حطيت لكم صورة جيهان
وقفت جيهان فى مكتيها تنتظر الماكير وهو يجمع أشياؤه وعندما خرج أمسكت الهاتف وإتصلت بأولادها : ألو أيوه يا أحمد بابا جه ياحبيبى ؟ ... لأ .. يعنى إيه؟ إتصلت بيه .... موبايله مقفول.... طيب حاول تانى يمكن يرد
وضعت جيهان هاتفها وقالت: الراجل ده مش هايتغير أبدا وقافل موبايله ليه ؟؟؟ والله لو مجاش لأهاسود عيشته.
كان الجميع فى شقة نغم ينظرون لشريف المصدوم وقالت نغم: شريف إيه اللى رجعك ياحبيبى؟
نسيت الموبايل ورجعت آخده .. ماما صحيح اللى قلتيه ده عن بابا؟
إرتبكت نغم وإحتارت ماذا تقول: هل تكذب الآن بعدما سمع إبنها كل شئ أمسكت يده وقالت: حبيبى دى حاجات كانت فى الماضى ..
فى الماضى؟ بس فعلا بابا كان كده بيضربك ويهينك؟؟
ضمته نغم لصدرها وهى تقول: أنا نسيت كل حاجة .. دى مرت سنين ...إنت كنت صغير وقتها ..
شريف: وليه مقلتيش ياماما, إنتى إنتى دايما تحكى لى عن بابا وحبه ليكى
مكنتش عايزاك تعرف ياحبيبى ... وكنت بأحافظ على صورته فى قلبك.
إلتفت شريف لجده وجدته وقال: وعايزينها دلوقتى تتجوز وتسيبنى ؟؟
تنهدت نغم وقالت جدته: مانت هاتعيش معانا و...
ومين قال لكم إنى هاسيب ماما؟؟
تدخل جده وقال: محدش قال تسيبها .. هاتعيش معانا وتشوفها وقت ماتحب..
نغم: بابا أنا قلت اللى عندى عمرى ماهاتجوز بعيد عن إبنى ومن غير موافقته ....
نظرلها والداها بعدم رضا ولكنها قالت بإصرار : سيبونى بقى أعيش مرتاحة وبطلو تتدخلو فى حياتى ...
قبل شريف وجهها وضمته.
وقف رامى المخرج فى وسط المطعم وهو حائر ماذا ا يفعل وكان ماهر يقول بغضب: مش معقول الست دى؟؟ إيه يعنى فازة إتكسرت ؟؟ تلغلى التصوير بالشكل ده ؟؟؟ هانعمل إيه؟
رامى: مفيش قدامنا غير إننا نحدد ميعاد تانى
ماهر: ميعاد تانى يعنى إيه انا مشغول عندى تصوير ..
رامى: هاعمل إيه يعنى هاصور غصب عنها ؟؟
فتح الباب ودخل هانى مدير أعمال ماهر وقال: بدأتم تصوير ؟؟
ماهر: تصوير إيه بقى الست صاحبة المطعم بوظت الدنيا
هانى: يعنى إيه؟
رامى :يعنى لغت التصوير.
هانى: إزاى الكلام ده ؟ هو حصل حاجة ؟
أنت تقرأ
صحبة ورد
Randomهذه الروياة تتكلم عن الصداقة القوية بين مجموعة من الفتيات تفرقهم الأيام ولكن يعودو للقاء وتظهر قوة صداقتهم فى مساندة بعضهم ودعمهم لبعضهم البعض
