جهاد#
كنت متشوقا لسماع قصه حياتها التي جعلتها كئيبه وضعيفه لهذا الحد فقالت ،،،،،
-ماشي راح احجيلك كل شي لان بعد يجوز مااشوفك ،،،يعني يمكن يكون هذا اخر لقاء ،،،
-لا مستحيل يكون اخر لقاء
-بس يمكن بعد الي تسمعه تغير رأئيك
-ماشي احجيلي ونشوف منو يغير رأئيه
-ماشي ،،،،،، اني جنت احب واحد اسمه علي ،،، جان هو كل شي بالنسبه الي ،،، حبيته 3سنوات هو الي خلاني ادخل كليه الصيدله ،، جان حلمه يشوفني صيدلانيه ،،، ومن يوم الي عرفته وقوت علاقتي بي كمت مااكدر اخذ اي قرار يخص حياتي اذا مااسأله ،،، والشي الي يكولي عليه اسوي ودائما تطلع قراراته صحيحه وبمكانهة ،،،، والمكان الي جنت تشوفني بي بالمطعم ،،،،هذا مرة بعيد ميلادي حجز المطعم بس النه واختار هذا المكان لان يعرفني احب الهدوء ،،،،،
-اي
-اي وبيوم من الايام جنت بالمحاضره وجان هو يتصل عليه ،،، ومن خلصت المحاضره طلعت واتصلت عليه ،،،طلعلي اخوه وكالي ،،،،، كالي علي اتصاوب بلانفجار وهسة هو حالته خطره وينتظرج يريد يشوفج ،،،،رحت عليه وشفته كدرت احاجي بس شويه ،،،،،واخر شي كالي سامحيني ياعمري ،،،،، وبعدهة فقدت علي ،،،، علي مات ،،،،،، وبعد ماتوفه علي صديقه صاحب المطعم ،، لان جان يعرف بحبه الي وشكد جان حريص عليه ،،، بقه هذا المكان بس الي وماخله اي واحد يكعد عليه ،،، كالي هذا اقل شي اكدر اقدمه لاخويه علي ،،،وهداني هذا المكان ،،،،،
-الله يرحمه ،،،وبعدين ،،،، قلتها وانا امالي تتحطم شيئا فشيئا فهي تحب شخصا اخر ،،،،
وبعدين صارت عندي كأبه صرت اشوف الحياه مالهة معنى من دون علي ،،، لان خسرته ،،، اني مو بس خسرت حبيب ،،، لا اني خسرت صديق واخ من راح علي ،،،،
-يعني هو هذا سبب كل تصرفاتج
-اي هذا الجزء الاكبر ،،، من بعد هذيج الحادثه ،،، ماكمت احجي ويه احد لا بالبيت ولا بالكليه ،،، وصرت اجي للوام بس حتى اخلص من حجي اهلي عليه ،،، والجماعه الله يحفظهم ،،، عبالهم اني عندي خلل بعقلي وطردوني ،،،
-لا هذوله معليج بيهم اني حالف انتقم منهم لو يبقى اخر يوم بعمري
-هه لاماكو داعي ،،، اصلا هو اني راح اروح
-شنو وين تروحين
-هذا السؤال يحتاج احجيلك على الجزء الثاني من القصه ،،، وهو راح يكون جواب على سؤالك وليش اني رفضتك ،،،،
-اي شنو
-اني قبل سنه صار عندي التهاب بالرحم ،،،،بالبدايه هملته ،،، وبعدين ساءت الاوضاع ،،، وعن طريق معارف بابا عرفنا دكتور رائد ،،،وهو جان المشرف على حالتي ،،،،بالبدايه قبلت ب العلاج ،،، بس بعد ماتوفى علي ،،، تركت كل شي الى ان وصلت لمرحله اي علاج مايفيد ،،،، فكالي الدكتور لازم اسوي عمليه واستئصل الرحم والا اذا بقى ،،، راح يصير عندي سرطان وبهيج حاله يكون الوضع اسوء ،،،،
-اي وسويتي العمليه
-لا
-ليش
-لان اني قبل لا يتوفى علي جان عندي امل بالعلاج ينتهي كل شي ،، لان اني كلش احب الاطفال ومااريد انحرم منهم ،،، فضليت اكابر الى ان وصلت لهاي المرحله ،،،
يعني اني جنت طالبه الموت الرحيم وجنت مصره على قراري اني جنت اريد ابقى هيج حتى يزداد المرض اكثر واروح يم علي ،،،
-وبعدج على نفس قرارج ،،،
-صراحه اني جنت باقيه على نفس قراري ،،، الى ان اجه اليوم الي زرت بي الامام ،،، هناك دعيت من كل كلبي بان ربي يدليني على الطريق الصحيح ،،،،،وفعلا من طلعت لكيت امك ،،،، حجتلي هواي على الاهل وبلاخص على الام شلون تتاذى بأذيه اولادهة ،،،،،
من رجعت للبيت قررت اغير قراري ،، واعيش علمود اهلي ،،، وبالفعل من قررت هذا الشي ورجعت احجي واضحك ،،،، حسيتهم جانو طايرين من الفرح ،،،، حسيت ان الحياه رجعت للبيت ،،،
-هذا احسن قرار اتخذتيه ،،، لان سعادتج راح تلكيهة بسعاده اهلج ،،، هم يستحقون كل شي بهاي الدنيا
-ايي بس مع الاسف مااستمرت هاي السعاده ،،،،،
-ليش
-لان بعد ماداومت شفت شنو الصار بنفسك ،،،
-ورجعتي مثل قبل مو
-ايي
-بس انتي ميصير تبقين بهذا المكان لازم توكفين على رجليج مره ثانيه وتواجهين كل الناس
-لا مااريد يصير بيهم مثل علي
-ليش شنو دخله بيهم
-علي بسببي مات
-ليش
-اني جنت موصيته على كتب من المتنبي ،،،وهو علمود يجيبهن الي راح للمتنبي وصار الي صار ،،،، ومن ذاك الوقت واخوانه كلهم يلوموني على الصارله ،،،،
-بس انتي مالج دخل هذا قضاء وقدر
-لا اني السبب ،،، تدري اني مازايره قبره ولامره
-صدك والله
-اي والله ،،، لان باول شهرين جنت بحاله صدمه وماجنت واعيه على شي ،،،، وبعدين ضليت خايفه ومالي جرأه اروح اشوف قبره لان ادري مااكدر اتحمل وانهار مره ثانيه ،،،،،
-لا ريتاج لازم تصيرين قويه ،،،،،
-مالكيت شي يخليني اصير قويه علموده ،،،،كل شي راح ،،،،علي ،، وحلمي بالصيدله هم راح ،،، والاطفال الي اكثر شي احبهم بهاي الدنيا هم انحرمت منهم ،،،،،
-لا كل شي يتصلح ،،، انتي بس قوي نفسج ،،، والباقي عوفيه عليه ،،،،،
-لا جهاد ماكو شي بعد الي هنا ،،،،
-شنو شتقصدين
-اقصد اني راح اطلع من بغداد ،،،
-ليش و وين
-اني هذا الي خابرتك علموده ،،،،، اني بعد يومين عمليتي اسويهة وبعد مااطيب باسبوعين تقريبا اسافر لاربيل ،،، اعيش هناك يم اخويه ،،،،
-لا ريتاج ليش تروحين
-مالكيت شي هنا بس الالم ،،، والذكريات هنا ماتتركني ،،، يعني صح اني كدرت اتغلب على فقدان علي وبعد فتره طويله من التعب والالم كدرت اتجاوز هاي المرحله ،،،، بس رجعت فقدت حلمي ،،، الشي الوحيد الي جنت عايشه علموده راح مني ،،،،وسمعتي بالكليه هم راحت ،،،، بعد ماكو شي يخليني ابقه ،،،،
-ريتاج مثل ماتغلبتي على موت علي ،،، تكدرين تتغلبين على كل هاي الصعوبات ،،،،
لازم تعتمدين على نفسج ياعمري ،،،،،،
