جهاد#
بعد ان ذهب احمد بدانا بالمشي سويا كنت انظر اليها وشعرها يتطاير من حين لاخرى لقد كان منظرها جميل جدا كان منظرها رقيق وناعم رغبت بلمس وجنتيها لانها كانت ورديه وناعمه ،،،كنت انظر اليها فقالت :
-انت شكد تحبني ؟؟ قالتها وهي تنظر لي واشعه الشمس على وجهها ،،فوقفت امامها لاني اطول منها حجبت عنها اشعت الشمس وقلت وانا انظر بعينها :
-احبك جدا
واعرف ان الطريق الى المستحيل طويل
واعرف انك ست النساء ..وليس لدي بديل
واعرف ان زمان الحنين انتهى ...ومات الكلام الجميل
لست النساء ..ماذا نقول
احبك جدا ..احبك جدا واعرف اني اعيش بمنفى
وانتي بمنفى ..
واعرف ان لعينيك وهم
واعرف ان الوصول اليك انتحار ويسعدني ان اغرق بعينيك
لاجلك ايتها الغاليه ،،ولو خيروني
لكررت حبك للمرة الثانيه ،،
يامن غزلت قميصك من اوراق الشجر
ايا من حميتك بالصبر من قطرات المطر ،،،
احبك جدا
واعرف اني اسافر في بحر عينيك دون يقين واترك عقلي ورائي واركض
اركض خلف جنوني
ايا امراه تمسك القلب بين يديها سألتك بالله لاتتركيني ،،،،
فماذا اكون انا اذا لم تكوني
احبك جدا وجدا وجدا
-جهاد اسفه ،،، قالتها وبدأت تبكي
-حياتي ليش هاي الدموع ،،قلتها وانا امسح دموعها
-اسفه اني عفتك واذيتك هواي
-خلاص حبيبي كافي ولايهمج اصلا ماصار شي حتى تتاسفين عليه ،،،المهم انتي رجعتيلي وهذا يكفيني
-جهاد
-ها عمري
-احبك ،،،، عندما قالتها شعرت برغبه شديده بعناقها ولكننا كنا وسط الناس فوقفت بنفاذ صبر وقلت لها
-واني اعشقج بس بعد مااتحمل
-شنو ،،قالتها وهي تمسح دموعها
-كافي اريد احضنج صارلي من الصبح انتظر
-ههههههه هذا كل همك ،،،يالهي كم هي جميله ضحكتها مع دموعها تزيدها جمالا
-هههه تضحكين عليه بسيطه اني اعلمج ،،،،قمت بسحب يدها وادخلتها لغرفه لم اعرف ماهي بوقتها ولكني اكتشفت لاحقا انها مخزن لادوات قديمه
-جهاد ....لم ادعها تكمل كلامها وقمت بعناقها بقوة فبادلتني هي العناق ايضا فقلت لها ،،،
-انتي الهوة الي اتنفسه مااكدر بدونج خليج وياي
-دائما وللابد وياك ،،،،بقيت اتنفس عطرها وهي واضعه راسها على صدري ،،الى ان قالت :
-حبيبي
-عيون حبيبج كولي
-اريدك تعوف الشغل وترجع لدراستك
-حاضر ياعمري تدللين بس انتي هم ترجعين لدراستج ماشي
-ماشي حبيبي
بعدها خرجنا قمت بتوديعها صعد كلا منا بسيارته وعدنا للبيت عندما وصلت بعثت لي برساله قالت ،،،
(نسيت اكلك اللون الاخضر يجنن عليك)
ابتسمت عندما قرات رسالتها فاتصلت بها اجابت ،،
-حبيبي
-اشتاقيتلج
-بهالسرعه
-اي ليش ميصير
-لا بس متوقعت
-لاحياتي توقعي ،،بهذه اللحظه دخلت عليه امي وقالت
-احم منو هاي ،،فقلت
-منو ؟؟
-ال( حياتي ) الي تحجي وياهة
-هاا هيج عادي بعدين افهمج ،،،اخرجتها من الغرفه وتابعت حديثي معها لم اخبرها بان امي اتت وضعت المكالمه في وضع الكتم ،،بعدها ذهبت لامي وقلت لها ،،،
-يمه
-هاا
-اكو وحده تحبني
-اي وانته شنو
-اني هم احبهة ،،قلتها وانا امثل دور البريء
-واريدهة بس خاف انتي ماتقبلين
-هههه انت خايف اني مااقبل لعد اكيد بيهة شي
-اي مو هية متزوجه وعدهة 3جهال ،،
-صخااام وتحبهة شعندك وياهة ولك شو طالعه عينك
-يمه يعني شسوي حبيتهة بعد
-ولك يااثول متشوفهة متزوجه شعندك لاحكهة
-مو اني لحكتهة هي تلحكني وكالت راح تعوف زوجهة علمودي شوفي يعني هية شكد تحبني
-اي بله شلون تريد تعوف زوجهة
-راح تشرد وياي
-يبو يبو يبو تاليتهة ابني يشرد ويه بنات العالم
-يمه شبيج لاتضخمين الامور ترا عادي يعني
-ولك شنو عادي جايبلي وحده مدري منين وتكلي احبهة ،،،،قالتها بنبره استهزاء
-لعد منو اجيبلج شو كلهن متحبيهن متكليلي منين الكالج وحده تعجبج
-جيبلي وحده مثقفه بنت عالم وحلوة ومؤدبه مو مثل هذني بنات الشوارع الي لاحكهن
-معليه اني قررت لو هية لو مااتزوج
-ولي لك جايني يدور زواج امشي روح منا يله روح ،،
-هههههه بس ترا اتزوجهة اتزوجهة ،،،قلتها وانا اهم بالصعود لغرفتي وتركتها تصرخ ورائي ،،،، احببت ان امازحها قليلا واجعلها تتفاجئ لاحقا
