All I Ever Wanted

• 36 •

Comments, dears. xx

#

Hindi nagtagal nang papuntahin na rin ni Brian ang girlfriend niyang si Jordane sa lugar namin. Doon pa lang namin nalaman na hindi pala ito nag-iisa dahil kasama niya sina Kelsey at Merlin. Agad na kinastigo ni Brian ang girlfriend niya, tinanong kung anong ginagawa doon.

Jordane just answered they were having an all girls hang-out, too. At wala siyang clue na nandoon din ang mga boys. 

But the way she looked as she said that told a different thing. Halatang pinagtatakpan niya ang totoong dahilan. Pero, alam ko naman na alam na ni Brian yun at maging ng ibang boys.

Kaya naman nagbiro pa si Raz na wala daw talagang tiwala si Jordane kay Brian kaya sinundan hanggang dito sa amusement park. At doon naman nagsimula ang munting pagtatalo ng dalawang magkasintahan. But it was immediately resolved at nagkaroon pa ng mini public display of affection.

Pagkatapos noon ay sumakay na kami ng mga rides. At hindi nagtagal nang magkahiwa-hiwalay kami hanggang sa mahati kami sa dalawang grupo. Nagkahiwalay din ang mga girls at boys. Kaya't sina Jordane na ang kasama ko ngayon na kanina pa ako hina-hot seat sa ugnayan namin ni Kale.

"Kayo na ba, Maika?" si Merlin ang nagtanong pagkatapos ay kumurot ito sa cotton candy na hawak ni Kelsey.

Umiling ako. "Hindi, magkaibigan lang talaga kami."

Sabay-sabay silang napailing na tatlo. Si Jordane naman ang nagsalita, "Friends? Bakit ayaw kong maniwala dyan? We saw you two were holding hands. Gawain ba yun ng magkaibigan? I don't think so."

I pouted. Bakit ba ayaw nilang maniwala? That was the truth. 

Okay, medyo nag-improve na yung friendship namin ni Kale because of what happened couple of nights ago at his rooftop. Pero, bottomline, friends pa rin kami.

"Kale is just like that, touchy," paliwanag ko sa kanila.

"Pero kahit na, you still let him hold you," pilit ni Merlin.

Napahinga na lang ako nang malalim. Ang hirap kausapin ng tatlong 'to. "We're really friends, I swear. It's really up to you if you don't want to believe that."

Bigla namang natawa si Jordane sa reaksyon ko tapos lumapit siya at inakbayan ako. "Sorry. We're just teasing you, Maika. Ang cute mo kasi kapag naaasar ka e."

I raised my eyebrows at that? Seriously, pinagti-tripan lang nila ako? Hay. Bakit ba halos lahat na lang ata ng tao ay nangti-trip sa akin ngayon? 

Sa sinabi ni Jordane, naalala ko tuloy yung sinabi ni Kale. Sinabi niya rin na ang cute ko raw kapag naaasar. I felt my cheeks heat up. Yeah. I just thought of Kale, again. Malala na talaga 'to.

"But if you and Kale will be together, we will be happy," saad ni Kelsey. "Kale is really different now, Maika. And we know, malaki ang naging papel mo doon."

"Yes. Kelsey's right," segunda ni Merlin. "Ang laki na nga ng pinagbago ni Kale. Pinapansin niya na kami ngayon."

Tumawa naman ang dalawa. Hindi ko na rin napigilan at napatawa na rin.

Sumakay pa kami ng mga iba pang rides. Huminto na lang kami nang nakatanggap ng text si Jordane mula kay Brian-tinatanong kung nasaan na kami. Nagkita naman kami sa isang diner sa loob ng park. Nakapagsunduan ng lahat na magmerienda muna bago ulit mag-ikot.

Kanya-kanya na kaming umupo sa mga upuang nakapalibot sa isang mahabang table. Tatabi dapat sa akin si Merlin pero nakita kong natigilan siya. At nang tumingala ako ay nakita kong nakatingin siya kay Kale. May parang sinenyas yung huli sa kanya at nakita ko na lang na napasimagot si Merlin saka siya umalis at lumipat sa tabi ni Kelsey sa kabilang side ng table. That was when Kale walked over to me and occupied the seat that was supposed to be for Merlin.