-ريتاج شنو هذا ليش هيج صاير وياج ،،،،،،
لقد كانت يدها زرقاء ومتورمه عند مرفقها من الامام ،،،،،،
-فدوة لعمرج كوليلي شنو هذا
-لا ماكو شي
-ريتاج احجي لتخليني افقد اعصابي ،،،
-لم تجبني وازاحت بنظرها عني فامسكت بوجهها وادرته نحوي ،،،
-جاوبيني
-كتلك ماكو شي ،، قالتها وابتعدت عني غاضبه
- حسنا لقد كنت غاضبا في ذلك الوقت ولكني لم ارد ان ازعجها اكثر ،،، فهي الان متعبه جدا
-ماشي على راحتج مااريد اضغط عليج ،،
كافي مااريدج تبجين انتي شوكت ماتحبين تجاوبيني اني موجود واسمعج ،،،، وهسه امشي خلي اوصلج للبيت
-مااريد انزل اكيد هسه كلهم كاعد يحجون عليه
-والله اليحجي عليج كلمه ادفنه بمكانه انتي امشي وياي ولتهتمين
-جهاد لا مااريدك تدخل بمشاكل بسببي ،،، ارجوك عوفني
-شنو هذا الحجي تدرين انتي شنو بالنسبه الي ،،،، انتي اغلى شي عندي،،،،واليحجي عليج معناهة يحجي عليه
-لا لا فدوة لاتحجي ويه اي واحد عوفهم
-ريتاج اترجاج فهميني ليششششش ،،، قلتها وانا انظر لها بنظره توسل
مو والله راح تخلص السنه واني بس اسألج ليش فدوة اروحلج جاوبيني ،،،،
-رجاءا ماحابه احجي بالموضوع
-افففففف ماشي بس راح تجاوبيني بعدين
-اي
--وهسه تعالي خلي ننزل
-لا جهاد خايفه
-من شنو خايفه
-اخاف يحجون شي وانته متلزم اعصابك وتتعارك
-لا مادامج يمي مااتعارك وياهم
-وعد
-وعد وعيونج
-ماشي
-ريتاج قبل ماننزل اريد اكلج شي
-اي شنو
-انتي احلى شي بحياتي
-ابتسمت ابتسامه مصطنعه ،، ثم مددت يدي لها وقلت
-اريد انزل وكدامهم كلهم لازم ايدج ،،حتى يعرفون شنو انتي بالنسبه الي ،، تسمحيلي بهذا الشي
-هزت برأسها دلاله على موافقتها ،،، ثم نزلنا من سطح البنايه ،،وعندما وصلنا الطابق الاول الذي يوجد فيه الطلاب نظرت الى عينيها وقلت ،،،،
-خليج مطمنه وانتي يمي مااريد يبين عليج الخوف ،،ماشي ياحلوة ،،،،وابتسمت لها
-ماشي
نزلنا وكانت انظار الجميع علينا ولكني لم اهتم لهم وعندما وصلت بجانب نور ،،،، قمت برفع يد ريتاج وقبلتها امام نور ،،،،وقلت لها باستفزاز ،،،
-اني وحبيبتي مانهتم لكلام ناس زباله امثالج انتي والي وياج ،،،،،،، ثم ابعدتها عن الباب لانها كانت تقف خلفه واخذت بيد ريتاج مره اخرى وخرجت من الكليه ،،،،، وذهبت الى الكراج ،،، احضرت سيارتي واقنعت ريتاج بان اوصلها للمنزل ،،،،،،، وفي الطريق ،،،،
-جهاد
-ها عيني
-عندك شي حلو
-شي حلووو !!!
-اي يعني اي شي
-ليش شكو شبيج ،،،، اوقفت السياره بسرعه ونظرت اليها كان وجهها شاحبا ولاتستطيع فتح عينيها
-حبيبتي شنو شبيج
-مابيه شي بس عندي سكر ،،، بسرعه الله يخليك
-ماشي ماشي ،، انتظريني بس ثواني واجيج ،،،،،،،
نزلت من السياره وذهبت لمحل قريب اشتريت العصير وبعض الحلويات ورجعت لها ،،،،، قمت باطعامها بعض الكيك ،،،،،،
-صرتي احسن
-اي شكرا الك تعبتك هواي
-لا حياتي تعبج راحه
تابعت السير وهي كانت تشرب العصير ،،، وبعد قليل قالت لي ،،،،
-جهاد
-اني اشكرك لان انته خلصتني من عدهم ومثلت كدام الكل انك تحبني ،، وبلاخص كدام نور ،، يعني تفكيرك اجه بوكته ،، هواي اتشكرك وعمري ماانسالك هذا المعروف الي سويته
-عندما قالت هذه الكلمات احسست بأن قلبي يتفطر شيئا فشيئا ،،، كيف تعتقد اني كنت امثل امامهم ،،،، انا بالفعل احبها وكل الذي فعلته كان من قلبي ،،،، لماذا لا تشعر بي ،،،
كان هذا الكلام يدور في راسي ثم قالت لي ،،،،
-جهاد تسمعني
-اي اي اسمعج
-انته بالفعل صديق رائع ،،،واكيد حبيبتك راح تكون محظوظه بيك
-فابتسمت لها محاولا اخفاء الدموع في عيني ،،،،،، بعد قليل وصلنا للبيت ،،، ففتحت الباب وقالت لي ،،،
-شكرا وسلملي على خاله هناء
-يوصل ،،،،، اغلقت الباب ،،،ومشيت بسرعه وانا قلبي يحترق ودموعي لا تتوقف ،،،،،، ذهبت الى البيت ،،،وعندما دخلت ،،،
-ها جهاد شو اليوم تأخرت شعجب ،،،،،،،
لم ارد على امي وصعدت لغرفتي بسرعه واقفلت الباب ،،، وجلست ابكي وابكي وامي تطرق على الباب وهي تقول ،،،،
-جهاد وليدي شبيك احجيلي شصايرلك
-يمه فدوة اروحلج عوفيني
-ابني شبيك مو وكفت كلبي شكو احجيلي
لم اجبها ولكنها بقيت تطرق على الباب وتتكلم معي ،،، فقمت بسرعه وفتحت لها الباب ،،،،،
-شبيك يايمه احجيلي
-شحجيلج يمه شحجيلج ،،،،،قلتها وانا اضرب بقبضه يدي على الباب
-شكو شبيك
-متحبني يمه متحبني اني مجرد شخص عادي قبل جانت تكرهني وهسة لان ساعدتهة ودافعت عنهة صرت صديق بالنسبه الهة ،،،،، قلتها بنبره غضب وصراخ ،،،،
-هاي مكانتي عدهة عمرهة ماتتغير
-ليش هيج فهمني شصار من البدايه ،،،،يعني انته فاتحتهة بالموضوع ورفضتك لو شنو ،،،،
-لا لا ياريت لو هيج ياريت ،،،
-جهاد ابني بس اهدئ وفهمني بلكي نلكه حل
-ماكو حل ماكو شنو يعني اجبرهة تحبني
-بس فهمني شصار وعوف الباقي عليه بس احجيلي شكو ،،،
-تكلمت لها عن كل الذي حدث ،،،،فقالت لي ،،،،
-اويلي والله كسرت كلبي هل البنيه ماعدهة حظ بكل شي ،،،
-يمه فدوه اني مااريد اسمع هذا الحجي هو اني كلبي خلصان وميت من القهر عليهة ،،،،،وماادري احير بسالفتهة وشلون اخليهة تخلص من هاي المشاكل لو احير بسالفتي وياها وشلون اخليهة تصير الي ،،،،
-لا ابني بالبدايه ساعدهة حته هم توفي حق الصديق وهم تاخذهة فرصه تتقرب الهة وتعرف شبيهة
-واذا هم بقت مصره على قرارهة
-هاي بعد قسمه ونصيب ،،،،اذا من نصيبك تصيرلك واذا مامقسومتلك منكدر نسوي شي
