خرج جى جى من مكتبها في المطعمو اقتربت من حكيم وقالت \: حكيم أنا رايحة البيت. الولاد زمانهم هيمشو يروحو لباباهم ,خد بالك من كل حاجة، و إوعى تطلبني
يعني إيه مطلبكيش؟ إفرضي حصلت حاجة؟
ما يحصل إللي يحصل يا أخي ,إنت المدير إتصرف , سلام
خرجت جيجى وركبت سيارتها و فور انطلاقها رن هاتفها وكان حكيم.,زفرت بقوة وقالت: يووه يا حكيم مفيش فايدة فيك أبدا. أبدا. مش هرد عليك. هسيبك تتفلق كده
أنهت منة إعداد حقيبتها , كانت سعيدة لأنها اخيرا ستقضى بعض الوقت مع والدها , خرجت للصالة وهى تنادى: احمد.. احمد انا جاهزة خلاص
خرج احمد من حجرته وقال: وأنا كمان نتغدى مع ماما وننزل
هو بابا كلمك تانى ؟
لأ من ساعة ماتفقنا على الميعاد ماتصلش
فتح باب الشقة، ودخلت جيجى : انا جيت ياحبايبى ,, جاهزين؟
منة: أيوة يا ماما، إحنا جاهزين.
أحمد :مستنيلك عشان نتغدى قبل ما ننزل،
جيجي: الله لسة ماتغديتوش يا صباح ... صباح
خرجت صباح من المطبخ : أيوة يا مدام جيهان
إزاي الولاد ما يتغدوش لحد دلوقت؟
صباح :قالو لى هانستنى ماما ,,,,
جيهان: طيب يلا حطى الغدا بسرعة ,أنا هادخل اغسل إيدى ووشى و...
رن هاتفها أخرجته من الحقيبة وقالت :حكيم مفيش فايدة. هيفضل يتصل؟
ضحك أحمد ومنة وقالت :مش هتردى يا ماما؟
لا طبعا , حكيم ده لاسع ,, ده أنا يا دوب سبت المطعم وركبت العربية. لقيتو بيتصل . أنا مش فاهمة أنا حطاه مدير ليه؟
ظل هاتفها يرن، فألقته على الطاولة، ودخلت إلى الحجرة بسرعة وهى تقول: إوعو حد يرد عليه ..
في هذا الوقت، جلست منار في حجرتها وهي تستمع إلى بعض الموسيقى، ودق الباب، ودخلت والدتها وقالت :منار مش نازلة النهاردة؟
لأ يا ماما. مش هانزل
الله ليه يا حبيبتي؟ مش كنتي بتروحي تقعدي مع جيهان في المطعم؟
بعطلها يا ماما. بتفضل قاعدة معايا ومربوطة جنبي عشان ما تسيبنيش لوحدي وشغلها بيتعطل
جلست والدتها بجوارها وأمسكت يدها وقالت : يتعطل في إيه بس حبيبتي. ما هي لما بتقعد تعمل حاجة بتقوم تطلع بره المكتب. وعندها مدير المطعم يعني أديكي بتغيري جو؟
أغير جو!! ياماما أنا حياتي خلصت خلاص , انتهت
طب يا حبيبتي قومي روحي النادي. تعالي معايا وأنا اوديكي النادي. هنقعد شوية ولا أقول لك إيه؟ ما تيجي تروحي نادي الرسم؟
أنت تقرأ
صحبة ورد
Randomهذه الروياة تتكلم عن الصداقة القوية بين مجموعة من الفتيات تفرقهم الأيام ولكن يعودو للقاء وتظهر قوة صداقتهم فى مساندة بعضهم ودعمهم لبعضهم البعض
