نواف : لا بس عماني وعيالهم بمجلس ولا مشتهي اشوفهم
جمانه : ليه اجلس معهم شوي بس بعدين اطلع مع عبدالرحمن
نواف : بشوف
وراحت جمانه تكشخ ولبست فستان احمر ماسك وطويل وحطت مكياج ولبست الطقم الطقم الماس جديد الي شرها لها نواف ولبست كعبها فضي
وزينت شعرها ويفي وراحت لنواف
جمانه : نواف مانزلت
نواف ماتكلم سكت من شافها بلبسها وجمالها
جمانه : نوافي
نواف : لبيه يعروق قلبي
جمانه : شفيك مانزلت
نواف : بنزل الحين بس بحصنك من عيون الناس
وتقدم وبدا يحصنها وطلعت مابعد راح
ونزلت لتحت عندهم و اول مادخلت طاحت عيون عليها
وراحت وجلست لعند ميس
ميس بهمس لجمانه : عماتي وحريم عماني وبناتهم من دخلتي طاحت عينك عليهم حصنتي نفسك
جمانه : لا مو انا القلب
ضحكة ميس وفهمة ان نواف حصنها
ام فهد : ها ياجمانه عساك حامل
تنهدت جمانه وصدت
ام فهد : لايكون فيك شي علشان كذا ماحملتي
جمانه بضيقه بدون توضيح : الحمدلله مافيني شي
ام فهد : اجل ليه ماحملتي
ام نواف : ام فهد تراك دقيتي البنت بكلام خلاص
ام فهد : وانا ماقلت الا صدق
ام نواف : تراك حرمة ولدهم و زيي زيك حنا حريم عيال ولا نقول شي وتجين تتكلمين وتنغزين بكلام تراها حرمة ولدي
سكتت ام فهد ولاعد قالت شي
بدريه : وهي صادقه حرمت اخوي ماقالت غلط
ام محمد : لحد هنا وسكت بنتي مافيها شي والي يغلط عليها كان يغلط علي وترا محترمينكم ب بيتنا
فهده : خلاص يابدريه اسكتي
سكتو الحريم وطلعت جمانه وراحت لحديقة برا وبدت تبكي
وخذت جوالها ودقت على نواف وكانت تحسبه نجد
جمانه ببكى : نجد تكفين تعالي لحديقه ورا ماني قادره اتحمل الكلام تعبت ماني قادره
وقفلرنواف وطلع بسرعه لها وشافها قاعده ب الارض وتبكي وجاء لعندها وخذها لحضنه
نواف : جوجو يعيوني وش فيك
جمانه : مافيني شي
نواف : مافيك شي وداقه علي تبكين وتشكين من كلام الحريم
جمانه مقدرت وانهارت اكثر
نواف : وش صاير
جمانه ببكى : مرت عمك وعمتك ينغزون بكلام عن حمل
نواف انقهر من الوضع
نواف : خلي الموضوع علي وانتي ادخلي
جمانه : تمام
ودخلت جمانه وراح نواف لمجلس وهو معصب
نواف بعصبيه : ياعمي امسك حرمتك عن حرمتي لا اقول شي مو زين
ابو فهد : وليه هي وش سوت علشان تعصب
نواف بعصبيه : تقول ان مرتي مريضة ماتقدر تحمل وانت بعد ياجدي بنتك بدريه امسكها لا بالله اسوي شي مايصلح
ابو عبدالله : من انت علشان تقول ذا كلام عن عمتك
نواف بعصبيه : عمتي على عيني وعلى راسي بس تقول عن حرمتي كلام مايرضيها ولا يرضيني سلامت وينا فيه
ابو نواف : نواف خلاص احترم جدك
نواف : يبه معليش عمتي لازم تعتذر لحرمتي
تقدم ابو عبدالله بعصبيه وضرب نواف بكف بقوه وسكت نواف وطلع معصب وركب سيارته
~ مجلس الحريم ~
دخلت جمانه وجلست لعند نوره
نوره : وينك رحتي
جمانه : بعدين اقولك بس يخوفي صاير فيه شي
نوره : دقي على اخوانك وشوفي وش صاير
جمانه : اعرفهم محد راح يتكلم بس انتي كلمي زوجك شوفي وش صاير
نوره : ابشري ، الو بهاج
بهاج : هلا
نوره : وش صاير عندكم
بهاج : والله دخل علينا نواف معصب
وكمل لها سالفه وقفلت منه
نوره : دخل عليهم وهو معصب من الي صار اتوقع انك قلتي له وعصب على عمه وجده وصارت هوشه وجاء جده وضربه كف
فزت جمانه بخوف واتصلت على نواف لان تعرف انه بيسرع
و رد عليها
نواف : هلا
جمانه : نواف ارجع لبيت ابيك بموضوع ضروري مره
نواف : مشغول
جمانه : نواف ارجع بيت لا ازعل عليك
نواف : خلاص شويات وجاي لعندكم
جمانه : يلا احتريك تتأخر اكثر من عشر دقايق بزعل عليك زعل شديدد
.
.
انتهى الجزء
اعطوني رايكم
اعذروني على الاخطاء الاملائية
لاتنسون النجمه هي داعمه لي 💙💙
وهذا حساب الانستا reciip_
تيك j.ur11
البارت هديه مني لكم وعاد انتو ماتقصرون بنجمه 💫