طلبت جيهان إعداد طاولة فى ركن المطعم لتتناول الطعام مع هانى وجلست تتكلم معه وإنتقلو من موضوع لآخر وظهر بينهما إنسجام ,كانت جيهان تجرب هذه المشاعر لأول مرة وكذلك هانى وسألته : هو إنت كمان كنت هاتمثل وفضلت تساعد أخوك
تنهد هانى تنهيدة مليئة بالإحباط وقال: الحقيقة لأ.... انا مهندس وإشتغلت كام سنة لكن بعد كده ,,, لما ماهر دخل الفن والدى الله يرحمه طلب منى إنى أكون معاه , ماهر كان لسه صغير ومالوش خبرة فى الحياة ,, وكان خايف عليه
يعنى مكانش ليك رغبة تبقى مدير أعماله ؟
لأ.... أنا كنت مبسوط بشغلى, لأنى بأعمل الحاجة اللى درستها عن حب وإقتناع لكن ..
مرضيتش تخالف أمر والدك ..
وماما كمان .. كانت عايزة كده ... لكن لو خيرونى .. كنت إشتغلت بشهادتى..
إنت مش مبسوط فى شغلك؟
مقدرش أقول لأ .. الشغل كويس وفيه علاقات كتير وفلوسه كمان حلوة ... لأن مش لاقى نفسى...
طيب ماتقول لأخوك وهو يجيب مدير أعمال تانى وإنت ممكن تتابعه برضه
من سنة إتكلمت معاه وقلت له هو ووالدتى ,, لقيته خاف وقال لى إنه ميقدرش يثق فى حد غيرى يتولى أعماله ووالدتى كان ليها نفس الرأى وقالت لى عايز واحد غريب يمسك شغل أخوك وفلوسه؟
تأملت جيهان وجهه فى صمت فابتسم وقال: الأكل حلو قوى على فكرة وطاجن البامية تحفة ...
نظر لها نرة دافشة وأكمل بصوت هادئ :تسلم إيدك ياجيهان...
حاولت جيهان إخفاء إرتباكها وقالت :بالهنا والشفاء .. تحب تشرب شاى وإلا قهوة ؟
أبقى طماع لو طلبت القهوة من إيدك ...
أحنت جيهان وجهها بخجل ولم تجيبه واشارت لأحد الشباب لينظف الطاولة ووقفت وهى تقول: نشربها فى المكتب عندى إتفضل ...
أصطحبته جيهان لمكتبها وفتحت الباب وقالت:هاعمل القهوة وأرجع لك
فى إنتظارك
إبتعدت جيهان ودخل هانى لحجرة المكتب ,تأمل المكان لأول مرة وظهر على وجهة الإعجاب بترتيب المكتب والأثاث ,وتأمل فى صورة صحبة الورد ثم نظر للصور على مكتبها,صور منة وأحمد وتغير وجهه قليلا ولكنه إبتسم مرة أخرى عندما رأى هديته بجوار مكتبها ومليئة بالورود ,رن هاتفها على المكتب وإقترب هانى وقرأ إسم فتحى ,,وتساءل: مين فتحى؟
فى حديقة الفيلا جلست نور تشرب فنجان قهوة وخرجت إنجى من الفيلا ووقفت تنظر عليها بتردد ثم إستجمعت شجاعتها وإقتربت منها وقالت: ماماى عندى طلب وبلييز توافقى
مش أعرف الطلب الأول ..
نروح يوم الجمعة بيت شريف علشان درس العربى ..
أنت تقرأ
صحبة ورد
De Todoهذه الروياة تتكلم عن الصداقة القوية بين مجموعة من الفتيات تفرقهم الأيام ولكن يعودو للقاء وتظهر قوة صداقتهم فى مساندة بعضهم ودعمهم لبعضهم البعض
