ريتاج #
في صباح يوم الاحد عندما استيقظت على صوت المنبه كنت اشعر ببعض الالم ،،لم اهتم له وذهبت الى الحمام لكي استحم وعندما خرجت احسست بأن الالم يزداد فلم استطع ان اقف لان احشائي كانت تتقطع فجلست على الارض وكانت امي تنادي علي ،،،
-ريتاج يله ليش اتاخرتي ابوج ينتظرج حتى يوصلج بطريقه كملي بسرعه
-لم اكن استطيع ان ارد عليها وبقيت جالسه على امل ان يتوقف هذا الالم بعد قليل دخلت امي لغرفتي وهي تقول ،،،،
-وينج ليش متردين شنو بعدج نايمه ،،،، فرأتني جالسه على الارض ممسكه باسفل بطني وتلوى من الالم
-ريتاج ريتاج حبيبتي شبيج
-بطني تأذيني
-اوكفي خلي اصيح ابوج
-لا لا ماما ماكو داعي بس ساعديني حتى اكوم اريد انام شويه
-يله حبيبتي انطيني ايدج ،،،،،،،،، ساعدتني امي على النهوض واوصلتني الى سريري وعدت الى النوم ولم اذهب للجامعه في ذلك اليوم
جهاد#
ذهبت للجامعه يوم الاحد ابحث عنها فلم اجدها يبدو انها لم تاتي لانها لازالت خجله مني ،،،هذا ماكان يدور في رأسي الى ان صادفت احمد في احدى الممرات وكان يتمشى مع نور
-هلوو احمد
-هلو حبيبي شلونك
-بخير وانته
-تمام باحسن حال
-اكلك تعال شويه عندي موضوع وياك
-اي يله امشي ،،نور فد شويه واجيج اوك انتظريني
-احمد تعال خلي نكعد بالحديقه احسن
-جهاد شبيك صاير شي
-اي شنو علاقتك ويه هاية السافله
-ههههه علمود هاي
-اي ، احجي
-شبيك هي حاليا حبيبتي
-انته شبيك عفت البنات كلهن واجيت على هاي
-لك شبيك لاتخاف حاله حال اي وحده هسة كم يوم وادعبلهة بس ضايج هاي الفتره وانته ماكو مدري وين مختفي لا اشوفك بالدوام ولا باليل ويه الشباب متجي
-هاا اي مشغول شويه
-هههههه علينه مشغول
-اي شبيك
-احجيهة احجيهة يله
-شنو شحجي
- هههه كول اني احبهة يله اعترف
-هاا منيه
-منيه علينه ،،،ريتاج منو غيرهة
-هااا
-اي شو صرت احمر شبيك ،
-لا ماكو شي
-اي عبالك مااعرف بيك يوميه تلحكهة هههه
-خررررب شلون عرفت
-هههه هاي وحده من عصفوراتي كالتلي
-ماينضم عليك شي
-هههه بس اريد اسمعهة منك يله اعترف انته وكعت بالحب
-هههه اي احبهة ،،،،، قلتها وان منزل راسي واحك شعري بيدي اليمنى
-ههههههههههه واخيراااا هههه عرفتك من يوم تعاركت ويه نور علمودهة
-وانته شمدريك تعاركت وياهة
-شنو نسيت غير هي حبيتي وحجتلي
-لك هاي فد وحده اووووف شكد اكرهة ،،، اتمنى اخنكهة واخلص منهة
-عفواا عيني خليلي اعتبار حاليا وبعدين من اعوفه براحتك شتريد سوي
-ههههه شكد حقير
-اي لعد شعبالك ،،،، شبيك انته ضلعي ماابدلك علمود اي واحد وهاي العوبه عوفه عليه اني عندي ثار قديم وياهة وهسة صار وكتهة حتى انتقم
-هههه خطيه راح تنتهي لان انته من تريد تنتقم معناهة هاهية بعد محد يكدر يوكف بوجهك
-اي فديربالك تخلط وياي ،، اني حذرتك تره
-لا لا عيني ابد ولا اندك بيك
-عفيه بوليدي البطل خليك هيج تسمع الكلمه
-لك شو شفت نفسك كافي عاد
-هههه يله كافي كافي
ذهب احمد لمحاضرته وانا كذالك وانتهى الدوام وعدت الى البيت تكلمت مع امي قليلا ثم ذهبت الى النوم استيقظت في الرابعه عصرا ،،،،خرجت لكي اتدرب قليلا على السباق فهذه المره الاولى لي هنا في العراق ،،، لذا يجب ان اربح السباق ،،،،،،، بعد ان اكملت التدريب عدت الى البيت وجدت ابي عائدا من السفر ،،،جلست معه وتحدثنا قليلا ثم ذهبت للاستحمام ،،،، درست لمده ساعه ونصف وبعدها تناولت العشاء وذهبت للنوم ،،،،،،،،
في الصباح استيقظت الساعه 7:30وكنت متاخرا فغريت ملابسي بسرعه رتبت شعري وذهبت للجامعه ،،،،،عندما دخلت الى الجامعه رأيت اجمل شي في حياتي ،،،، ريتاح ،،،،
-كانت واقفه امام احدى الورود البيضاء وتنظر لها وهي تبتسم ابتسامه بريئه لاول مره اراها تبتسم وكانت ساحره بابتسامتها ،،، كانت تتلمس الورود بيدها الناعمه فأقتربت منها وقلت لها ،،،،،
-تحبين الورد
-اي اعشقه ،،،، اجابت وهي لازالت تنظر الى الورد
-زين شنو اكثر نوع تحبينه
-احب كل انواع الورود وبلاخص الي لونهة ابيض او احمر
-اممم ذوقج حلو بالورود ،،،زين تعتقدين هو هم يحبج
-اختفت ابتسامتها تتدريجيا وقالت لي وهي لاتزال تنظر الى الورد ،،،،،،
مااعتقد وحتى اذا تريد تحبني مااخليهة
-بس انتي متكدرين تمنعين الحب
-الافضل الهم ميحبوني
-زين واذا اني حبيتج هم تمنعيني
بعد ان سمعت هذا الكلام ادارت بنظرها الي ببطء ثم توقفت امامي وهي تنظر لي مصدومه وقالت ،،،،،
-انته !!!
-اي اني ليش من تتوقعين
-لا بس انته شجابك هنا ،،،، اووو نسيت انته وياي بلكليه
-وبنفس الشعبه هم
-اي وشنو شتريد
-ماكو شي بس شفتج واكفه هنا وكلت خلي اسلم عليج
-اهاا اي
-شنو اي
-يعنني وعليكم السلام
-هااا حلو شنو ماتفوتين للمحاضره
-لا العميد يريدني
-اوووو العميد مره وحده ،، خير شمسويه هاا
-شبيك مامسويه شي،، بعدين اني لو ادري ماجان انتظرت هنا
-هاا اي هم صدك ،، تحبين اجي وياج يعني خاف تحتاجين فد مساعده
-لا شكرا اني ادبر اموري وحدي
-متأكده
-اي متأكده ،،،وهسه راح اروح باي
-باي ،،،،،،،، بقيت انظر اليها وهي تمشي بغضب ،،،لا اعلم اماذا تغضب عندما تراني ولكني استمتع بان اراها غاضبه ،،،، بعدها توجهت للمحاضره ،،،،وعندما انتهت خرجت للكافتريا لشراء العصير ،،،
