رأيتها تجلس بنفس المكان مرجعه راسها للوراء ومغمضه عينيها ،ثم اسرعت اليها وجلست بجانبها
-ياانسه ،عفوااا ممكن اكعد يمج
نظرت لي مجددا بنفس النظرة وازاحت بصرها عني سريعا
-شنو يعني انتي متعرفين شي بس هيج تباوعين ليش متحجين
اووو يعني موافقه اكعد يمج ، عبالي متقبلين بس حلوة فكرتج جبتيني من الكليه للمطعم حتى محد يعرف
ههه شكد ذكيه ،،
بقيت هي صامته ولم تنطق بحرف واحد مع اني حاولت ان استفزها وبعد تفكير عميق قررت ان اجعلها تغضب لربما تتكلم
-عفوا ياصامته بما احنا اجينه للمطعم شتحبين تاكلين ،اممم عرفت وجبه كلام على مااعتقد ايكولون عليهة طيبه مجربتهة هاا
لم تتكلم ابدا فقط تنظر عبر النافذه وهي واضعه احدى يديها على الطاوله والاخرى على قدمها
-ماشي يعني مايعجبج تاكلين اووك زين نطلب عصير ،قهوة ،اي شي
ايييييي ليش متحجين شنو القط اكل لسانج ،، فكرت ان لمست يديها لربما تتكلم
لمست يدها وكانت حارة جدا وكانها تشتعل فسحبتها بقوة ونظرت لي بغضب كأن النار تخرج من عينيها
-ايدج حاره شنو مريضه ،
-ليش
اوو واخيرا حجت بس (ليش ) شتقصد بيها
-شنو ليش
-ليش اجيت
صحيح اني ليش اجيت ماادري
-امممم اني اجيت ردت اعرف منج ليش تخليهم يحجون عليج بالكليه ، يعني هسه اكتشفت انتي تكدرين تحجين لعد ليش متردين عليهم وتوقفيهم عند حدهم
-ميخصك
-اي صح ميخصني بس الكل يكولون عليج مجنونه وانتي ساكته
-اي يجوز اني اطلع مجنونه
- لامستحيل
-ليش ميصير يعني
-لا بس
-بس شنو ماعندك جواب فخليك بعيد عني ،اني مااحب الناس الفضوليه امثالك لاتلحكني مرة ثانيه واياك تكعد بهذا المكان مره ثانيه فهمت
-ليش يعني مااكعد شنو المكان ملكج واني ماادري لو انتي صاحبه المحل
لم ترد علي واخذت حقيبتها وذهبت بسرعه اردت اللحاق بها ولكن قاطعني شخص
- عيني رجاءا ممنوع تكعد بهذا المكان تفضل انطيك غير طاوله
-ليش شنو سالفتكم ويه هذا المكان الخاطر الله
-هذا امر خاص يا استاذ ميحق بس للانسه ريتاج تكعد بي
-وانته منين تعرفهة
-كل المطعم يعرفهة
-اهااا زين احجيلي ليش هي دائما تجي هنا وليش بس هذا المكان الهة ارجوك
-والله اني مااعرف ليش لان اني جديد هنا صارلي اسبوعين بس وصوني ممنوع احد يكعد هنا لان هذا محجوز بس للانسه ريتاج وهي كل ماتجي ماتطلب شي بس مي وهم تطلع وماتشربه ومن تطلع تدفع فاتورة مال شخصين وهي كلشي ماطالبه
-اهاا شكرا الك
خرجت مسرعا للحاق بها ولكني لم اجدها فعدت للجامعه على امل ان اجدها ولكن لم ارها في اي مكان وبقيت افكر
-شنو وين تختفي كل شويه ايجوز رجعت للبيت زين هي متهتم بالمحاضرات ،هه اصلا هي وجودهه او عدمه ميغير شي على اساس هي مركزة بالدرس ،
اووووف شلون وياها ،اريد افهم هي صوتها يخبل لعد ليش متحجي شو غير بنات عبالك فاتحات اذاعه طول اليوم وهنة بس يحجن وهي متكلف نفسهة اصلا تنطق بحرف .....
نور : اووو مره ثانيه هم صافن
-اي شنو يعني ميصير
-لا بس حبيت اطمئن عليك
-امم
-شنو خاف هاي المجنونه عدتك صرت مثلهة
-انتي شنو سالفتج كل شويه مجنونه مجنونه شبيج
-اي هذا الواقع لعد شايف وحده صاحيه هيج تسوي تبقى كل اليوم صافنه ومتحجي وحتى لبسه مدرري شلونه كله لازكه بلاسود وياريت بي خير
-وانتي شنو المضوجج بيهة شعليج عوفيهة شتريد تلبس خلي تلبس
-اي واصلا هي بيهة حاله نفسيه من قبل
-وشلون عرفتي بله
-لان جان كل الطلبه ميحبوهة وماعدهة صديقات فاكيد من بره هذا الشي هي تخبلت ولو هو ماكو فرق عن هسه بس العام جانت تحجي هذا الفرق الوحيد
-اهااا زين هسه انتي هم محد يحبج شو مصارت بيج حاله نفسيه
-انته شبيك اصلا اني الكل تتمنى بس احاجيهم
-هههههه اي اذا هيج لعد روحيلهم خطيه ينتظروج احسن ماتبقين تزعجيني هنا
-ماشي ماشي اني اعلمك ياجهاد
-يله عيني شوفينه عرض جتافج
هههه ماجان ناقصني بس هاي العوبه شايفه نفسه وهي ماتسوى فلس
ريتاج#
عندما اسيقظت في الصباح كانت اشعر بالتعب الشديد فذهبت لكي استحم بعدها غيرت ملابسي وخرجت من المنزل في طريقي الى الجامعه كنت اشعر بالصداع وشيئا فشيئا بدا يزداد الى ان دخلت الى القاعه لم احتمل الضجيج هناك وخرجت الى الحديقه لكي احصل على بعض الهدوء ولكن
جاء ذلك الاحمق وافسد علي نهاري
لقد كان راسي يؤلمني فقررت ان اذهب الى اكثر مكان اشعر به بلارتياح ولكي اتخلص من هذا الاحمق
ولكنن ازعجني هناك ايضا ،لا اعرف لماذا يلحق بي اينما ذهبت لم اعره اهتماما فقد كان الالم يقتلني ولكني غضبت جدا عندما جلس معي بمكان علي ، من يظن نفسه هذا الاحمق كي يجلس هنا سيطرت على غضبي قليلا لربما يذهب ان لم اكلمه ولكنه تجاوز حدوده وامسك بيدي ،اللعنه كيف يتجرأ ان يلمسني ،فصرخت عليه وخرجت بسرعه قررت الذهاب للمنزل فقد كنت متعبه جدا وعندما وصلت غيرت ثيابي وذهبت الى النوم ، وبقيت نائمه الى التاسعه مساءا
ولم اذهب للجامعه في اليوم التالي
