အဆင့်မြင့်ဘော့စ်က အသင်္ချေဂိမ်းထဲ မှားယွင်းစွာ ဝင်ရောက်သွားပြီးတဲ့နောက်

14.2(Arc2: 1)

Unicode
သူနေ့စဥ်လိုအပ်တဲ့ အသုံးအဆောင်တွေမှာ သုံးခဲ့တဲ့ အမှတ်တွေကို နုတ်ပြီးချိန်မှာတော့ သူ့မှာ အမှတ် ၇၅၀၀ ပဲ ကျန်တော့တယ်။

ပိုင်လီရှင်းက ကုန်တိုက်တဝိုက်ကို လျှောက်ကြည့်လိုက်တယ်။ ကုန်တိုက်မှာ အမျိုးအစားသုံးခု ခွဲခြားထားတယ်:

အသက်အမျိုးအစား၊ ထောက်ပံ့ပစ္စည်းအမျိုးအစားနှင့် စွမ်းအားအမျိုးအစား။

ပိုင်လီရှင်းက ထောက်ပံ့ပစ္စည်းအမျိုးအစားကို နှိပ်လိုက်တော့ အိုင်တန်တစ်ခုကို တွေ့လိုက်ရတယ်။

[အစားထိုးအရုပ် (တစ်ခါဝယ်ကန့်သတ်ချက်၊ ကစားသမားရဲ့အစား တစ်ခါသေနိုင်။ လိုအပ်ချက်: အမှတ် ၁၀၀၀]

ပိုင်လီရှင်းက အစားထိုးအရုပ်ကို အမှတ် ၁၀၀၀ ပေးကာ ဝယ်လိုက်ပြီးနောက် စနစ်အိတ်ထဲ ထည့်လိုက်ကာ အောက်ကိုဆက်ပြီး ဆွဲကြည့်လေတယ်။

အများစုဟာ သုံးမိနစ်လျှင်မြန်ခြင်း၊ အချိန်တိုအတွင်း ခွန်အားတိုးခြင်း စသဖြင့် အသုံးအဆောင် ပစ္စည်းတွေ  ဖြစ်လေတယ်။

ထောက်ပံ့ပစ္စည်းအမျိုးအစားကို ပိတ်ပြီးတဲ့နောက် ပိုင်လီရှင်းက စွမ်းအားအမျိုးအစားကို ဖွင့်လိုက်တယ်။

စွမ်းအားအမျိုးအစားက သုံးခုထဲမှာ ဈေးအကြီးဆုံးဖြစ်ပေမယ့် သူ့ရဲ့အကျိုးသက်ရောက်မှုက အမြဲတမ်း ဖြစ်တယ်။

ထောက်ပံ့ပစ္စည်းအမျိုးအစားတွေက လျင်မြန်ပြီး ခဏတာစွမ်းရည်ကို မြှင့်နိုင်တယ်ဆိုရင် စွမ်းအားအမျိုးအစားတွေကတော့တာရှည်ခံနိုင်တဲ့ အမြဲတမ်းမြှင့်တင်ပေးတဲ့ အမျိုးအစားဖြစ်လေတယ်။

အသား/ခန္ဓာကိုယ် မြှင့်တင်မှု၊ အာရုံခံနိုင်စွမ်း မြှင့်တင်မှု၊ အမြင်အာရုံ မြှင့်တင်မှု စတာတွေ ဖြစ်တယ်။

ဒါပေမယ့် ဒီနေရာမှာ ဝယ်ယူရမယ့်အမှတ်တွေကလည်း အရမ်းကြီးမားပါတယ်။ အနိမ့်ဆုံး ရုပ်ပိုင်းဆိုင်ရာ မြှင့်တင်မှုတောင်မှု လက်ချောင်းငါးချောင်းစာ အမှတ်တွေဖြစ်တယ်။

ပိုင်လီရှင်းက အောက်ကို ဆက်ဆွဲကြည့်ရင်း တစ်နေရာရောက်တော့ ရုတ်တရက် ရပ်တန့်သွားတယ်။