جهاد : اني جبتج هنا
- انت !!!!!
-اي اني
-زين شلون صار هيج وشوكت و...
-اششششش علكيفج اني هسة احجيلج ارتاحي انتي ارتاحي ........شوفي انتي اجيتي للصف وكعدتي بمكانج واني اجيت حتى اعتذرلج على الصاار ذاك اليوم
-اي
-اي واني ضليت احجي وياج وانتي متردين اني عبالي مثل كل مره هم متحجين بعدين صرت عصبي وكمت شويه ورجعتلج ولكيتج فاقده الوعي حاولت اصحيج بس ماكدرت فجبتج للمستشفى من حوالي ساعه
-اهاا والدكتور رائد وينة
- ها قصدج يعني هو نفسه الي اجه فحصج
-اي هو
-جان هنا قبل شويه بس ماادري وين راح
-ولو اتعبك بس تكدر تشوفه وين اريد احاجي
-لا لا تعبج راحه هسه اشوفه
ذهبت للبحث عنه وعندما وجدته اخبرتهة ان ريتاج تريد ان تكلمه فدخلنا لغرفه ريتاج
-ها ريتاج شلون صرتي هسه
-الحمدلله زينه ، دكتور عندي موضوع وياك
-اي كولي
- على انفراد اذا ممكن
-ماشي انتو اخذوا راحتكم اني واكف بره
-خير بنتي كولي
-دكتور مااريد مثل كل مره تخابر اهلي وتكوللهم على العمليه ارجوك
-لا بهاي اعذريني مااكدر
-الله يخليك دكتور
-بنتي انتي جاي اضيعين نفسج تدرين لو لا ،، يعني هسه احنه بعدنه بالبدايه وهيج صار بعدين تكموين متكدرين توكفين على حيلج ليش متفهمين
- دكتور هذا قراري واني حره بي ،انته بس لا تكوللهم اني اجيت اليوم للمستشفى وهاهيه
-لا اني مااضل على عنادج هذا،، اليوم باليل اخابر اهلج واخليهم ياخذون قرار خلال اسبوع لان بعدين مااكدر اتحكم باي شي تره تبدين تنتهين يابنتي
-اوووف كل مرة نفس الحجي كتلك مااريد يعني مااريد ،، واصلا اني الغلطانه لان طلبت منك متخابرهم
-هه
-وهسه انته شتريد تسوي سوي تحجي متحجي ماراح يغير شي لاانت ولا اهلي تكدرون تغيرون قراري
-انتي شنو شبيج شو متخبله هاي الايام
-بكيفي خلي اتخبل ميخصكم
-اهووووو اني احاجي ابوج احسن انتي محد يكدر يتفاهم وياج
جهاد : ها دكتور خير
-روحلهة ابني روحلهة
خرج الطبيب وعليه علامات الغضب عندما دخلت رائيتها تحضر نفسها للخروج
- اوكفي اوكفي وين شو كمتي
-اي اريد اطلع
-وين طالعه لازم ترتاحين
-مااريد ارتاح اريد اطلع ورجاءا لا تمنعني
-مو بكيفج
-انته ....اه
-ريتاج ريتاج شبيج ،،، ذهبت بسرعه الى الحمام لكي تتقيئ....وبعد ان خرجت كانت تترنح في مشيتها ...فأمسكتها من كتفها واجلستها على السرير
-ليش تعاندين كتلج لازم ترتاحين
-لا مااريد اتأخر هسه امي يضل بالهة عليه
-زين تعالي خلي اوصلج
-لا لا شكرا اني اروح
-شلون تروحين وحدج وانتي هيج وضعج
- مايصيرلي شي
عندما وقفت بدأت تمشي بخطوات بطيئه ومن بعدها توقفت عند الباب وامسكت بقبضه الباب بقوه لانها لم تعد تستطيع الوقوف
-ماادري هذا العناد منين جايبته يعني دشوفين نفسج حتى متكدرين تمشين ،،، فقمت بحملها بين ذراعي
-نزلني انته شدسوي ،،عوفني دا اكلك عوفني
-اششش بلا عناد هسه نوصل للسياره وانزلج اسكتي لضلين تعيطين
-ما ما مااريد نزلني ،، شبيك متسمع دااكلك نزلني
-اسكتي وصلنه ،،، يله اصعدي بالسيارة
-شنو انته بكيفك كتلك مااريد منك توصلني
-اصعدي احسلج
-واذا ماصعدت شتسوي
-هيج اسوي ،،،،،، فتحت باب السياره واجلستها بالقوة ووضعت حزام الامان واقفلت الباب
-لك انت منو سمحلك هيج تسوي
-اني سمحت لنفسي
- وانته منو اصلا
-اششش كافي تحجين ارتاحي
-افففففف
-وين بيتكم
-بالبنوك
-عفيه صرتي عاقله
-
-علكيفج عيني شكلنالج
-انته موكلت لاتحجين شو انته كمت تحجي
-ههه يعني كمتي تسمعين كلامي
- لا بس اريدك تسكت
-هاهيه راح اسكت
ساد الصمت بيننا وبعد قليل نظرت اليها ووجدتها نائمه ،،،وصلت الى منطقتها واوقفت السياره حتى اوقظها لكي تدلني على بيتها
-ريتاج ،،ريتاج
-اممم
يالهي انها كالطفله
-وصلنه للبنوك ياهو بيتكم
-ها بالفرع الثاني ع اليسره
-ماشي ،،، هذا
-اي هذا ،،
--اوكفي شكاعد تسوين
-مثل متشوف
-شلون تشيلين الكانونه وحدج روحي للمضمد وهو يشيلهة الج
-لا ماكو داعي
-امسكت بيدها ومنعتها
-وخر لاتلزمني
-ولج انتي متبطلين عناد اذا انكسرت الابره بايدج شتسوين
-ماتنكسر
-يالله ولاتخاف هاي البنيه
-قامت بسحبها بالبدايه ببطء ثم سحبتها بقوة ،،، ظهر على وجهها علامات الالم ولكنها لم تهتم
-اوكفي وين رايحه ايدج تنزف
-عادي
-اكعدي هنا ،،، جيبي ايدج
-كتلك ماكو داعي
-جيبيهة ولتعاندين ،ماراح اكلج ،،، قمت بمسح الدماء من على يدها ولففتها بمنديلي ،،ونظرت الى عينيها من قرب وقلت
-ليش تسوين بنفسج هيج ،،، نظرت الي قليلا وسحبت يدها بسرعه وفتحت باب السياره وقالت
-شكرا على كلشي
عندما ذهبت نظرت اليها حتى دخلت الى بيتها ومن ثم عدت الى المنزل ،،،،
