Unicode
ပိုင်လီရှင်းက ဘာမှမပြောတာကိုတွေ့တော့ မစ္စတာမိုက သူ့မျက်လုံးကို အနည်းငယ်အောက်စိုက်လိုက်တယ်။ သူက ပိုင်လီရှင်းရဲ့မျက်နှာကို နောက်ဆုံးတစ်ခေါက်ကြည့်လိုက်ချိန် မစ္စတာမိုရဲ့မျက်လုံးထဲမှာ အံအားသင့်တဲ့အရိပ်အမြွက် ဖျက်ကနဲ့လတ်သွားပေမယ့် လျင်မြန်စွာပဲ ပျောက်ကွယ်သွားတယ်။
မစ္စတာမိုက ထပ်ပြီးမေးလိုက်တယ်။ "ဟမ်?"
အဝေးမှာ ပန်းပဲသမားက သွေးမျိုးနွယ်ရဲ့ စိတ်လှုပ်ရှားစွာ ကိုက်ခဲခြင်းအောက် နစ်မြုပ်နေပြီ ဖြစ်တယ်။
သူက အော်ဟစ်ဖို့ကြိုးစားပေမယ့် သွေးမျိုးနွယ်က သူ့လည်ပင်းကို ကိုက်ခဲထားတာကြောင့် အော်သံမထွက်လာခင် သွေးတွေကို မြိုချပစ်လိုက်တယ်။
[ဒင်! ကစားသမား ၆ယောက်သေဆုံး၊ ကျန်ရှိသူကစားသမား ၄၄ယောက်]
ခုနက လူကြီးလူကောင်းပုံစံနဲ့ သွေးမျိုးနွယ်တွေဟာ သူတို့ရဲ့မူလပုံစံကို အသွင်ပြောင်းနေပြီး သူတို့မျက်နှာဟာ ဖြည်းဖြည်းချင်း လင်းနို့လိုသတ္တဝါပုံ ပြောင်းသွားပြီး ရှုပ်ပွနေတဲ့ ဆံပင်တွေဟာ သူတို့မျက်နှာတစ်ခုလုံးပေါ် ဖုံးအုပ်ပြန့်ကျဲနေတယ်။
တချို့က ဒီပုံစံကို ယူထားပြီး တချို့ကတော့ တည်ကြည်ပြီးမဟာဆန်တဲ့အသွင်နဲ့ ဆက်ရှိနေပေမယ့် သူတို့နှုတ်ခမ်းထောင့်မှာတော့ သွေးတွေနဲ့ အနီရောင်စွန်းထင်းနေတယ်။
သွေးတွေက သူတို့ပါးစပ်ထောင့်ကနေ စီးကျနေပြီး သူတို့ရဲ့ဖြူဖျော့တဲ့မျက်နှာပေါ်မှာ ပေါ်လွင်နေတယ်။ ထို့နောက် သူတို့ရဲ့အဖျားချွန်တဲ့လျှာနဲ့ သွေးတွေကို သပ်လိုက်လေတယ်။
မရေမတွက်နိုင်တဲ့ကစားသမားတွေက တုန်လှုပ်နေကြတယ်။
ဒါက ကြောက်စရာကောင်းပြီး ရွံစရာကောင်းလှတယ်။
မစ္စတာမိုလည်းပဲ သွေးမျိုးနွယ်ရဲ့ ခွေးရူးလို့ စားသောက်တဲ့အပြုအမူနဲ့ သူတို့ကိုယ်သူတို့ တန်ဖိုးဖြတ်ထားတဲ့ပုံကို ကြည့်ပြီး ရွံရှာနေပုံရတယ်။ သူက သူ့တုတ်ကောက်ကို မြှောက်လိုက်ပြီးနောက် ကြမ်းပြင်ပေါ် ပြင်းပြင်းထန်ထန် ခေါက်လိုက်တယ်။
YOU ARE READING
အဆင့်မြင့်ဘော့စ်က အသင်္ချေဂိမ်းထဲ မှားယွင်းစွာ ဝင်ရောက်သွားပြီးတဲ့နောက်
رعبUnicode + Zawgyi This is not my own. I'm just translating for fun. Credit to all original authors and translators. Title: After the Full-Level Boss Entered the Infinite Game By Mistake Author(s) :Mu Bai, 牧白
