အဆင့်မြင့်ဘော့စ်က အသင်္ချေဂိမ်းထဲ မှားယွင်းစွာ ဝင်ရောက်သွားပြီးတဲ့နောက်

13.2 (1: 13.2)

Unicode

ထူထပ်တဲ့တောအုပ်ရဲ့အမှောင်ထုထဲမှာ ပိုင်လီရှင်းရဲ့မျက်လုံးထဲ အေးစက်တဲ့အလင်းရောင်ပေါ်လာပြီး သူ့ရဲ့ကြီးမားတဲ့ဝတ်ရုံဟာ သူ့နောက်မှာ လွင့်မျောနေတယ်။ ပင့်ကူနီတွေက သူ့နားထဲမှာ ဟိန်းဟောက်နေကြပြီး သစ်ရွက်များက သူ့မျက်စိရှေ့ကနေ လွင့်ပျံသွားကာ သူ့ပါးပြင်ပေါ် လေပြင်းတွေ ဖြတ်တိုက်သွားကြတယ်။

ပိုင်လီရှင်းက မတုန်မလှုပ်နေနေတယ်။ အခု သူ့မှာ ပန်းတိုင်တခုတည်းရှိပါတယ်။ လူတွေရဲ့နှလုံးသားကို ကစားပြီး အမှောင်ထုနောက်ကွယ်မှာ ပုန်းအောင်းနေတဲ့ နတ်ဆိုးဝိဥာဉ်ကို ဖျက်စီးပစ်ဖို့ပါပဲ!

ပိုင်လီရှင်းရဲ့စိတ်ထဲ ဒေါသတရားတွေ မြင့်တက်လာတယ်။ မမြင်ရတဲ့ပင့်ကူနီတကောင်က အရှေ့ကို ပြေးထွက်လာတော့ ပိုင်လီရှင်းက ပြင်းပြင်းထန်ထန် ထိုးချလိုက်တာကြောင့် မီတာအတော်ဝေးဝေးကို ရောက်သွားတယ်။ ပင့်ကူနီရဲ့ခန္ဓာကိုယ်က သူ့အဖော်တွေနဲ့ တိုက်မိပြီး ထူထပ်တဲ့ပင့်ကူနီအစုအဝေးကြီးက ရွဲ့စောင်းကျသွားတယ်။

NPC တွေအကုန်လုံးက အချိန်အတော်ကြာကတည်းက သေသွားခဲ့ပြီး ဖြစ်တယ်။

ကျန်တာတွေအားလုံးက သူတို့ရဲ့ အလောင်းတွေပါပဲ။  သူတို့ရဲ့မျက်နှာက ဖြူဖျောနေပြီး ခန္ဓာကိုယ်က တောင့်တင်းနေတယ်။ အဘွားစန်းက အပ်ချုပ်နေတုန်း အပ်စူးသွားခဲ့ပေမယ့် မည်သည့်နာကျင်မှုကိုမှ သူမ မခံစားခဲ့ရပေ။ ရွာသူကြီးက ရုပ်ထုတွေကို ကြာပွတ်နဲ့ ပြင်းပြင်းထန်ထန် ရိုက်နှက်ခဲ့ပေမယ့် မမောပန်းခဲ့ပေ။

ဒီနတ်ဆိုးဝိဥာဉ်က ကစားသမားတွေကိုသာမက NPC တွေကိုပါ ကစားခဲ့တာ ဖြစ်တယ်။

၎င်းရဲ့အနံ့ကို ဖုန်းကွယ်ပြီး အမှောင်ထဲမှာ ပုန်းအောင်းနေခဲ့တယ်။ ကစားသမားတွေကို မျှော်လင့်ချက်တွေပေးပြီး နောက်ဆုံးမှာ နက်နက်ရှိုင်းရှိုင်း စိတ်ပျက်အားလျော့မှုကို ခံစားရစေတယ်။

ရွေးချယ်စရာလေးခု ရှိနေပြီးတော့ ဘာကိုပဲရွေးရွေး အမှားဖြစ်တယ်!

သူတို့ကို ဓါးမြှောင်ပေးပြီး 'နတ်ဆိုးဝိဥာဉ်'ကို ဓါးနဲ့ထိုးမှာကို စောင့်ပြီးမှ အမှန်တရားထဲ ပစ်ချလိုက်တယ်။ ဒါက သူတို့ကို ကောင်းကင်ကနေ ပစ်ချလိုက်ပြီး အရာအားလုံးဟာ အချည်းနှီးဖြစ်ပြီး စိတ်ကူးယဉ်ဆန်တယ်လို့ ပြောနေသလိုပါပဲ။