جهاد#
كنت انظر في عينيها طوال الوقت وهي كذالك ،،لاول مرة اشعر بهذه الراحه والامان ليس لانها بقربي بل لاني ارى في عينيها نظرة حب وخوف واهتمام ،،، لقد رأيت الحب الذي كنت ابحث عنه واتمنى ان احصل عليه في عيني جميلتي ريتاج ،،،،انها مجرد نظرة ولكنها حولت كل الحزن الذي في قلبي الى فرح وامان ،
-جهاد ،،
-ها ياعمري
-هه ماكو شي بس حبيت اكول اسمك ،،
-ليش يعني
-يعني يمكن لان اشتاقيت اكوله واسمع هذا ردك ،،
-بس يمكن ؟؟؟
-ايييي جهاد شبيك ،،
-يمه فديته للخجول ،،يعني خجلانه تكولين اشتاقيتلك مو ،،
-ههه اي ،،،،قالتها واصبحت وجنتيها حمراوتان
-اموت عليج والله ،،، وهذا الخجل يخليني انجن بيج ،،
-اوووو زين يعني بعدك ماصرت مجنون بيه
-لا وين من زمان اني صرت مجنونج بس هسة راح افقد كل عقلي ،،،،يالله مامصدك انتي يمي ولازم ايدج والله مامصدك ،،
-يعني شسوي حتى تصدك
-ههه بوسيني
-لك جهاد كافي ،،،،قالتها وضربت على كتفي بخفه
-ههه لا هاهيه صدكت ،،،،عمري احجيلي شلون صرتي وشلون وضعج باربيل جنتي مرتاحه ،،احجيلي كلشي ،،اريد اسمع كلشي صار وياج
-ماشي راح احجيلك كل شي بس مو هنا لان الوقت تأخر ولازم نطلع هسه احسن ماننطرد
-هههه اي والله ،،اني نسيت لازم اقفل المكان ،،صارت الساعه11:15 ،،، حبي انتي انتظريني يم الباب واني مااتاخر عليج ثواني واكون يمج
-ماشي انتظرك
ذهبت بسرعه وتاكدت من كل الاجهزة ثم اسرعت للحراس واعطيتهم المفاتيح وطلبت منهم ان يقفلوها وعدت لجميلتي التي كانت تنتظرني ،،،
-حبي اسف خليتج تنتظرين
-لا عادي ماصار شي
-وهسة احجيلي
-هههه شنو شحجيلك السالفه طويله ولازم اروح تاخرت
-وين تروحين اني ماصدكت شفتج ،،،لا عيني لا ماكو روحه ،،
-جهاد لاتخاف مااعوفك واروح مرة ثانيه
-وعد ؟؟؟
-اي حبيبي وعد
-يالله يالله شلون كلمه تخبل ،، خلاص حياتي براحتج ،، بس بشرط
-شنو ؟؟
-باجر اشوفج
-ماشي
-وتخابريني الصبح اول ماتكعدين من النوم
-ههههه ماشي ،،وبعد
-وو ،،
-و شنو ؟؟
-احبج
-هه واني هم احبك
-حياتي تعالي اوصلج
-لاماكو داعي سيارتي موجوده
-واووو تطورات
-ههه اي لعد شعبالك وشوف نفس سيارتك
-ليش عود نفس سيارتي هاا
-هذا سر ،،
-هههههه وشنو بله هذا السر ؟؟؟
- بعدين تعرف ،،تصبح على خير
-وانتي من اهلة ياعمري ،،، ادارت وجهها كي تذهب فقلت لها
-حبي
-ها حبيبي
-امم شوفي مااكدر اخليج وحدج بهيج وقت ،، ممكن امشي وراج بسيارتي ،، بس حتى اطمئن عليج
-هههه ماشي على راحتك يله تعال
فمشيت وراؤها حتى وصلت لبيتها وكان في مكان اخر يبدو انهم انتقلو الى بيت جديد ،،، عندما دخلت للبيت عدت للخلف بسيارتي وبعد ثواني قليله وصلتني رساله من رقم غريب كتب فيها ،،،
«حبيبي انتبه على طريقك ومن توصل دزلي مسج »
فابتسمت على الفور وقمت بحفظ رقمها ب (جميلتي )
عندما وصلت للبيت بعثت لها برساله ،،،،
«انتي سر سعادتي ياجميلتي »
بقينا نتراسل قليلا ثم ذهبت للنوم ،،،،
