Celine✔️

Kabanata 10

C-10

NAPANGANGANG nakatingin na lamang sa fer sa likod ng kaniyang kapatid habang papalayo ito sa kaniya. Ngunit hindi niya mapigilan ang hindi mapangiti dahil sa nadiskubre. Sino ba naman kasi ang hindi matutuwa dahil lang sa nalaman niyang may epekto sa kaniyang kapatid ang presensiya ng dalaga?

Lumingon siya sa kaniyang gawig kanan at doon naman niya nakita ang dalaga. Pinagmasdan niya ito sa pagbaba sa hagdan habang nakakunot ang noo nito sa kaniya.

"Oh? Bakit nakakunot ang noo mo?" baling niya sa dalaga.

"N-narinig ko kasi na parang mayroong nagsasagutan rito sa ibaba kaya dali-dali akong napababa" sagot nito sa kaniya. Hinawakan niya ito sa magkabilang balikat at matamang tinignan sa kaniyang mga mata.

"Huwag ka nang mag-alala. Wala namang ibang nangyari eh. Usapang magkapatid lang iyon" pagsisigurado niya rito.

Napahinga naman ng maluwag ang dalaga sa kaniyang narinig. Natatakot kasi siya sa tuwing nakakarinig siya ng mga bangayan ng kahit sino. Iyon ang isa sa mga hindi niya mawari sa kaniyang sarili.

+++

SA pagsabay ng bilis ng pagkabog ng kaniyang puso sa kaniyang pagmamaneho ay hindi maatim ni Vhin kung saan siya paroroon ngayon. Gusto niyang manuntok ng kahit na sino ngayon. Nagtitimpi lamang kasi siya.

Hindi kasi niya maintindihan ang kaniyang sarili. Simula nang Makita niya kasi ang dalagang si seli ay naging ganito na ang kilos niya. Para bang hindi na siya ang dating vhin na may disiplina sa kaniyang sarili at kayang umunawa ng lahat ng mga bagay.

Isa pa iyon na pinoproblema niya. Ang dalaga mismo. Hindi niya alam kung anong meron kay seli dahilan kung bakit siya nagkakaganito ngayon. Litong-lito na siya at hindi na niya alam kung anong uunahin niyang problemahin.

Sa isang iglap ay naging mabilis ang mga pangyayari. Hindi na kasi niya makontrol bigla ang pagmamaneho niya sa kaniyang kotse. Bumaling ang tingin niya sa harapan at doon nanlaki ang kaniyang mga mata ng Makita ang isang truck na padaan sa harapan niya.

Inapakan niya ang preno ngunit mas lalo siyang kinabahan ng hindi iyon gumana, napakabilis kasi ng pag-aandar niya. Nanginginig sa takot ang kaniyang katawan pati na ang kaniyang isipan at hindi na niya alam pa ang gagawin.

Muli siyang tumingin sa kaniyang harapan at napapikit na lamang siya ng maramdaman doon na bumunggo ang sasakyan niya sa kaharap na truck. Ramdam na ramdam niya ang hapdi at sakit dulot ng nabasag na salamin sa kaniyang windshield.

Pilit niyang iminulat ang kaniyang mata subalit hindi niya iyon magawa. Sinubukan niyang iangat ang kaniyang kamay ngunit mas lalo lamang lumalala ang sakit na naramdaman niya roon. Unti-unti nang bumabagsak ang kaniyang mga mata, at nais niyang magsalita at humingi ng tulong subalit wala siyang naging lakas para gawin iyon.

Doon na lamang niya narinig ang pag alingaw-lingaw ng isang ambulansiya na sa tingin niya'y papalapit sa kaniya.

+++

WALA sa sariling napatayo si seli ng marinig ang malakas na pagsigaw ni Fer. Hanggang ngayon ay nasa sala parin kasi sila at iniisip kung ano ang maaaring ginagawa at kung nasan ngayon ang kapatid ng binata.

Nanlalaki ang mata ni fer habang hawak ang telepono na siyang katabi lamang ng sofa. Kumunot ang kaniyang noo dahil hindi niya alam ang mga nangyayari. Bigla kasing may tumawag sa kanila at dali-dali iyong sinagot ni fer.