မြစ်ဖြစ်သူထံ ပြန်လည်ဝင်စားခြင်း

22

Hyunjin ‌ဘောလုံးကွင်း ကနေ အိမ်သို့ပြန်ရောက်တော့ သူ့တစ်ကိုယ်လုံးမှာ အနိုင်ရရှိမှုရဲ့အရသာအဖြစ်ချွေးတို့နဲ့စုံစုံမြုပ်နေလေပြီ။ အဖွဲ့ရဲ့ after party ဖိတ်ခေါ်မှုကိုငြင်းပယ်ခဲ့ကာ အမြန်အိမ်သို့ပြန်လာခဲ့ပြီးရေချိုးဖို့စီစဉ်လိုက်သည်။
သူအပေါ်သို့မတက်ခင် သူ့လည်ပင်းက ရွှေတံဆိပ်ဆုကို ချွတ်လိုက်ကာ အမေ့ရဲ့ ဆုတံဆိပ်ထားရာ နံရံကပ် အလှဆင်ထားတယ့်နေရာမှာ ချိတ်လိုက်လေသည်။ ရွှေတွေတဝင်းဝင်းတောက်လောင်နေသလို ပြိုပြိုပျက်ပျက် လဲ့နေလေသော hwang hyunjin ရဲ့ဆုတံဆိပ်ထားရာ နေရာကြီး ။ ဧည့်ခန်းကနေလှမ်းကြည့်ရင်အတိုင်းသားမြင်ရနိုင်တယ့် အိမ်ရဲ့မျက်နှာစာနေရာမှာ hyunjin အမေဟာ သူငယ်ငယ်ထဲကနေ ယနေ့အထိရလာသော ပထမဆုများအား ဂုဏ်ယူစွာ ထားထားတာ။ မသိရင် အောင်လံရ၍ တိုင်းပြည်ကိုသိမ်းပိုက်နိုင်လို့ တိုင်းပြည်ရှေ့ အလံစိုက်ထားသလိုမျိုးပင်။ hyunjin သူ့ ကျောပိုးအိတ်ထဲကနေ ‌ဖုန်းကိုထုတ်လိုက်ကာ မိမိယခုလောလောလတ်လတ်ကမှ ရရှိ‌ထားသော ဆုတံဆိပ်ကို ဖုန်းဖြင့်ရိုက်ကူးလိုက်သည်။

ပုံမှန်ဆို သူ ဒီလိုဆုတံဆိပ်တွေရတိုင်း ဓါတ်ပုံမရိုက်ခဲ့ဖူးပေ ။ အကြောင်းမှာ သူ့ကို အားပေးဖို့ တော်တယ်ဟု စိတ်ထဲကနေ ဝမ်းမြောက်ဝမ်းသာစွာ ပြောဆိုမယ့်မိသားစုဝင်ဆိုတာ မရှိ၍ပင်။
အမေက ဆုတံဆိပ်တွေရဲ့ hyunjin စုဆောင်းနိုင်မှုအပေါ်ကိုပဲ အာရုံစိုက်တာပါ။ သူ ဘယ်လောက်အထိ ဆောင်ရွက်ခဲ့လဲအပေါ် အာရုံမစိုက်ခဲ့ဘူး ။ သူအကယ်၍ ဒုတိယ ရခဲ့ရင် အမေကစိတ်ပျက်တယ် ဒါပဲ။  ထို့ကြောင့် hyunjin မိမိရဲ့လုပ်ဆောင်ချက်တွေအပေါ် ကိုယ့်ကိုကိုယ်ဂုဏ်ယူခြင်းလဲမရှိတော့သလိုတက်ကြွခြင်းလဲမရှိတော့ဘူး။ သူသိတာက သူရွှေတံဆိပ်ဆု ပထမ ဆုသာ ရယူနိုင်ရင် ရပြီဆိုတာပဲ ။

ယခုကတော့ မတူတော့ဘူး ။ သူ့မှာ lee yongbok ရှိနေပြီ။

ထိုအတွေးလေးက hyunjin နှုတ်ခမ်းကိုအပြုံးတစ်ပွင့်ဖြစ်ထွန်းစေပါသည် ။ ဓါတ်ပုံရိုက်ထားတယ့် ပုံကို lee yongbok ဆီ massage လှမ်းပို့လိုက်တယ်။ ချက်ချင်းဝင်ကြည့်တယ့် chat ထဲမှာ တစ်ဖက်က yongbok ဟာတစ်ခုခုကိုပြောနေဟန် typing ပေါ်နေတယ်။ hyunjin အပြုံးမျက်နှာလေးဖြင့် တစ်ဖက်ကသူ စာပို့တာထိုင်စောင့်ဖို့ဧည့်ခန်းမှာသွားထိုင်လိုက်တယ်။