Unicode
ပိုင်လီရှင်းက ကုတင်စွန်းမှာထိုင်ပြီး တိတ်တဆိတ် ခေါင်းတွေကို ရေတွက်လိုက်တယ်။
အခု စုစုပေါင်း လူ ၄၁ယောက်ရှိပြီး သွေးမျိုးနွယ်အဖြစ်ပြောင်းလဲသွားတဲ့ ရှချီပါပေါင်းရင် ၄၂ယောက် ဖြစ်တယ်။
ဒီတစ်ခါတော့ ဂိမ်းကမ္ဘာထဲမှာ အမျိုးသမီးကစားသမား တစ်ယောက်တောင် မပါဝင်ဘဲ ရှိနေတဲ့လူအားလုံးဟာ ယောက်ျားလေးတွေချည်းပဲ ဖြစ်လေတယ်။
စနစ်က သူ ဂိမ်းထဲဝင်တာနဲ့ သူဆွဲထားတဲ့ကဒ်က အလိုအလျှောက်အသက်ဝင်မယ်လို့ ပြောခဲ့ပြီး ရှချီရဲ့အခြေအနေအရ အဲ့လိုပဲ ဖြစ်ပုံရတယ်။
ဒါပေမယ့် [စစ်မှန်သောသောဘိုးဘေး ကြွရောက်မှု] နဲ့ ဆင့်ခေါ်ထားတဲ့ စစ်မှန်တဲ့ဘိုးဘေးဟာ အလုပ်ပျက်ကွက်ခဲ့ပုံပဲ။ သူ ဂိမ်းထဲဝင်လာတာ နာရီဝက်လောက် ရှိနေပြီ ဖြစ်ပေမယ့် သူ့ပုံရိပ်ကို မမြင်ရသေးပါဘူး။
သွေးမျိုးနွယ်ရဲ့ ပထမဆုံးမျိုးဆက်၊ မာနကတော့ အတော်လေးကြီးတယ်။
"လူတိုင်း စိတ်ငြိမ်ငြိမ်ထားပါ။ ဒီတစ်ခေါက် မကောင်းဆိုးဝါးက အရမ်းသန်မာပေမယ့် လွန်ခဲ့တဲ့နှစ်ရက်က ဒီကမ္ဘာရဲ့တိုက်ရိုက်ထုတ်လွှင့်မှုတစ်ခု ရှိခဲ့တယ်"
အလွန်ညှင်သာတဲ့အသံတစ်သံက လူအုပ်ကြားထဲက ပေါ်ထွက်လာပြီးနောက် အရပ်ရှည်ရှည် ပိန်ပိန်ပါးပါးအမျိုးသားတစ်ယောက်က မတ်တပ်ထရပ်လိုက်တယ်။
ပိုင်လီရှင်းက အမျိုးသားကို တစ်ချက်ကြည့်လိုက်တယ်။ သူ့အသွင်အပြင်က နူးညံ့ပြီး သူ့နှုတ်ခမ်းထောင့်က ယဉ်ကျေးတဲ့အပြုံးနဲ့ ကွေးညွတ်နေလေတယ်။ သူဟာ ယဉ်ကျေးရည်မွန်မှုရဲ့ စံမျက်နှာတစ်ခုဖြစ်ပြီး အပြုံးတစ်ပိုင်းက ပိုလည်းမပို၊ လိုလည်း လိုမနေပေ။
"ကျွန်တော်က သဲပင်လယ်အဖွဲ့က အဖွဲ့ဝင် တစ်ယောက်ပါ။ မင်းတို့ ကျွန်တော့်ကို ဝမ်ကျိချင်လို့ ခေါ်နိုင်ပါတယ်။ ကျွန်တော်တို့ ကံမကောင်းစွာနဲ့ ဒီဂိမ်းကမ္ဘာထဲရောက်လာပေမယ့် ကံကောင်းတဲ့အပိုင်းတစ်ပိုင်းတော့ ရှိနေတယ်"
"ကံကောင်းတာက ဒီပုံတူကမ္ဘာကို လွန်ခဲ့တဲ့ ၂ရက်က တိုက်ရိုက်ထုတ်လွှင့်ခဲ့တယ်။ မင်းတို့ထဲကတစ်ယောက်ယောက် ကြည့်ဖြစ်ခဲ့သေးလား?"
YOU ARE READING
အဆင့်မြင့်ဘော့စ်က အသင်္ချေဂိမ်းထဲ မှားယွင်းစွာ ဝင်ရောက်သွားပြီးတဲ့နောက်
HororUnicode + Zawgyi This is not my own. I'm just translating for fun. Credit to all original authors and translators. Title: After the Full-Level Boss Entered the Infinite Game By Mistake Author(s) :Mu Bai, 牧白
