صحبة ورد

رفض 24

بعد أن أنهت نيرمين تنظيف البيت والمطبخ نامت من تعبها وزاد البرد عليها وسمعت نبيل ينادى ولكنها لم تستطيع الرد عليه فدخل للحجرة وقال: إيه يانيرمين مش بتردى ليه؟

تعبانة قوى ... سيبنى أرتاح

طيب انا خارج وعايز قميص مكوى ..

ماتكوى لك قميص يانبيل

إنت عارفة ماليش خلق على المكوة . قومى إتأخرت على صحابى

خلى واحدة من البنات تكويه لك ...

خرج نبيل وهو ممتعض وعاد بعد قليل وقال: البنات مشغولين ...

طيب. طيب...

تحاملت نيرمين على نفسها ونهضت من السرير , كانت بالكاد تقف ,أمسكت بقميص ووضعت طاولة المكوى وبدأت فى كى القميص ونبيل بجوارها يقول : ياللا بسرعة ..

أنهت الكى فأخذ قميصه بسرعة وإرتداه وخرج, جلست نيرمين على طرف السرير وهى تشعر بالأسف على نفسها ,, زوجها غير مهتم وأولادها لم يأتى أى منهم ليسأل عنها حتى .. حاولت ان تخرج من الحجرة لتشرب ولكن دارت بها الدنيا فعادت للسرير مرة اخرى أخذت حبة دواء ونامت ولكن بعد قليل دخلت بيرى تقول: ماما .. صاحبتى جاية فيه حاجة نقدمها: ماما... ماما

إيه يابيرى انا تعبانة ..

بأقولك صاحبتى جاية أقدم لها إيه؟

شوفى حاجة فى التلاجة, كان فيه كيك

خلص ...

إبعتى اخوكى يشترى اى حاجة وقدميها لها يابيرى أنا مش قادرة أقوم,,

خرجت بيرى حتى بدون أن تقول لأمها سلامتك أو تهتم وسالت دموع نيرمين فى صمت وبعدها دخلت إبنتها الأخرى وإبنها ولكنها لم تستطيع الرد عليهم, كان لكل منهم طلبات بغض النظر عن مرضها الكل يريد طلباتها أن تنفذ.

طبعا لم يتحمل رفيق وماهى إلا دقائق وكان يدق باب شقة نغم وفتحت له مرحبة فقال: أنا رفيق جيت علشان منار

أيوه أيوه عارفة إتفضل

دخل رفيق وبحثت عيناه عن منار وإقترب منها وأمسك يدها وقال: إنت متعرفيش مكالمتك اسعدتنى قد إيه؟

أنا كمان سعيدة قوى لأنى خلاص هاقدر أشوف من تانى ,,, خفت قوى تضيع منى وتنفذ تهديدك ,, صحيح كنت هاترتبط؟

إنت برضه تصدقى غنى ممكن أرتبط بإنسانة غيرك , ده مستحيل ,,,

إبتسمت الصديقات وإبتعدن وتركو منار لتتكلم مع رفيق على راحتها وجلسو مع نور وأخبرت جيهان عن حياتها مع اهلها فى الخارج ثم زوجها وتنقلها من بلد لآخر بدون إستقرار وقالت: إسمعو اللقاء الجاى يبقى عندى فى الفيلا, انا وضبت فيها ويغرت شوية فرش ,عايزين نتجمع زى زمان