Unicode
ပိုင်လီရှင်းနဲ့ ရှချီတို့က ခြံဝင်းကနေ ဖြတ်လာတော့ ပြတင်းပေါက်ကလာတဲ့ အပြင်းအထန် ငြင်းခုံသံတွေကို ကြားလိုက်ရတယ်။
ပိုင်လီရှင်းက ရှချီအား မေ့နေတဲ့သတ္တဝါကို ခြံထဲပစ်ထားလိုက်ဖို့ အချက်ပြလိုက်တယ်။ သူတို့ ၂ယောက်ဟာ အခန်းထဲကို တယောက်ပြီးတယောက် ဝင်သွားတော့ အခန်းတွင်းရှိလေထုဟာ နေ့ခင်းတုန်းကထက်တောင် ပိုတင်းမာနေတာကို တွေ့လိုက်ရတယ်။
လူနာတွေကို ပြုစုစောင့်ရှောက်ပေးရမယ့် လျန်ရှိလည်း ရှိနေခဲ့ပြီး သူတို့အားလုံးက တင်းတင်းမာမာနဲ့ အလွန်လေးနက်တဲ့ အမူအရာတွေ ရှိနေကြတယ်။
သူတို့ရဲ့အလယ်မှာတော့ ဒီနေရာမှာ ရှိမနေသင့်တဲ့လူတယောက် ရှိနေတယ်။
အဲ့ဒါက အဘွားစန်းပါပဲ။
အဘွားစန်းကို ကြမ်းပြင်ပေါ်မှာ ကြိုးတချောင်းနဲ့ ချည်နှောင်ထားတယ်။ သူမရဲ့အမူအရာက တွေဝေနေကာ သူမမျက်လုံးတွေက မှိုင်းညို့နေပြီး ပါးစပ်က အော်နေတယ်။
"ငါက ဒီမှာ အလောင်း လာစုတာ။ ငါ ဒီကို အလောင်းစုဖို့ ရောက်နေတာ"
"အလောင်းတွေအများကြီး စုပြီးပြီ။ ဘာလို့ ပေါင်အာက မရှိရတာလဲ?"
"ပေါင်အာ၊ မင်း ဘယ်မှာလဲ?"
တခြားကစားသမားတွေက အဘွားစန်းကို သတိအပြည့်နဲ့ကြည့်နေပြီး သူတို့မျက်နှာပေါ်မှာ ဒေါသတွေ ထွက်လာတယ်။
"ဒီ NPC က သံသယဖြစ်စရာပဲ။ တခုခုမှားနေတာပဲ ဖြစ်ရမယ်!"
"ဖာ့ခ်။ ငါ အပေါ့သွားနေတုန်းက သူမကြောင့် လန့်လို့ သေတော့မယ်"
"တနေ့လုံး သေနေတဲ့မျက်နှာနဲ့ သရဲဆန်ဆန်လုပ်နေတာက ဒေါသထွက်ဖို့ကောင်းတယ်။ သူမ တခုခုမှားနေတယ်လို့ ငါ ထင်တယ်!"
"သူမ ရောက်လာလာချင်းပဲ အမျိုးသမီးကစားသမား ၂ယောက် သေသွားတယ်။ သူတို့ ၂ယောက်ကိုသတ်တာ သူမများလား?"
"ဖြစ်နိုင်တယ်။ ရွာတရွာလုံးမှာ သူမတယောက်ထဲ အမျိုးသမီး NPC ဖြစ်နေတာ၊ မထူးဆန်းဘူးလား?"
"သူမ တခုခုကို သိထားရမယ်!"
"ဒါပေမယ့် ငါတို့ သူမကို ဘာမှမေးလို့မရဘူး။ သူမ ပြောလိုက်တိုင်း 'ပေါင်အာ' ဆိုတာချည်းပဲ!"
YOU ARE READING
အဆင့်မြင့်ဘော့စ်က အသင်္ချေဂိမ်းထဲ မှားယွင်းစွာ ဝင်ရောက်သွားပြီးတဲ့နောက်
TerrorUnicode + Zawgyi This is not my own. I'm just translating for fun. Credit to all original authors and translators. Title: After the Full-Level Boss Entered the Infinite Game By Mistake Author(s) :Mu Bai, 牧白
