Unicode
သူ့ရှေ့ကအမှောင်ထုထဲမှာ ကြည်လင်တဲ့အပြာရောင် teleportation အလင်းတန်းဟာ အချိန်မကိုက်စွာပဲ ပေါ်လာပြီး အထဲကနေ တစ်ခုခုထွက်လာတယ်။
ပိုင်လီရှင်းနဲ့ အဲ့ဒီတစ်စုံတစ်ခုဟာ မှိန်ဖျော့ဖျော့အလင်းတန်းထဲမှာ အကြည့်ချင်းဆုံသွားတယ်။
မျက်လုံးလေးလုံးဟာ အချင်းချင်းတွေ့ဆုံသွားပြီး လေထုက ရပ်တန့်သွားတယ်။
အဲ့ဒီအရာက ဖြူဖျော့တဲ့ခန္ဓာကိုယ်နဲ့ လင်းနို့လေးတစ်ကောင်ပါပဲ။
လင်းနို့က စိတ်ရှုပ်ထွေးနေမှန်း သိသာနေပြီး သူ့ရဲ့အနီရောင်မျက်ဝန်းကို နှစ်ကြိမ်လောက်ခတ်ပြီးနောက် ပိုင်လီရှင်းကို မိန်းမောစွာ စိုက်ကြည့်နေတယ်။
ပိုင်လီရှင်း : "....." ဒီ albino နဲ့တူတဲ့အရာလေးက အတော့်ကိုထူးခြားတာပဲ။
တခြားလင်းနို့တွေရဲ့အမွေးတွေက များသောအားဖြင့် ညစ်ပတ်နေသလိုမီးခိုးရောင်ဖြစ်ပြီး အတိုအရှည်မညီမညာနဲ့ အမွေးတုံးတွေ ဖြစ်နေတတ်တယ်။
ဒီလင်းနို့ရဲ့အမွေးတွေကတော့ ကြောင်တစ်ကောင်နဲ့ တူနေတယ်။ သူ့ရဲ့မျက်နှာတောင်မှ ပါရှန်းကြောင်လေးနဲ့ ဆင်ပါတယ်။ ဒါပေမယ့် သူ့ခန္ဓာကိုယ်တစ်ဖက်စီမှာ ခေါက်ထားတဲ့အတောင်ပံကတော့ ထက်ရှတဲ့အစွယ်တွေပါနေပြီး ဒါဟာ လင်းနို့တစ်ကောင်ဆိုတာကို ပြသနေတယ်။
မှုန်မှိုင်းတဲ့အပြာရောင်အလင်းတန်းက ဖြည်းဖြည်းချင်းပျောက်ကွယ်သွားပြီး နောက်ဆုံးအလင်းတန်းက လေထုထဲ လုံးဝပျောက်ကွယ်မသွားခင် နှစ်ကြိမ်လောက် ဖျက်ကနဲ့ လင်းသွားသေးတယ်။
ခေါင်းတလားက ပြန်ပြီး မှောင်မိုက်သွားပြန်တယ်။
ပိုင်လီရှင်း : [စနစ်၊ အဲ့ဒါက စစ်မှန်သောဘိုးဘေးလား? အစစ်အမှန်ဘိုးဘေးက ဘယ်မှာလဲ? သူ မလာသေးဘူးလား?]
နှစ်စက္ကန့်ကြာပြီးနောက် စနစ်က စာတစ်ကြောင်း ပြန်ပို့လာတယ်။ [သူက သင့်ရဲ့ လက်မောင်းထဲမှာပဲလေ]
စနစ် : [ကြွရောက်မှုကဒ်က ဖိတ်ခေါ်ဖို့အတွက်သက်သက်ပဲလို့ ဂိမ်းမစခင်မှာ ကစားသမားတွေကို သတိပေးခဲ့တယ်။ အစစ်အမှန်ဘိုးဘေးက အောင်အောင်မြင်မြင် စည်း ပိတ်ပြီးရင် သူက ချက်ချင်းပဲ ရောက်လာပါလိမ့်မယ်]
YOU ARE READING
အဆင့်မြင့်ဘော့စ်က အသင်္ချေဂိမ်းထဲ မှားယွင်းစွာ ဝင်ရောက်သွားပြီးတဲ့နောက်
HororUnicode + Zawgyi This is not my own. I'm just translating for fun. Credit to all original authors and translators. Title: After the Full-Level Boss Entered the Infinite Game By Mistake Author(s) :Mu Bai, 牧白
