جهاد #
لقد تفاجئت جدا من اتصالها لم اكن اتوقع ابدا ،،، ولكن من اين حصلت على رقمي ،،، حسنا غدا اسألها يجب ان اذهب لاخبار امي ،،،،،
-يمه ،،، يمه وينج
-ها ابني شبيك
-عندي خبر راح يفاجئج
-شكو احجي
-ريتاج ،،، ريتاج خابرتني قبل شويه وكالت تريد تشوفني باجر
-صدك والله
-اي والله تفاجئتي مو ،،
-اي كلش تفاجئت يعني ماتوقعت هيج عبالي بس تخابرك
-شنووو ؟؟؟
-لا لا ماكو شي ،،، قصدي يعني ماتوقعت تريد تشوفك
-اي المهم عندي الباجر اشوف حبيبتي ريتاج ،،
-اي يعني هاي بس خابرتك هيج سويت ،،لعد من تشوفهة شتسوي
-ههههه اطير من الفرح ،،،، يمه برأيج شنو الموضوع الي تريدني بي
-مااعرف
-يله مو مهم ،،، اهم شي عندي اشوفهة
-مادامك هيج فرحان تعال اكل يله
-اي والله كلش جوعان ،،،،
انهيت العشاء ونظرت الى الساعه كانت العاشره فقلت متى تأتي العاشره صباحا ،،، بقيت اتصفح في النت واشاهد الافلام الى ان اصبحت الساعه 12:45 فاغلقت الابتوب وذهبت للنوم ،،،،،،،،
استيقظت الساعه 7:30 صباحا ،،،، ذهبت لكي استحم وبعدها تناولت الافطار ومن ثم ذهبت لكي اجهز نفسي للقاء حبيبتي ريتاج ،،،،
ريتاج #
استيقظت الساعه السابعه ،،، فانا لم استطع النوم طوال الليل ،،، ذهبت لكي استحم تناولت الافطار واخبرت امي وابي باني اريد الخروج قليلا ،،، فسمحا لي بالخروج ،،، بعدها صعدت الى غرفتي ،،، كالعاده وقفت حائره امام خزانتي لا اعلم ماذا ارتدي ،،، لم انادي على امي هذه المره ،،، لانها ستسألني عن نوع المكان وانا لااريد اخبارها ،،،،
ارتديت بنطرون باللون البيج مع بلوزة مخططه باللون البيج والاسود وفوقها ستره باللون الاحمر الغامق قصيره قليلا مع حذاء باللون الاحمر ايضا وضعت بعض الكحل واحمر الشفاه سرحت شعري ورفعته ذيل حصان مع ترك خصلتين اماميتين منسدله على وجهي ،،،، لقد بدونت انيقه وبسيطه ،،،،،
عندما انتهيت كانت الساعه 9:15 فخرجت مسرعه من البيت ،،،،، عندما وصلت كانت الساعه9:45 بسبب ازدحام الطريق ،،، بقيت واقفه امام المطعم ،،وفجأه سمعت صوت من خلفي يقول ،،،
-بعدج تحبين الورد
-التفت لارى جهاد وبيده باقه ورود باللونين الاحمر والابيض ،،، فقلت له ،،،
-اي طبعا وباللون الاحمر والابيض ،،، قلتها له واخذت باقه الورود من يده وقلت له ،،
-شكرا كلش حلو الورد
-بس انتي طالعه احلى من الورد نفسه
-شكرا ،،، قلتها وانزلت عيني خجله منه فقال لي ،،
-شنو نفوت لو ،،
-لا لا خلينا نروح على غير مطعم
-اي ماشي تفضلي ،،،،،، صعدنا بالسياره وذهبنا الى مطعم قريب ،،،، فاخترنا طاوله بمكان هادئ وجلسنا ،،، فقال لي ،،
-شنو تحبين تشربين
-قهوة وسط
-فقال للنادل ،،، اثنين قهوة وسط
-امم جهاد اتمنى مااكون اخرتك على التدريب او ،،
-وانتي شلون تعرفين اني اروح للتدريب
-ههه يعني عرفت
-ايي وشلون
-هاا خاله هناء كالتلي من شفتهة بالكاظم
-هااا كالتلج هناك مو
-اييي طبعا هناك
-ااي زين ،،، بس يمكن امي نست اتكلج اني صارلي يومين من مخلص التدريب والسباق يوم الخميس ،،،،
-احمررت خجلا من كلامه فلقد عرف ان امه كلمتني البارحه ،،،
-هههههه ماكو داعي للخجل ،،، عرفت من حجي امي وتصرفاتهة
-اييي زين مادامك عرفت كلي ليش مداوم
-يعني انتي جايبتني علمود هذا السؤال
-بصراحه ،،،،، لا عندي غير موضوع وياك بس جاوبني بالبدايه
-ماشي اجاوبج بس بشرط
-شنو
-خلي نحجي اليوم كلشي بصراحه واي شي اني اسألج او انتي تسألين نجاوب بصراحه ،،، لان اخاف بعد ميصحلنا مثل هاي الفرصه ،،،ماشي
-ماشي ،،،وهسة احجيلي شبيك
-ماشي احجيلج شبيه ،،،،
-اي
-مشتاقلج
-شنوو
-والله غير تريدين الصراحه كلش مشتاقلج ،،،، والكليه مااطيقهة وانتي ماموجوده بيهة
-جهاد بس الامتحانات شلون لازم تروح
-مااكدر والله موبيدي ،، اذا افوت الكليه اتألم والله
-اي بس ،،
-ريتاج ،،،، اني احبج والله ،،، ومااكدر افوت الكليه وانتي ماموجوده
-اي اني اعرف انته تحبني
-شنو هم امي كالتلج
-لا،،، اني اعرف ،،، وادري بيك حبك صادق ومن كل كلبك
-وانتي
-شنو
-حاسه بنفس الاحساس الي عندي لو بعدني مجرد صديق
-بصراحه قبل مااجاوبك ،،،راح احجيلك قصتي لان لازم تعرف كل شي ،،،
-واني السنه كلهة انتظر اسمع قصتج شنو ،،،
