ريتاج#
بعد قليل اتصلت امي
-الووهلو ماما
-ها بنتي وينج شو تأخرتي
-امم اني هسة جايه بالطريق
-يعني شكد وتوصلين
-ماادري شكد هذا يعتمد على سرعه السياره ،،،،، قلتها ونظرت له عبر المرأه باستفزاز ،، فنظر لي هز راسه وابتسم
-لاتخافين ماما مابقى شي واوصل ،،باي ،،، اغلقت الهاتف ومن ثم سألتني الخاله هناء
-مبين اهلج هواي يخافون عليج
-اي اكثر من اللزوم
-ليش يعني
-لان ،،،، كدت ان اقول لها انهم يخافون ان افعل بنفسي شيء او ان يتفاقم علي المرض ولكني سكت بسرعه لم ارد ان يعرفوا بشيء ابدا
-شبيج شو سكتي
-هاا لا لا ماكو شي بس همة مزوديهة شويه
-هاا اي حقهم يخافون الي عنده بنيه حلوة مثلج شلون ميخاف عليهة
-تسلمين انتي الاحلى ،،، قلتها وانزلت نظري الى الارض قليلا ثم رفعت عيني لاجد ذلك الاحمق ينظر الي مجددا ،،،، اه كنت اريد ان اصفعه في تلك اللحظه ولكن لحسن حظه ان امه كانت موجوده
بعد قليل وصلنا الى البيت
-شكرا خاله تعبتكم وياي
-لا بنتي ماسوينه شي اصلا احنه بيتنه قريب
-اي زين لعد ،،مع السلامه
-مع السلامه بنتي ،،،
كنت احمل الاكياس ولكنها كانت كثيره ،،فلم استطع ان احملها كلها سويا ،،فقمت بوضع بعضا منها على جنب وحملت الباقي
-اوكفي ريتاج مبين متكدرين تشيليهن كلهن خلي جهاد يساعدج
نظرت لها بفزع وقلت ،،
-لا لا ماكو داعي هسة اشيلهن
-شوفي هاي امي اذا كالت كلمه متسويهة اثنين فسمعي كلامهة احسلج
-وخر مااريد منك شي اني اشيلهن وحدي
-زين لعد راح اكللهة وهي تجي وتضل تحجي عليج اني معليه
-لا لا اوكف خطيه تعبت خليهة ترتاح ليش تصيحهة كتلك ماكو داعي
-اي ماشي ،، ماما ريتاج تريد تحجي وياج
-لك شنو شبيك انته
-هابنتي خير صاير شي ،،، قالتها وهي تنزل من السياره
-لا لا ماكو شي بس حبيت اشكرج مره ثانيه ،،،قلتها وانا بداخلي اريد ان ارفسه في بطنه
-هاا لاماكو داعي ماسويتلج شي
-ايي يله اني رايحه ،،،، ثم نظرت اليه وقلت
-امشي ،،بنبره غضب
-ههههه شنو خفتي من صحتهة
-نظرت له بحقد وقلت ،،،لا وحركاتك البايخه هاي بطلهة
وصلت لعند الباب واخذت الاغراض من يده بسرعه ،، فنادى علي
-ريتاج اوكفي
-شنو
-نسيت اكلج زيارة مقبوله
-شكرا،،، فتحت الباب ودخلت بسرعه
جهاد#
عندما اخذت الاغراض من يدي كانت تبدو غاضبه فاردت ان استفزها قليلا فهي تكره ان اكلمها ،،، وعندما قالت لي شكرا بدت وكأنها تريد خنقي بيديها ،وما ان دخلت الى بيتها بدأت بالضحك بشده ،،، صعدت الى السياره ومازلت اضحك على تعابير وجهها
-ها خير شبيك تضحك
-هههه يمه ردت اضوجهة شويه فصحت عليهة واندارت وكلتهله زياره مقبوله وهي جان مبين عليه تريد تخنكني بس سكتت وكالت شكرا وفاتت بسرعه
-اي وشنو الي يضحك
-ههه الي يضحك هي تخاف منج ومتكدر تسوي شي
-صدك والله
-اي والله لان لو اني وحدي جان هسه موتتني
-ههههههه
-انتي ماشفتي شصار بيهة من صحتج وكتلج تريد تحجي وياج ،،،انصعقت البنيه
-وانته متصدك تشوفهة هيج
-هههههه اويلي بطني راح اموت من الضحك
-شكد مخبل امشي خلي نرجع لو تريد نبات يمهم
-اي والله ياريت
-لك لتصير ملطلط امشي
-صدك اني نسيت اسئلج ،، انتي شو مبين عاجبتج البنيه ومبين افكارج صارت بعيده واخذتي رقمهة شعجب
-اي هذا خوش سؤال
-اي وشنو الجواب
-الجواب هو اني اريدك تعوف شغله البنات الطايح حضهن الجنت تكضي وقت وياهن واجتني ريتاج من الله ،،فكلت ليش اضيع الفرصه البنيه مؤدبه وحلوة وانته معجب بيهة
-اي
-اي فكلت خلي اساهم بالموضوع لان لو تبقه عليك جان بعدك لحد هسة تتعارك وياهة
-ههههه اي والله كلامج جواهر ،، لو مو انتي جان اني بعدني وين يمكن حتى ماتسمعهة تحجي هيج بحريه
-اي لعد شعبالك اني امك مو اي وحده
-اي مدامج امي وحبيبتي ونظر عيني راح تنطيني رقمهة مو
-لا ماانطي
-ليش يمه
-ماانطي لحد ماتعقل وتعوف سوالفك التعبانه وهاي الصياعه مالتك والبنات التافهات التعرفهن هم تعوفهن يله انطي
-حيييل كلهن اعوفن مرة وحده
-اي
-لا يمه حبابه انطيني الرقم واعوفهن
-لا تعوفهن وانطيك الرقم
-اي بس مو بهل السرعه يعني يحتاجلي وقت حتى اتعود
-اي انته اخذ وقتك واني هم شوكت مااشوفك تستاهلهة انطيك الرقم
-اي اذا هيج متفقين
