ريتاج#
عندما سمعت جملته (لازم تعتمدين على نفسج ياعمري ) بقيت صامته لم اتكلم فقط انظر الى عينه ،،،لم اعرف ماذا اجيب لقد قالها لي علي قبل ان يموت اوصاني بها ،،،لكني لم استطع ان اعتمد على نفسي ،،،،فقال لي جهاد ،،،
-ريتاج ،، ريتاج شنو وين صافنه
-لا لا ماكو شي
-وهسة بعدج مقرره تروحين
-اي واكثر من قبل
-ليش
-حتى اعتمد على نفسي
-ومتكدرين تعتمدين على نفسج هنا
-لا هذا المكان يأذيني بكل شي ،، افضل الي اسافر
-ريتاج ،، بس
-جهاد اني حجيتلك كل هذا حتى لاتصير مثلي ،،،مااريدك توصل للمرحله الي اني وصلته ،،،
-بس اني مااخليج تسافرين
-حتى لو بقيت ما لازم تحبني
-ليش مااحبج
-لان انته لازم تحب وحده تستاهلك وتسعدك وتجيبلك الاطفال الي تحلم بيهم ،،، بس اني مااكدر انطيك هاي الاشياء
-ريتاج سعادتي وياج انتي ،،انتي وحدج ،،، ريتاج اني تعذبت بدونج ،،، صرت ضايع مااعرف شسوي،،،
الليل والنهار نفس الشي عندي ،،،
ريتاج اني عرفت هواي بنات ،،، وجنت دائما اسهر ويه ناس مو زينه ،،، ودائما مشاكل وشرب وتدخين
واصدقاء سوء ،،، حياتي جانت عباره عن هوسة ماجان بيهة شي منظم ،،،،بس من عرفتج غيرت كل شي
،،،،كل شي ،، غيرت كل حياتي ،، وصنعت حياه جديده بس النه حتى تكونين سعيده وياي ،،،
-جهاد بس شلون راح تصير سعيد ويه زوجه تحرمك من الاطفال ،،،
-موافق والله العظيم موافق ،،،،
-لا لا هذا الشي غلط ميصير ،،،، مثل مااني منعت نفسي انته هم لازم تمنع نفسك وماتقبل بهذا الشي ،،،
-شنو الشي المنعتي نفسج منه ؟؟؟؟
-هااا
-اي جاوبي
-يعني هو كل هذا
-هو شنو كل هذا ،،هاا يله كولي
-اني تأخرت لازم اروح هسة ،،، فوقفت لكي اذهب ،،،فلحق بي جهاد وقال لي ،،،
-ليش تروحين ،،،
-لان تأخرت ،،ادرت ظهري له واردت النزول ولكنه امسك بمعصم يدي وقال ،،،،
-ليش تتهربين من الجواب
-جهاد عوف ايدي
-مااعوفه اذا ماتكوليلي ليش تتهربين ومن شنو
-عوفني جهاد ارجوك
-كتلج مااعوفج اذا ماتجاوبيني
-فنظرت بعينه وقلت له بغضب ،،،،،
اهرب منك ،،، راح اترك المدينه كلهة حتى اهرب منك ،،،، فافلت يدي وقال لي ،،،،
-مني ؟؟؟؟ ليش شنو الي يخوفج من تبقين وياي
-نظرت في باطن عينه ،،،واحسست بأن قلبي سيخرج من مكانه ،،، هذا مايحدث لي كلما اقتربت منه ،،،انه يلقي علي سحره الخاص ،،، انا اخاف ان اقع في حبه ،،،،لكني لم استطع ان اقولها له ،،، لم اكن مستعده ،،،،،فبقيت انظر بعينيه السوداء الجميله وكانت بها نبره حزن بقدر كل الحزن الذي بداخلي ،،،،
فقال لي ،،،،
-ريتاج ،،ماتكدرين
-شنو مااكدر عليه
-فاقترب مني ومسك بيدي ووضعها على قلبه وقال لي ،،،،
ماراح تكدرين تهربين من حبي ،،،،، واقترب مني اكثر وقال لي ،،،
-ماتكدرين تتجاهلين حياتي الي تنتهي بدونج ،،،،ثم اقترب اكثر وقال ،،،
ماراح تكدرين تهربين من حبي
-قلت له بصوت خفيف ،،، لا اكدر
-اقترب اكثر ووضع جبينه على جبيني وقال لي ،،،،
ماراح تكدرين تهربين من حبي
-جهاد لا تسوي هيج ،،هذا كله خطأ مايصير
-لا ماسويت شي خطأ ،،،، ،،،،،،، سحب يدي واجلسني بجانبه واشبك اصابعه باصابعي ونظر بعيني وقال ،،،،،،،،
-انتي حبيبتي وراح تبقين حبيبتي ،،، مااكدر احب غيرج ابد ،،،،
-بس انت ،،،،،،لم اكمل كلامي فوضع اصبعه على فمي وقال ،،،،
-اششش مااريدج تحجين شي اريدج بس تسمعيني ،،،،،،،،،،،،،،،،،
-ادري انتي تخافين تحبيني وتخونين علي ،،،، بس هاي مو خيانه ولا شي ميصير تسوي ،،، كل انسان لازم يعيش حياته ،،،مايصير ادمرين نفسج ،،، حرام عليج تمنعين النفس من شي هي تريده ،،،
-بس نفسي تريد علي ،،علي وبس ،،،،،،،،،،،،
قلتها له وابعدت يدي عنه ونظرت بعينه فرأيت الدموع متجمعه فيها ولم يتكلم ابدا فقط ينظر لي يخيبه امل وحزن كبير ،،،،،،، اعلم اني جررحته كثيرا وهو لم يقدم لي سوى الاحترام والحب ولكن لايجب ان يتعلق بي ،،،،، لانه سوف يندم لاحقا ،،،، لااريد ان يكون حبه لي سبب فقدانه للاولاد ،،،،،،
بقي هو ينظر لي وعلى وجهه اثار الصدمه ،،،، فاخذت حقيبتي والورود وذهبت وانا ابكي،،، بقيت طوال الطريق وانا ابكي ،،،،،
قد تقولون لماذا اخذت الورود معي ،،،، حسنا في الحقيقه لا اعلم ،،، ولكن ربما لانها ستكون ذكرى لي منه ،،ومن هذا اللقاء ،،،،، ساضل اتذكره بهذه الورود ،،،،،،
جهاد#
تحطمت ،، لقد تحطمت كليا عندما قالت ان نفسها تريد علي فقط ،،،، لم استطع ان انطق ولو بحرف واحد ،،، لقد كنت مصدوما وقلبي كان يتحطم ،،،،، بقيت انظر اليها وهي تمشي والدموع في عينها ،،،،، اريد ان افهم شيئا ،،،،،،،، ان كانت لاتحبني فلماذا تبكي ،،،،، لماذا يبدو انها فقدت شخصا عزيز عليها ،،،،لماذا تبكي من كل قلبها ،،، ان كان هذا لا يسمى حب فما هو اذا؟؟؟؟؟؟؟
-بقيت جالسا في مكاني وكلماتها تتردد في اذني ،،، لااعلم ماذا افعل ،،،،، لااستطيع ان اعيش من دونها ،،،لا اعلم كيف ساستطيع نسيانها ،،،، ان حبها يسير بكل قطره من دمي ،،،،،، اعشقها لحد الجنون ،،،،،
لماذا لاتفهم حبي لها ،،،،،
بعدها عدت الى المنزل كانت امي في السوق صعدت الى غرفتي واقفلت الباب وبقيت جالسا على الارض وانا افكر بها وكيف انها سترحل من هنا الى الابد ،،،،،،،،
