أجمل الصداقات هى التى تبدأ من الصغر حيث البراءة والصدق فى المشاعر والحنان ,, بعضها تستمر والبعض ينتهى لظروف الحياة والفراق ولكن تبقى القلوب كما هى مليئة بالحب والوفاء ,, هذا ماحدث مع الصديقات الستة
نور , نيفين, غادة ,منار, جيهان , نغم ,, تعرفن منذ المرحلة الإبتدائية وجمع بينهم حب وتآلف برغم إختلاف شخصياتهن ,, وتعلقت قلوبهم ببعضهم البعض وتجاوزن معا المرحلة الإبتدائية والإعدادية وظلت الصداقة بينهم حتى الثانوى ,لم تهتز أو تتغير برغم من إختلاف كل واحدة عن الأخرى , كانت نور الفتاة الرقيقة واطلقو عليها بسكوتة الشلة لرقتها ودلالها , والدها رجل اعمال وأمها سيدة مجتمع وتعيش فى فيلا وكثيرا ما إجتمعت مع صديقاتها فى الحديقة . وجيهان ولقبها جى جى ,, العاقلة بينهم ومحترفة طهى و تحلم بأن يكون لها مطعم خاص بها عندما تكبر ومنار الفنانة التى تعشق الرسم والنحت وحصلت فى المدرسة على جوائز كثيرة والإعلامية أو هكذا يقولون عنها , غادة نجمة الإذاعة المدرسية .. أما نيفين نجمة حفلات المدرسة و مطربة المجموعة,ذات صوت حنون وتتمنى ان تلتحق بالمعهد العالى للموسيقى وتحارب والديها من اجل تحقيق حلمها والأخيرة هى نغم ترغب فى دراسة الأعمال ,كل واحدة كان لها حلم مخالف للأخرى ولكن كل واحدة تحترم حلم صديقتها ورغبتها وأحلامها وأقسمن على البقاء معا دائما ولكن هل سيتحقق هذا ؟؟؟
دق جرس المنبه فى حجرة نور يعلن الساعة السادسة فقفزت من السرير وتوجهت للحمام بسرعة وهى تقول: آه الرحلة ... كويس إنى صحيت بدرى ,مش عايزة اتأخر على البنات
دخلت الدادة وهى تحمل شماعة عليها بلوزة و تنادى: نور .. نور إصحى,الرحلة و....
تقترب من السرير وتكمل :الله دى قامت
دقت الدادة على باب الحمام وتقول: نور... أنا كويت لك البلوزة اللى هاتلبسيها خلصى بسرعة علشان تلحقى تفطرى
نور: حاضر يادادة .... هى ماما صحت ؟؟
الدادة: لأ لسه نايمة ...أنا عارفة أم إيه دى؟؟ بنتها رايحة رحلة وهى فى سابع نومة..
نور: راجعى لى الشنطة كده يادادة مش عايزة أنسى حاجة وإتاكدى إن الكاميرا موجودة.
الدادة: طيب ياحبيبتى .
تفتح الدادة حقيبة نور وتفحصها وتقول: كله تماما يانور
تخرج الدادة من الحجرة بسرعة وتنزل سلم الفيلا وتدخل المطبخ وهى تكلم نفسها : خسارة فيها البت اللى زى الملاك دى؟؟
نظرت لها وفية الخادمة وضحكت وهى تقول: بتكلمى نفسك ليه يادادة؟؟
الست شاهستا نايمة ونور رايحة الرحلة مش تقوم كده تفطرها وتشوفها
وهى من إمتى الست شاهستا بتسأل فى نور والا بتعبرها دى عايشة لنفسها وبس..
على رأيك ... بس البت صعبانة على ... كل البنات هايبقى معاهم اهلهم يوصلوهم وهى تروح زى الغلبانة كده..
أنت تقرأ
صحبة ورد
Non-Fictionهذه الروياة تتكلم عن الصداقة القوية بين مجموعة من الفتيات تفرقهم الأيام ولكن يعودو للقاء وتظهر قوة صداقتهم فى مساندة بعضهم ودعمهم لبعضهم البعض
