ريتاج#
عندما دخلت الى المنزل القيت التحيه على ابي وامي وصعدت الى غرفتي غيرت ثيابي ....واستلقيت على فراشي ونمت ،،، في المساء استيقظت على صوت ابي الذي كان يناديني بنبره غضب
- ريتاج ،، ريتاج
-ها بابا خير شبيك
-اني شبيه لو انتي شبيج
-شكو فهمني
-اليوم الدكتور خابرني وكالي طلعت التحاليل مال بنتك ، كتله اي دكتور بشرنه
يكلي النزيف جاي يزيد وحالتهة تتدهور وبنتك متقبل تسوي العمليه
-اي شنو الجديد بالموضوع
-الجديد يا خاتون انتي اليوم متخربطه وماخذيج للمستشفى وحاجيه ويه الدكتور ومكايلتنه
-بابا اني بس ماردتكم تخافون ويضل بالكم عليه لان مابيه شي ،، يعني بس شويه تعب مو اكثر
-ولج شنو مو اكثر ، انتي تدرين نسبه السكر شكد باقي بجسمج تدرين بنفسج جاي اتضيعين لو لا
-احجي ليش ساكته
-بابا كافي مااريد اتناقش بالموضوع
-بنتي كافي ارحمينه الله يخليج ،، ليش هيج تعذبينه ،ليش هيج تسوين بنفسج
-شمسويه بنفسي ها كول
-تعاي اوكفي كدام المرايه وشوفي هذا شكل وحده عايشه ،، كوليلي هذا شكل وحده راح تصير صيدلانيه هاا جاوبي
-اني عاجبني شكلي
- عاجبج لو جاي تموتين نفسج ،،، بنتي اصحي اصحي على دنيتج ترة علي مات بعد مايرجع
-لا لا علي ما مات علي بعده موجود وياي بكل لحظه
- وينه شوفينياه وينه يله مو تكولين مامات
-اي مستحيل علي يموت ويعوفني فهمت علي وعدني مايعوفني
-استغفر الله ربي واتوب اليه
-مايموت علي فهمت علي ماراح يعوفني لا لا علي مستحيل يسويهة ،،،،،،،، قلتها وانا انفجر من البكاء وصعدت الى غرفتي وبقيت ابكي طوال الليل
وفي الصباح عندما استيقظت على صوت المنبه لم اكن اريد الذهاب اليوم ولكن فكرت ان بقيت في البيت سوف اسمع كلامهم الذي يجعلني اختنق ،،، فذهبت للاستحمام وارتديت ملابسي وخرجت
جهاد#
بعد ان اوصلت ريتاج الى منزلها عدت الى البيت وجدت امي تحضر الغداء فجلست معها لتناول الغداء لان ابي لا يكون موجودا في البيت في هذا الوقت
-اي اليوم شصار وياك بالكليه ،،،، جهاد هي جهاد شبيك وين صافن
- هاا لا ماكو شي
-شفتهة
-اي
-اي وشصار
-تكلمت لها عن كل الذي حصل معي اليوم عندما رأيتها ،،،، يمه تدرين اكو شغله محيرتني بيهة
-شنو
-اليوم من رادت تحجي ويه الدكتور اني طلعت بره بس بقيت اتسمع عليهم ،،،، ومن كلامها مبين بيهة شي يعني هي كالتله ماتريد اهلهة يدرون بيهة اجتي للمستشفى اليوم وحتى من وصلتهة كدام بيتها مانزلت من السياره لحد ماشالت الكانونه من ايدهة ،،، وهي تشوف اديهة تنزف بس متهتم
-خطيه هاي ليش هيج
-والله ماادري
-المهم كلي شنو شعورك هسة من كضيت وياها اليوم كله
- هههه والله بديت انعجب بيهة
-هههه بديت لو انته من قبل معجب
- لا مو هيج يعني
-لايعني ولا غيره انته من قبل معجب بيهة بس جنت ما محدد مشاعرك ،،، لان انته مو من طبعك تهتم بالناس بس وياهة تغيرت
-ههه مااكدرلج انتي تكشفيني بسرعه
-اي طبعا ،، اكملنا الغداء وبعدها ذهبت لكي ارتاح في غرفتي وفي المساء خرجت مع اصدقائي ،،،وعندما عدت ذهبت للنوم بسرعه لاني كنت متعبا جدا وكنت متلهفا لرؤيتها غدا
في الصباح اسيقظت مبكرا وغيرت ملابسي ونزلت بسرعه لكني تفاجأت ب ...
-اووو شنو هذا الجمال من الصبح شنو يمه وين طالعه
-وياك غير
- وياي ليش وين تريدين اوصلج
- لا حبيبي مااتعبك طريقي نفس طريقك
-وين يعني
-للكليه
