جــهاد ...
بعد ان عدت من المطعم واكملنا الغداء خرجت مع جميلتي للحديقه
جلسنا على الارجوحه نظرت لي وقالت ؛
- جهااد
- عيونه
-تدري اني باجر راجعه لاربيل
- لاوالله ليش بهاي السرعه ترجعون ماصارلكم هوااي
- ايي مو احنه غير اجينه علمود خالتي وهسه صارت زينه ولازم نرجع
- زين شلون لعد
-شنو شلون ؟؟
- شلون اشوفج
-هههه تحمل هاي الفتره
- حبيبتي ميصير هيج
- شنوو
-لازم اجي اخطبج ... اريد احاجي اهلج هذا الاسبوع
- هذا الاسبوع؟؟؟
- ايي اريدج تبقين وياي مااتحمل بدونج
- ☺️
-بعدين رتوج حبيبي يعني اني صار عمري ۲٤سنه وبعدني مامتزوج وامي هم تتمنى تشوف احفادهه واني ولدهه الوحيد وبس احنه بالبيت هم تضوج هي
- صحيح حجيك عمري
- اي وبعدين احنه ماعدنه اي سبب يخلي زواجنا يتاخر .... انتي شنو رايج حياتي
- امممم حبيبي فاجٸتني بالموضوع يعني ماجنت اتصور بهل السرعه تصير
- ماشي اخذي وقتج ڤكري ورتبي امورج ورجعيلي خبر
- اوكي حبيبي
- اني مااريد اضغط عليج بشي
-حبيبي ممكن اسألك سٶال فضولي شويه
- شنو عيني كولي
- انت ابوك ماعايش وياكم
- هااا جبيتيهه على ابويه ... احجيلج عليه
- ايي اذا هذا الشي مايزعجك
- لا عادي ... ابويه متزوج ثلاثه وامي الثانيه هو طبعه هيج غني يشتغل بدبي بمعارض السيارات ... وداٸما مسافر كل شهر يحول فلوس لامي بالبنك ويجي علينه بنهايه الشهر يبقى اسبوع او عشره ايام وبعدين يروح للسيديه علىى امه يشوفهه يبقاله يومين وبعدين يسافر لدبي لزوجته الثالثه ...
- هاا زين والاولى شنو
- مطلكهه .. ماعده جهال من الاولى بس من الثالثه عنده بنات اثنين
بعدهن صغار بلابتداٸيه
- وانت شلونهه علاقتك بي
- يعني عاديه ما يخصني موضوع زواجه ... المهم هو مامقصر ويه امي ومعيشنه عيشه زينه مايخلينه نحتاج شي وهو طيب وحباب بس يحب شغله كلش يحسه هووايه اله مو بس شغل وفلوس
- وانت طالع عليه تحب السيارات مثله
-هههه ايي كلش اني من جنت يمه بدبي خلاني اصعد كل سياراته بالمعرض وبعدين اختاريت وحده واخذتهه تسابقت بيهه وياه
- هههه حلووه علاقتكم
- ايي هو حباب بس يخاف على بناته هناك ميكدر يعوفهن هوواي وزوجته بعدهه صغيره هم ...
- هاا شوقتني حابه اتعرف عليه
- اخابره تحاجي
-لا لا جذب اتشاقه وياك
- لا ابد هسه اخابره واكله هاي حبيبتي وياك
- لك عيب شدسووي اكعد جيب موبايلك ...
- انطيني موبايلي
- ماا انت مو امان
- ولج جيبي اني ابويه واريد اخابره انتي ليش تعارضين
- ماكو هيج حجي اروح وبعدين خابره
- هاي شلون ورطه ... هاهيه عيني مااخابر
- اكيد ؟
- اكيد وداعت عيونج
- اي ماشي اذا هيج هاك موبايلك
- وانتي ليش هيج تخافين منه شنو راح ياكلج
- لااا استحي منه
- يله بعدين تشوفي وتتعرفين عليه
- ايي وهسه حبيبي لازم اروح تاخرت هوواي
- ماشي حياتي خلي اكول لامي حتى اطلع وياج
- لا حبيبي ماكو داعي خليك وياهه
- لا شلون اعوفج وحدج ترجعين صار عليج شي غير اتخبل
- هاهيه عيني براحتك
دخلت على امي وسلمت عليها وخرجنا تبعتها الى ان وصلت لبيتها وعدت بعد ذلك لبيتي جلست على التلفاز ولم اشعر الى ان غفوت
