Rainy Spell

[15]

[Zawgyi]

မည်သူတစ်ဦးတစ်ယောက်မှ ခရစ်(စ်)၏ စစ်ဆင်ရေးဗျူဟာအား ကန့်ကွက်ခဲ့ဖူးခြင်းမရှိခဲ့ပေ။ ကမ္ဘာ့အတော်ဆုံး အထူးစစ်သည်တပ်ဖွဲ့ Black Water ကျောင်းထွက်တွင်မှ လက်ရွေးစင်စစ်သားတစ်ဦးလည်းဖြစ်ပြီး စစ်ဆင်ရေးနှင့် ဂယ်ရီလာတိုက်ပွဲ၏ နတ်ဘုရားတစ်ပါး။ အမည်ရင်းအား မည်သူမှ မသိနိုင်ခဲ့သည့်အပြင် ခရစ်(စ်)၏ဘဝဇာတ်ကြောင်းမှာလည်း အမှောင်တိုက်ထဲတွင်ပင် ရှိနေခဲ့သည်။ တခါတရံ ခရစ်(စ်)က ဘယ်လိုလုပ်ပြီး ဒီနေရာကိုရောက်လာလဲနှင့် ပတ်သက်၍ ငြင်းကြခုန်ကြလေ့ရှိသော်လည်း ဘယ်သူမှ တိကျသောအဖြေကိုမပေးနိုင်ခဲ့ပေ။ ကောလဟလတွေအရတော့ဖြင့် ခရစ်(စ်)အားခေါ်လာနိုင်ရန် ရုံးချုပ်မှအတော်ကြိုးစားစည်းရုံးခဲ့ရသည်ဟု ပြောကြသော်လည်း မည်သို့စည်းရုံးခဲ့သည် ဆိုသည်ကတော့ အခုထိပဟေဋ္ဌိတစ်ပုဒ်ပင်ဖြစ်သည်။ သို့သော်လည်း သူ့အရည်အချင်းအား သံသယဖြစ်သူတစ်ယောက်မှ ရှိမနေခဲ့ပေ။ ရသည့်အနေအထားတွင် အတတ်နိုင်ဆုံး အကောင်းဆုံးစစ်ဆင်ရေးဗျူဟာအား ချမှတ်မြဲပင်ဖြစ်သည်။ ခရစ်(စ်)ကချမှတ်သော စစ်ဗျူဟာအား မေးခွန်းပြန်ထုတ်ရသည့်အခြေအနေမျိုးရှိခဲ့သော်လည်း အခြားဗျူဟာတစ်ခုအား တင်ပြရဲသည့်အခြေအနေမျိုးတော့ မရှိခဲ့ဖူးပေ။ သို့သော်လည်း ယခု၊ ထာအိုက ခရစ်(စ်)အား မေးခွန်းထုတ်နေခဲ့သည်။

"ဗိုလ်မှူးပြောတဲ့ အကောင်းဆုံးဆိုတဲ့အရာက ဘာအတွက်အကောင်းဆုံးကို ပြောတာပါလဲ။ ဒီတိုက်ပွဲမှာ အနိုင်ရဖို့အတွက်ပဲ မဟုတ်ဘူးလား"

"ဒါပေါ့။ ဒီလူအင်အားနဲ့ ဒီလက်နက်တွေလောက်နဲ့ မရှုံးနိမ့်နိုင်မယ့် အကောင်းဆုံးစစ်ဆင်ရေးလို့ စဉ်းစားထားတာပဲ။ ဒါပေမယ့် မင်းမှာတော့ တခြားအတွေး ရှိနေတဲ့ပုံပဲ"

"အဲဒီအောင်မြင်မှုက မပြောပလောက်ပါဘူး။ ကျွန်တော်က ပိုပြီးကြီးကျယ်တဲ့အရာတစ်ခုကို ပစ်မှတ်ထားနေလို့ပါ"

ပိုပြီးကြီးကျယ်တဲ့အောင်မြင်မှု။ လက်ရှိအနေအထားနှင့် မဖြစ်နိုင်သောအရာဟု ရူဟန်တွေးလိုက်မိသည်။ စခန်းပြောင်းရွှေ့ကြစဉ် ထွက်ပြေးသွားသော လူအချို့နှင့် ကြားထဲတွင် ရောဂါဘယနှင့်သေဆုံးသွားကြသူ နှစ်ယောက်သုံးယောက် စုစုပေါင်းလိုက်လျှင် စခန်း၏လူအင်အားက ထပ်မံ၍ ၃၈ယောက်ဝန်းကျင်လောက်သို့ ပြန်လည်လျော့ကျသွားခဲ့သည်။ စခန်းတွင်ကျန်ရစ်ခဲ့ရမည့် အခြေခံလူအင်အားကိုဖယ်လိုက်လျှင် တကယ်တမ်းလှုပ်ရှားနိုင်သော စစ်သည်အင်အားမှာ သိပ်မများခဲ့ပေ။ ဒီလောက်ကိုတော့ ထာအိုလည်း သိနေခဲ့သည်ပဲဖြစ်သည်။ ဒါပေမယ့် ဘယ်လိုလုပ်ပြီး၊ ဟုစဉ်းစားနေသော ရူဟန်က မျက်စိထောင့်မှမြင်နေရသော ထာအို၏ ခပ်တည်တည်မျက်နှာထားကိုသာ ပြန်လည်စိုက်ကြည့်လိုက်သည်။