جهاد#
ليش شعندج بالكليه ،،، قلتها لها وانا اكل
-غير اشوف جنتي المستقبليه
- جنتج المستقبليه ؟؟؟ منو هاي
-ريتاج منو غيرهه
-شنووووو ريتاج
-اي وليش لا
--يمه شبيج انتي من صدك تحجين
-اي من صدك شبيك ،،،اريد اشوفهة البارحه تفكيري كله يمهة اريد احاجيهة واكعد يمهة شويه
-يمه شبيج ريتاج متحجي ويه اي واحد شنو نسيتي
-اي ميخالف
-يمه فدوة اكعدي مكانج احسن الله يخليج
-اششش كافي حجي كوم يله
-وين اكوم
-غير نروح راح نتأخر
-يمه فدوه اكعدي فدوه اني اخذلهة صورة واشوفلجياهة
-لا لا اريد اشوفهة بالحقيقه ،، حتى اعرف هاي منو الخبلت ابني
-اففففف يمه دكولي يالله وكعدي مكانج
-لك كافي توصلني لو اني اروح
-امري لله امشي ،، الله يستر شراح يصير
في الطريق ،،،،،
-ماما حبيبتي ليش متروحين للمول شويه تشترين ملابس واشياء مو احسلج
-المولات متفتح هيج وكت
-زين روحي للصالون سوي شعرج و وجهج يعني غيري شويه
-مااريد ذاك الاسبوع رحت ،،، ولتضل تحاول خوش
-امري لله
- اي واخيرا وصلنه يله وينهة خلي اشوفهة
-اوكفي خلي نفوت واشوفهة وينهة واصيحج
-ماشي ،،،،،، بعد قليل دخلت وجدتها تتكلم على الهاتف ،،،، وبعد ان اكملت مكالمتها خرجت مسرعه من القاعه
-شنو هم راح تروح للمطعم متمل هاي ،،،، اووو نسيت امي تنتظرني
-ها جهاد شو تاخرت
-ماما ريتاج طلعت من الكليه هسة
-اي يله امشي
-وين
-وراهة غير ،،شبيك شو صاير مطفي
-يمه هسة عوفيهة
-تجي لو لا
-اي اي امشي
-يمه شوفيهة هاي الواكفه ع الشارع لابسه اسود
-هااا اي زين حلوة ،،،، يمكن راح ترجع لبيتهم
-لا لا لحظه هذا مو طريق بيتهم
-اي يجوز عدهة شغله
-لا يمه هاي ميصير تبقى وحدهة ايجوز هم يغمى عليهة ،، هي بعدهة مريضه
-زين وين رايح
تعاي اصعدي بالسيارة اروح وراهة
-اي عفيه هسه صرت تفتهم
بقيت اتبعها بسيارتي وبعد قليل توقفت السياره ونزلت ريتاج ولكن ،،،
-الكاظم !!!! هاي شعدهة هنا
-يعني تزور قابل شعدهة
-لا يمه انتي متعرفيهة هاي عدهة شي هنا ،،،،،،،، تدرين شنو ،انزلي خلي نروح وراهة
-اي حتى ازور فد مره هم صارلي هواي مجايه
-اي يمه زوري وابقي يمهة شوفيهة شتسوي ماشي ،،لان اني مااكدر افوت وياها ،اني ازور وانتظرج بالصحن ماشي
-ماشي ابني ماشي
-يمه
-ها
-ديري بالج عليهة فدوة
-هههه تدلل يله روح
بعد ان دخلت امي الى داخل الامام ذهبت انا لكي ازور الامام ايضا وبعدها خرجت لكي اصلي صلاه الزياره وبعد ان اكملت صلاتي بقيت انتظر امي
الام #
عندما دخلت وجدتها واضعه راسها على ضريح الامام وتبكي بحرقه ،،،اكملت الزياره وذهبت خلفها ،،،،
لقد صلت صلاه الزياره مرتين وبعدها جلست في اخر المسجد وحدها ،،،،اقتربت عليها وجدتها واضعه راسها على الحائط ويدها حول قدميها وتبكي ،،،قررت ان اتكلم معها
-بنتي بيج شي
-لا ،،قالتها وهي تبكي وشهقاتها تتزايد
-ابتعدت عنها قليلا وبقيت انظر اليها ،،،،، بقيت على هذه الحال لنصف ساعه تقريبا وبعدها استلقت على الارض
اقتربت لكي اطمئن عليها وجدتها نائمه كالاطفال ولا زالت الدموع تنهمر من عينيها
فخرجت بسرعه الى جهاد لانه بالتاكيد ينتظرني بفارغ الصبر
-ها يمه شصار
-ابني حالتهة تكطع الكلب
-ليش شبيهة
-من فاتت لحد هسه هي بس تبجي رحت سالتها كتله بنتي بيج شي ،،كالتلي لا ورجعت تبجي وبعدين تمددت ونامت واني طلعت
-استغفر الله ،وهسه يعني شسوي اني مااكدر اشوفهة هيج
-والله ماادري ماجنت اتوقعهة هيج حالتهة
-اففففف ،،،، بقيت افكر بها لا اعلم مالذي يزعجها لهذه الدرجه ،اخاف ان يحدث لها شيء ،،،
-ماما اني عندي شغله انتي روحي يمهة لاتعوفيهة
- ماشي
ذهبت مجددا للامام ووقفت امامه وبقيت ادعي من كل قلبي حتى تتحقق امنياتها وتتخلص من كل الالم الذي بداخلها وان استطيع اسعادها ،،،، بعدها خرجت ووجدت امي تنتظرني بنفس المكان
-ها يمه شنو بعدج ماريحه
-لا رحت بس مالكيتهة دورت عليهة بداخل الامام بس ماكو
-اهووو هاي شلون شغله هسه وين الكاهة
-ابني عوفهة يمكن هسة ترجع لبيتهة
-يمكن ،، بس كلبي مامرتاح
-استهدي بالرحمن ياابني وامشي خلي نطلع
ريتاج#
منذ ان دخلت للجامعه احسست اني اختق فكلام والدي لازال يقطع قلبي والكل يضغط علي بكلامه ،،،
مرضي يزداد سوء يوم بعد يوم ،،،دراستي تدهورت منذ ان توفى علي لليوم لم افتح كتاب واحد ابدا
جلست افكر وبعدها اتصلت بامي
- الو هلو ماما
-هلو ريتاج ها حبيبتي بيج شي
-لا بس ردت اكلج اني راح اروح للامام الكاظم
-لا بنتي وين رايحه وحدج
-يمه رجاءا لاتمنعيني بعدين اني ردت اكلج اني رايحه لان اني قررت وهسه راح اطلع من الكليه
-ريتاج لاتعاندين
-يمه فدوة عوفيني حيل مخنوكه ،،، بعدين اني اروح ازور لاتخافين عليه
-اوووف منج متتعاندين ،،، روحي بس لاتتاخرين
-ماشي
-ديري بالج على نفسج بنتي
-ماشي باي
اغقلت الهاتف وخرجت اخذت تكسي وذهبت عندما دخلت للامام لم استطع ان امنع نفسي من البكاء ،،،،، بدأت بالبكاء على ضريح الامام وانا قلبي يحترق من الداخل بقيت ابكي وانا بداخلي اقول ،،،،
-ليش هيج سويت علي موتدري مااكدر اعيش بدونك ،،ليش ،،، هسه شراح اسوي ،، منو راح يساعدني اخذ الطريق الصحيح ،،، ياربي شسوي اني واكعه بين نارين شسوي ياربي ارجوك ساعدني ماعندي احد غيرك ،،، ياربي ساعدني حتى اتحمل فراك علي ......
بقيت على هذه الحال فاحسست باحد بقربي فتحت عيني ورأيت امراه تقف بجانبي لم استطع رؤيه شكلها جيدا بسبب الدموع في عيني ،، فسألتني ان كان بي شيء ،،، يبدو اني كنت ابكي بحرقه حتى سمعتني ،،فاجبتها ب (لا ) وبعدها اغمضت عيني وعدت الى البكاء وانا اتقطع في داخلي ،،،، بعدها استلقيت على الارض ولم اجد نفسي الا واحدى العاملات توقظني من نومي ،،،،،،،، فاستيقظت وخرجت بسرعه وبعدها ذهبت لشرب الماء ،، ونظرت الى االامام نظرة اخيره وخرجت
