،،،،وعندما انتهت خرجت للكافتريا لشراء العصير ،،،،
اشتريته وكنت اتمشى وجائني احمد يركض ويصرخ علي ،،،،
- جهاد جهاد
-ها احمد سالمين شبيك تصيح
-ريتاج ،،،قالها وهو يتنفس بصعوبه
-شبيهة احجي
-الطلاب يحجون عليهة يكولون ،،،،
-شيكولون احجي ،،،، قلتها له وانا اصرخ بغضب عليه
-يكولون اكو واحد ضاحك على ريتاج العام و ،،،
-وشنو احجي للتخليني اكسرك هسة كول
-وماخذ منهة شرفهة وهو مهددهة وهي ماسامعه كلامه وفاضحهة بكل الكليه ،،،،
-جذب مستحيل انته شدتحجي منو كالك هذا الحجي،،،،، هذه المره لم اتمالك نفسي وبدأت بالصراخ باعلى صوتي عليه وشعرت بان نارا تشتعل في داخلي
-كلهة تحجي عليهة واني بس سمعت اجيت عليك
ومن ثم جاءت نور ووقفت بجاني وقالت ،،،،
-ههه عيني يالعاشق شنو متصدك طلعت حبيبتك بايعه شرفهة
-انتي يالسافله اياج تحجين عليهة حرف ،،تره والله ادفنج هنا هسه
-هه على اساس اني خايفه
-انتي اليوم موتج على ايدي ،،،،فقمت بامساك رقبتها ودفعتها نحو الجدار وكنت اريد ان اخنقها ولكنها اوقفتني عندما قالت ،،
-انته بدال ماتكتنلي روح لحك لحبيبتك لتنتحر
-وينهة احجي لتخليني افقد اعصابي
-صعدت فوك البنايه
-فرميتها على الارض وركضت الى ريتاج كالمجنون ،،،،،، وعندما وصلت وجدتها جالسه على ركبتيها تبكي وتصرخ باعلى صوتها ،،،،،،،، فلم استطع ان اراها هكذا ،،،،،جلست بجانبها واخذتها في حضني ،،،،، احتضنتها بقوة شديده ،،،،، فوضعت رأسها على صدري وهي تبكي وتشد بقميصي بقوه وهي تقول ،،،،
-ليش هيج ليش اني ماسويت شي ليش ،،،،، والله العظيم ماسويت شي
-حبيبه كلبي لاتبجين فدوة والله مااتحمل اشوفج هيج
-اني كل ماانطي لنفسي فرصه حتى اعيش ،الحياه تاخذهة مني ،،،،تعبت والله تعبت كل شي احبه راح مني ،،
-لاياعمري كلشي يتصلح لاتخافين ،،، قلتها وانا امرر يدي على شعرها لكي تهدئ
-ماكو شي يتصلح ،،حتى حلمي ضاع مني فقدت كلشي مابقالي شي
-فقمت برفع رأسها لكي انظر الى عينيها وقلت لها ،،،،،
-اني يمج راح اخلصج من كل هاي المشاكل
--ماتكدر تسوي شي ماتكدر
-اني علمودج كلشي اسوي بس كافي تبجين
-فنظرت بعيني بحزن وهي تمسك اطراف قميصي بيدها وقالت لي ،،،،
-جهاد اليوم طردوني من الكليه
-عندما سمعت كلامها هذا ارجعتها الى صدري مره اخرى ،،،وهي ايضا احتضنتني بقوة وازداد بكائها ،، فقالت
-حرموني من كلشي ،من كلشي
-ياعمري كافي كافي الله يخليج ،،،،قلتها بنبره هادئه ولكني احترق في داخلي ،،،، لم تستمع الي وواصلت بكاءها ،لم اتكلم معها وتركتها تبكي على صدري حتى هدئت قليلا ،،،فنظرت بعينها وقلت ،،،
-ارتاحيتي حبيبتي
--اي
-زين هسه فهميني كل شي ،
-اليوم من رحت للعميد انطاني بطاقتي وكالي انتي ميصير تبقين هنا ،، الطب ميسمح للي حالتهم العقليه والنفسيه مو سليمه بدراسته ،،،، كتله بس اني ماعندي اي شي من الي تكوله ،،،كالي اني عندي تقرير يثبت كل شي وطردني خارج الغرفه ،،بدون مايسمعني
-اني جنت دائما اكلج ردي عليهم لتخليهم يحجون عليج ليش ماجنتي تسمعيني
-لك اني جنت مااكدر ارد على اهلي شلون ارد عليهم ،،،،
-لعد هسه حلو هذا الحجي الي يكوله عليج الطلاب
-شنو شيكولون
-ليش ماسمعتي
-لا شنو احجي
-يكولون انتي -- انتي
-شنو شبيه كول ،،،،قالتها وهي تمسك بقميصي وتشدني بقوة منه وتنظر بعيني ،،فاابعدت نظري عنها وقلت ،،،،
-يكولون انتي بايعه شرفج لواحد بالكليه العام
عندما سمعت كلامي هذا افلتت يدها من قميصي وبقيت مصدومه وعيناها تذرف الدموع ،،،، كان منظرها يقطع قلبي ،، فامسكت بيدها
-ريتاج ريتاج اني اعرف متسوين هيج اني واثق بيج ومصدكج ريتاج حبيبتي والله مصدكج لاتهتمين لحجيهم اكيد صار سوء تفاهم
-لا لا مو سوء تفاهم
-لعد شنو
-اني من طلعت من عند العميد جنت ابجي وسمعت نور وشيماء يحجن بهذا الموضوع ويباوعن عليه ،، بس ماعبالي اني المقصوده
جهاد فهمني ليش يسون هيج بيه اني مااذيتهم بشي ،،والله مااعرف اي واحد ولا عمري حجيت ويه احد بالكليه والله ،،
-ثم وضعت يدها على وجهها وبدأت تبكي ،،، فأمسكت بيدها ومسحت دموعها وقلت لها ،،،،،
-اني اعرف بيج انتي متسوين هيج شي رخيص هاي كلهة من وره نور لان هيه تكرهج وتريد تنتقم
-ليش تنتقم اني شمسويتله
-مو منج ياعمري مني تنتقم ،،،، اني بعدين افهمج ،
-جهاد وين رايح
-رايح اخذ حقج من هاي السافله واعلمهة درس متنساه كل عمرهة
-لا لا جهاد الله يخليك لا
-شنو لا من كل عقلج تحجين ،،،، شلون اخلي هيج وحده ناقصه تحجي على شرف حبيبتي والله اموتهة بكاعهة هسه ،،،، مااخليهة تطلع منا عايشه ،،،
-جهاد لا فدوة لا
-شلون تسكتيلهة شنو ماسمعتي شحجت عليج ليش ادافعيله ،،، اسف ريتاج بس اذا انتي تسكتين اني مااسكت ،،،،،،
فتوجهت لعند الباب لكي انزل واقتل تلك السافله ولكنها اسرعت الي وقامت باحتضاني بقوة وقالت لي ،،،،،
-لا ارجوك ماريد شخص ثاني يتأذى بسببي ارجوك ،،، قالتها والدموع تجري من عينها
-ريتاج الله يخليج لاتمنعيني ،لان اذا مااروحلهة هسه واكتلهة ماارتاح كل عمري
-رفعت راسها ونظرت بعيني وقالت ،،
-جهاد لخاطري لا تأذيهة
توقفت ونظرت بعينها التي كانت مملؤة بلالم والحزن وقلت لها
-يعني راح ترتاحين اذا عفتهة
-اي
-بس ،،
-ارجوك
-ماشي هاي بس لخاطر عيونج راح اعوفهة ،،،،،،،،،،
قمت بمعانقتها ثم ابتعدت هي عني وادارت بوجهها عني وكانت ممسكه بمرفق يدها ،،،، فاستدرت نحوها ورأيتها تحاول اخفاء الالم فقلت
-ريتاج بيج شي
-لا ،،،،،قالتها ونبره كلامها مملؤة بلالم
-شنو لا ،،،، امسكت بيدها ورفعت القميص عنها قليلا فتفاجأت بالذي رأيته
-
-
