اعانق أمانيكَ مهما ذَقتَ مِن تعب من ذا الذي نالَ مايهوى بلا تعب !

47

^سبحان الله وبحمده سبحان الله العظيم ^
لايك لتقير تعبي
.
.
وطلعو البنات لحديقه وكانو مره مبسوطين مره
نجد : بنوتات حياتي انتو الله يسعدكم مع بعض بطلع مع دحومي
جمانه بفرحه وتصفيق : العبببب عصافير الحب بيطلعون مع بعض
نوره : اي خليهم يطلعون مع بعض
نجد : يلا باي
راحت نجد ولبست عبايتها ونقابها وطلعت مع عبدالرحمن
عبدالرحمن: اي الحين زان يومي
نجد : ليه وش فيك
عبدالرحمن : مقعديني مع شيبان وانا عندي هذا الجمال
نجد استحت : هي اسكت استحي
عبدالرحمن : فديت الي يستحون
نجد : الا تعال شعندك ماخذ الشاص
عبدالرحمن : بنروح البر لحالنا
نجد : مو منجد دحوم انت تعرف اني اخاف مره من البر
عبدالرحمن بضحكه : نفسه المخيم
نجد : لا يختلف
عبدالرحمن : يلا بنحرك تعالي جمبي
راحت نجد جمب عبدالرحمن وحط يده يمين على كتفه وبدا يسوق الين ماوصلو البر وحدود مكان وبدا عبدالرحمن يضبط العزبه وجلسو مع بعض وكانت نجد لابسه لبس خفيف وكانت بردانه
عبدالرحمن : علامس ترجفين
نجد برجفه : لا مافيني شي
قام من مكانه واخذ فروته من الحوض وحطها على نجد
عبدالرحمن : تدفي زين لاتبردين
نجد : ابشر
عبدالرحمن مسك يدها : قربي لنار تدفي زين
نجد : تمام
عبدالرحمن لف عليها وحط راسه على فخذها وبدت نجد تلعب بشعره
نجد : دحومي
عبدالرحمن : عيونه
نجد : شرايك بكره نقول ميد جدي نرجع لديره
عبدالرحمن: بشوف
وبدا يهوجس وبدت نجد تسوي بشعره قرون وهو ماكان يدري عنها الين ماخلصت من شعره بدت تصوره وترسله لبنات
جمانه : يعزتيلك ي اخوي ماتدري حرمتك وش مسويه فيه
نجد : عادي زوجي
نوره : جوجو علميه تكفين
جمانه : لا ماني مخربه على عصافير الحب
نجد : كفو يلا عاد طولتو باي
قفلت نجد جوالها
عبدالرحمن : من كنتي تكلمين
نجد : البنات
عبدالرحمن : اي زين تبين قهوه سعوديه ولا شاهي
نجد : قهوه سعوديه
عبدالرحمن : ابشري ماطلبتي شي
وصب عبدالرحمن لنجد فنجال
عبدالرحمن : سمي
نجد : سم الله عدوك
لفت نجد وشافت عبدالرحمن بردان ولا قدرت تشوفه كذا وشالت الفروه وحطتها عليه
عبدالرحمن : ليه مو قايل لك ما ابيها
نجد : لا عادي انا دفيت
عبدالرحمن : بتبردين امشي معي ادخلي بفروه تكفينا ابيك بحضني
ابتسمت نجد وجلست لعنده وصار راسها على صدره وماسك يدها
نجد : عبدالرحمن تذكر يوم حنا صغار طقيتني بكوره الي كنت ألعبها مع محمد اخوك
عبدالرحمن بضحكه : اي تذكرت ياخي انتي عنيده آلا تاخذينها مني
نجد : اي لان ابي العب مع بنات واخر شي جاء عمي سعد وفقع الكوره
عبدالرحمن : اي وجمانه زعلت منه واخوك هاوشها علشان كان يقول هي سبب
نجد : تدري يومي صغيره كنت احبك بس ماكنت اقولك
عبدالرحمن : حتى انا كنت احبك وحتى اسالي جمانه كنت اخذ اخبارك من عندها ولا اذا ابوي قال ترا عمك خالد بيجي اقوم تقل مجنون وتذكرين يوم شفتك بحوش بيتنا
نجد بضحكه: اي تذكرت وقتها انا وجمانه قعدنا نضف الحوش
عبدالرحمن : شاطرين حريم سنعات
نجد : اكيد
عبدالرحمن بدون مقدمات فجاة قبل ثغرها بعمق ولا قدر يتحملها
عبدالرحمن : انتي وش انتي عذبتيني خذيتي قلبي و روحي كل شي فيني
نجد كانت مره مستحيه : بسم الله عليهم
عبدالرحمن : شرايك نمشي
نجد : تمام
شالو الاغراض وركبوها بحوض الشاص وركبو وحركو
نجد : دحوم
عبدالرحمن : سمي
نجد : ابي حليب شوكلت
عبدالرحمن ب ابتسامه : ماطلبتي شي الحين اجيب لك حليب شوكلت
نجد تقدمت وباست خده
وطبعا عبدالرحمن ماتحمل وذاب من حركتها
عبدالرحمن : ينزل لك الان كراتين حليب شقلاطة
نجد بضحكه : اسمه شوكلت
عبدالرحمن : شقلاطة
نجد بضحكه : احبككك
عبدالرحمن : اموت فيس يابعد دنيتي كلها
وصل عبدالرحمن البقاله ونزل ويوم نزل نجد ضحكت عليه وتوها تذكر ربطات الي بشعرها ويوم نزل صورته
نجد بضحكه : بنات تكفون دحوم نزل و ربطات بشعره
وكان عبدالرحمن يحاسب وعامل يضحك عليه
عبدالرحمن : علامك انت تضحك
عامل : شوف انت شعر وش فيه
عبدالرحمن : هات مرايه
شاف عبدالرحمن شعره مربط وعلى طول لف ناظر نجد مع سياره وكانت تضحك عليه
.
.
انتهى الجزء
اعطوني رايكم
اعذروني على الاخطاء الاملائية
لاتنسون النجمه هي داعمه لي 💙💙
وهذا حساب الانستا reciip_
تيك j.ur11
اسف ان بارت قصير ❤️