ريتاج #
كنت نائمه الى ان دخلت امي وقالت
-رتوجه بنتي كومي خلي اشوفج اسولف وياج من رجعتي لحد هسة بس نايمه دكعدي يابنتي
-ماما تعبانه اريد انام
-يعني من 2الظهر وهسه ب9باليل ماشبعتي نوم
-حتة لو اكعد شسوي يعني
-تعالي يمي خلي نسوي اني وياج كيك من الي تحبيه يله كومي يابنتي
-اوك ماما يله امشي
ذهبت مع امي الى المطبخ وبدأنا بصنع الكيك
-تدرين باجر خالتج راح تجي علينه تريد تروح لشارع فلسطين
-اي
-اي يعني شنو رائيج تجين ويانه شويه تغيرين جو وتشترين ملابس جديده وتنزعين الاسود
-لا ماما مااريد روحو انتو وتونسو
-يابنتي يعني ليش هيج تسوين بنفسج
-شنو شمسويه
-يعني هسه كل البنات الي وياج يلبسن ويكشخن ويطلعن وانتي نفس الملابس تلبسين بيهن وهن كل يوميه شكل يسون شعرهن ومكياجهن وانتي كلشي ماكو
-يعني شتريدين اسوي هاي مو جاي اداوم علمودج شسوي بعد
-اي بس مااريدج هيج تبقين عيشي حياتج يابنتي هاي احلى ايام عمرج ياروحي ماكو مثل ايام الكليه بعدين تتزوجين وتتحسرين عليهة
-هه زواج، امي احلامج جبيره
-والله تعبتيني ليش هيج يابنتي
-هاهيه امي رجاءا سدي الموضوع اني عندي قرايه راح اصعد
جهاد #
رجعت الى البيت ولم استطع النوم في الليل فجلست بالصاله اشاهد التلفاز واصبحت الساعه 1ليلا اتصلت باحمد وبدأنا نتحدث لساعه تقريبا وبعدها ذهبت للنوم وفي الصباح استيقظت متاخرا فغيرت ملابسي بسرعه ....وذهبت للجامعه وقبل بدء المحاضره قررت ان اجلس بجانبها ولكني لم اجدها فجلست بمكانها انتظرها على امل ان تاتي ولكن لاجدوى من الانتظار ...بعد انتهاء المحاضره خرجت بسرعه وذهبت الى المطعم ولكني لم اجدها ...فسئلت النادل عليها وقال انها لم تاتي اليوم ...استغربت كثيرا وبدات الوم نفسي لاني ازعجتها البارحه .... فجلست في الكافتريا افكر بها وهل اخطأت بتعاملي معها .... وبعدها قررت ان اتحدث مع امي هي االوحيده التي تفهمني وعدت الى المنزل
-هلا يالغاليه شلونج
-هلا حبيبي شعجب شو من وكت اليوم
-والله ضايج واجيت احجي وياج
-خير ابني شبيك
-يمه الموضوع يخص ابنيه
-هاااا اي عرفتك كول وليدي شبيهة
-يمه لايروح بالج بعيد اني ماعندي علاقه وياهة واصلا هي حتى ماتعرف اسمي وتكرهني
-اي شنو يعني ماافتهمت شنو المضوجك
-راح احجيلج كل شي من البدايه .....
-هاا يعني وانت ضايج لان يكولون عنهة مجنونه وهيجي يعني
-ماادري ماادري واني حاير ليش اني ضايج علمودهة يعني ماادري ليش اني الحكهة كل يوم ،،،اقفففف راسي راح ينفجر من التفكير
-يعني شنو بس فهمني انته تريد تعرف شبيهة لو تريدهة تحجي وياك وتحبك
-ماادري والله ماادري اني هسه ضايج لان البارحه ضوجتهة لزمت ايدهة وهي صارت عصبيه وطلعت بسرعه واليوم هم مااجتي واني جنت اريد اعتذرلهة
-يعني ماجان لازم هيج اسوي تعرف بيهة هي انطوائيه على نفسه واكيد متحب احد يزعجهة
-شمدريني اني بس ضجت من هاي نور العوبه هي ماعدهة ذرة شرف وتحجي عليهة وهي تسمعهم وتدري بيهم شيكولون وساكته
-يعني انته رحتله حتى تنبهة يعني من عدهم
-اي هيج يعني
-لعد باجر اذا شفتهة فهمهة واعتذرلهة واعرض عليهة اتصيرون اصدقاء
-واذا ماجاوبتني
-عوفهة فتره وبعدين جرب تحاجيهة اذا تريد تعرف يعني واذا لا عوفهة ومعليك بيهة
-ماشي خوش فكرة ،،،،اوووف هسه ارتاحيت من حجيتلج انتي احسن ام بالدنيه
-تدلل حبيبي هو اني شعندي غيرك موجوده اني دائما حتى اسمعك
-الله يخليج اليه يالغاليه ،،،، قمت بتقبيل راسها ويديها وذهبت الى غرفتي لكي اغير ملابسي وبعدها خرجت لكي اتدرب لانه كان لدي سباق في نهايه الاسبوع
عدت الى المنزل في الثامنه مساءا تناولت العشاء وشاهدت التلفاز وذهبت الى النوم .....
في الصباح اسيقظت مبكرا لاني كنت اريد ان اذهب بسرعه للجامعه حتى اراها غيرت ملابسي بسرعه وذهبت ، قدت السياره بسرعه وصلت عند 7:15 بقيت انتظرها عند الباب الرئيسيه .....وبعد ربع ساعه تقريبا دخلت تمشي كعادتها بهدوء تام وترتدي اللون الاسود مرت من جانبي ولم تراني...... فذهبت خلفها حتى وصلت الى القاعه جلست بمكانها المعتاد وارجعت راسها للوراء واغمضت عينيها .....
بقيت واقف اتأملها من بعيد ،كنت متردد من ان اتكلم معها وتغضب مره اخرى ثم ذهبت وجلست بجانبها
-احم احم ،،،،لم تعرني انتباها
-احم احم ياانسه نظرت الي من طرف عينيها
-امم اني اعتذر على الصار البارحه ماجان قصدي ازعجج بس حبيت اعرف ليش هيج تخليهم يحجون عليج وانتي ساكته بس هذا الي خلاني احاجيج
اوووو لم تتكلم مرة اخرى
-ياانسه تكدرين على الاقل تحجين كلمه وحده ماراح ينقص منج شي
ايضا لم تتكلم وبقيت مغمضه العينين ،،، فقمت بغضب من مكاني ومشيت في انحاء القاعه ثم عدت اليها وجدتها واضعه رأسها على الكرسي المخصص لجلوس الطلبه ويبدو انها نائمه
-صدك جذب هاي شبيهة اكو واحد ينام هسه اذا هي نعسانه مابقت نايمه بالبيت
-ريتاج ريتاج ماشي اذا متريدين تحجين براحتج بس كومي راح يجي الاستاذ
لم ترد علي كالعاده فقمت بهزها واذا بها اسقطت يدها وكان وجهها شاحب ...فوضعت يدي على كتفها وقمت برفعها ولم تجب علي ،،، لقد كان مغمى عليها
-يالله ريتاج تسمعيني ريتاج
رششت على وجهها بعض الماء ولكنها لم تفق فقمت بحملها واخذتها الى سيارتي وذهبت بها الى المستشفى
-ياربي هسه شسوي اني صوجي حجيت وياها اتمنى مايصيرلها شي
عندما وصلت الى المستشفى اخذتها الممرضات الى غرفه الطوارئ وكنت واقف بانتظار الطبيب بالخارج
وعندما خرج ذهبت اليه مسرعا
- ها دكتور بشر شبيهة
- ابني اني كلتلكم من قبل وكم مرة حجيت وياهة بس اذا انتو متسمعون كلام شكدر اسوي يعني
- ليش دكتور انته تعرفهة
-اي طبعا شلون مااعرف ريتاج ،ليش انته مو من عايلتهة
- لا اني زميلها بالكليه شفتهة هيج عبالي نايمه من وصلتلهة جان مغمى عليهة
دكتور احجيلي شبيهة لان صارت هسة هي من مسؤليتي
-والله اني اعتذر بس هي ماتقبل ادري اذا حجيت راح تزعل وتعاند بس لاتخاف هسة انتظرهة فد شويه وتصحه وتكدر تاخذهة للبيت ،،، اني استأذن
لك هاي مو بنيه هاي عباره عن كتله مال اسرار ،،راح تخبلني ، هله هسه اذا كعدت وشافتني يمهة تكلب الدنيا عليه ،، بس ميخالف راح اكعد يمهة وشيريد ايصير خلي ايصير
ذهبت وجلست على المقعد الذي بجانب سريرها ،،كانت نائمه فامعنت النظر في وجهها الذي كان شاحب للغايه وشفتيها ذابله ومتشققه يبدو عليها التعب الشديد ،،،اه كم اتمنى ان اعرف مابها .....
بينما انا اتأملها بدأت بلاستيقاظ
- حمدلله على السلامه انسه ريتاج
-شكرا بس اني من شوكت هنا ومنو جابني و ،،،
