صحبة ورد

16

هذه الليلة نامت عائشة فى بيت نغم وأخذتها نغم فى حضنها وضمتها وظلت تتحدث معها حتى نامت ثم تأملتها بأسف وقالت: مش حرام يشتتو البنت بينهم بالطريقة دى ,,, ربنا يهدى لها الحال

لم تنام نغم مباشرة بل تمددت وهى تفكر فى رؤوف وحبها له هذا الحب الذى ملأ قلبها نحوه من سنوات وهو لم يشعر بها أبدا ,وتساءلت لماذا تحبه؟ لماذا هو؟ فى رأيها هو رجل انانى يفكر فى نفسه فقط ولايضع أى إعتبار لمشاعر إبنته ولكن طليقته أيضا تفكر فى نفسها ,, حاولت ان تجد سبب واحد لحبها وأغمضت عينيها وغطت فى نوم عميق .

وقفت نغم تحضر الفطار وترتب السفرة وخرج شريف من حجرته: صباح الخير يانغوم

صباح النور ياحبيبى , كنت لسه جاية أصحيك

أنا صحيت على تليفون إسلام

ضحكت نغم: هو كان نايم بيحلم بيك

ضحك شريف وجلس على السفرة وقال: لأ بنتفق هايعدى على علشان نروح بيت إنجى صاحبتنا الجديدة

إنجى !! تعرفوها منين؟

دى بنت رجعت من برة ودخلت مدرستنا, إتعرفنا عليها, لطيفة قوى ورقيقة ,

عازماكم يعنى؟

لأ رايحين نديها دروس فى العربى ..

مبتعرفش تتكلم عربى خالص

لأ بتتكلم كويس جدا بس القراءة والكتابة عندها تقريبا صفر وإتفقنا نعمل لها دروس .

إبتسمت نغم بحنبن وقالت: يآآه فكرتنى بزمان إحنا كمان عملنا كده علشان واحدة صاحبتنا .. طيب إوعى تروح فاضى لازم تآخد معاك حاجة ..

حاجة زى إيه؟

فاكهة أو طبق حلويات شرقى . ميصحش تروحو فاضيين ..

أكلمهم قبل ماننزل ونتفق

هاروح بقى أشوف عائشة صحيت وإلا لسه؟؟

حان اليوم المنتظر و سيأتى أصحاب إنجى إلى بيتها ,دخلت المطبخ وكانت نور تعطى تعليمات للخادمة ونظرت نور لكل شئ وقالت : مامى صحابى قربو يوصلو .

كلموكى خلاص؟

أيوه البنات هايعدو على بعض والولاد كمان

حتقعدوا في يا حبيبة قلبي. تحبو تقعدوا في الجنينة ولا تقعدوا فين؟

مش عارفة يامامى رأيك إيه؟ نطلع أوضتى

بيتهيألى الجنينة أو الأنترية أفضل , أوضتك ممنوع .

ليه يامامى ؟

مينفعش يقعدوا في أوضتك، دول ولاد وبنات، صح؟

أيوه بس هانبقى كلنا مع بعض ...