အဆင့်မြင့်ဘော့စ်က အသင်္ချေဂိမ်းထဲ မှားယွင်းစွာ ဝင်ရောက်သွားပြီးတဲ့နောက်

13.1 (1: 13.1)

Unicode

ပင့်ကူနီက မြေပြင်ပေါ် တခဏလောက်တူးနေပြီး မြေပြင်မှာ ကြီးမားတဲ့အပေါက်ဝဖြစ်သွားပေမယ့် သူက ဝင်လို့မရသေးပါဘူး။

ပိုင်လီရှင်းက အနားသွားပြီး ပင့်ကူနီရဲ့လည်ပင်းကို ကြိုးနဲ့ ပြန်ပြီးချည်လိုက်တယ်။

ပင့်ကူနီ : "....."

ပင့်ကူနီက ထပ်ပြီးရိုက်ခံရမှာကိုကြောက်တာကြောင့် ထွက်မပြေးတော့ပေ။ အနည်းငယ်လောက် တအိအိငိုလိုက်ပြီး ပိုင်လီရှင်းနောက်လိုက်သွားလေတယ်။

ပင့်ကူနီကြိုးတန်းလန်းနဲ့ ပိုင်လီရှင်းက ခွေးနဲ့လမ်းလျှောက်ထွက်လာသလို မြစ်ဘေးကိုရောက်ချိန်မှာ ပျောက်နေတဲ့ ကစားသမားတွေကို တွေ့လိုက်ရတယ်။

သူတို့အဖွဲ့ဟာ တကယ်ပဲ တနေကုန် လှေတစီးကို တည်ဆောက်ခဲ့တယ်။ အဲ့အချိန်မှာ လှေကို မြစ်ကမ်းနဘေးမှာချည်ထားပြီး ရွာသူကြီးက ဆီထည့်နေလေတယ်။

ရွာသား NPC တွေအကုန်လုံး အဘွားစန်းအပါအဝင် ဒီနေရာမှာ စုစည်းနေကြတယ်။

မြစ်ဘေးမှာ မီးပုံကြီးတခု ဖိုထားပြီး NPC ဒါဇင်ကျော်လောက်က တောင့်တင်းနေတဲ့ခန္ဓာကိုယ်နဲ့ မီးပုံကိုပတ်ပြီး ခုန်နေကြတယ်။ သို့သော်လည်း သူတို့ရဲ့တောင့်တင်းနေတဲ့ ခန္ဓာကိုယ်ကြောင့် ကြိုးတွေနဲ့ သူတို့ကို ချည်နှောင်ဆက်ထားတဲ့ ရုပ်သေးရုပ်လိုဖြစ်နေကြပြီး သူတို့ခေါင်းတွေ ခါယမ်းနေကြတယ်။

ဒါက ဇွန်ဘီကပွဲ live version လိုပါပဲ။

အခြားတဖက်မှာတော့ ကစားသမားတွေဟာ စိုးရိမ်သောကတွေနဲ့ NPC တွေ ပတ်လည်ဝိုင်းခံနေရပြီး အတူလိုက်ကနေကြတယ်။

သူတို့က ကခုန်ချင်တာမဟုတ်ပဲ ဇာတ်ကွက်ရဲ့အလိုကျအတိုင်း သူတို့ခန္ဓာကိုယ်တွေဟာ အထိန်းအကွပ်မဲ့ ကခုန်နေကြပုံရတယ်။

၂နာရီလောက်ပဲ ကျန်တော့ပေမယ့် ဇာတ်ကွက်အတိုင်းသွားဖို့ ဖိအားပေးခံနေရတယ်!

နေက ဝင်သွားခဲ့ပြီး အဝေးကတောအုပ်မှာ တရှဲရှဲမြည်ပြီး လှုပ်လှုပ်ရွရွ ဖြစ်နေတယ်။

မရေမတွက်နိုင်တဲ့ပင့်ကူနီတွေဟာ တောင်ခြေကသစ်ပင်နောက်မှာ နားနေကြပြီး သူတို့ရဲ့သွေးနီရောင်မျက်ဆံတွေဟာ လရောင်အောက်မှာ ချောက်ချားဖွယ် တောက်ပနေတယ်။