Invisible Girl (Chat MD Series #1) (Published under Flutter Fic)

Day 51.3

SAT AT 10:46 AM

Helga : Nakausap na namin yung kakilala ni Kuya na hacker.

Helga : Hindi raw madaling mag-hack ng facebook account kasi magaling daw ang security ni facebook.

Helga : Nag-try akong ipaliwanag yung nangyari sa mobile phone mo pero di ko ma-elaborate ng bongga kasi baka makahalata si Kuya.

Helga : Pano na yan?

Jenessy : Nag-message ako sa account ni En. Send ko sayo screenshot.

Jenessy : [screenshot]

Helga : Buwisit siya!!! Ginagaya niya yung emojis mo!!!

Helga : Ang kapal ng mukha niya!

Helga : Grabe! Nakakagigil siya! Malaman ko lang kung sino yan, ida-dissect ko talaga siya!!!

Helga : BUWISIT!!!

Jenessy : Hindi ko na alam gagawin ko.

Jenessy : Baka paglaruan niya si Marcus.

Helga : May alam akong pwede mong gawin pero ewan ko kung kaya mo.

Jenessy : Baka pareho tayo ng naiisip.

Helga : O? Sige, ano?

Jenessy : Kailangan ko nang magpakilala kay Marcus. Kaysa paglaruan siya nung kumuha ng account ko.

Jenessy : Sigurado akong nasa Laguna pa yun ngayon. Anuman i-message nung impostor ni En, hindi niya pa mababasa.

Jenessy : Uunahan ko na.

Helga : Oo. Nasa Laguna sila. Umalis sila ni Ash kaninang 7am.

Jenessy : Buti naman. May time pa ko.

Jenessy : Kasalanan ko naman din kasi. In the first place, dapat naging honest ako sa kung sino ako. Kahit gano ka-awkward.

Jenessy : Naiiyak ako kasi...

Jenessy : Pakiramdam ko, sobrang vulnerable lang pala nung connection namin.

Jenessy : Kapag nawala yung account ni En, mati-threaten ako.

Jenessy : Kapag may nagkunwaring si En, pwedeng hindi na ko makilala ni Marcus.

Helga : Ang nega mo na naman a! Malay naman natin...

Helga : Siguradong magkaiba kayo nung impostor. Madadama naman siguro ni MM yun pag magka-chat sila.

Jenessy : E pano kung hindi?

Jenessy : Pano kung madali lang pala kong gayahin?

Jenessy : Ganun ba ka-special yung mga emoji ko? Keyboard lang yun na downloadable e. Special ba yung way ng pagta-type ko? Mahirap ba gayahin?

Jenessy : Hindi naman e.

Jenessy : Naiiyak ako kasi... parang ang babaw pala talaga ng connection namin.

Jenessy : Kahit na... ano pa ang nangyari.

Helga : Hays.

Helga : Pumunta ka rito after lunch at dito tayo umiyak.

Helga : Para hindi ka nega. Nang mag-isa.

Jenessy : Sige.

Helga : Wag ka nang umiyak diyan. Naiiyak na rin ako.

Jenessy : Kasi... natatakot talaga ko.

Jenessy : Pano kung di niya pa rin pala maramdaman kung sino ako?

Jenessy : Mahal ko si Marcus e.

Jenessy : Mahal ko na talaga siya, e.

Jenessy : Kaya mas nakakatakot.

Helga : Tahan na, Jenessy.

Helga : Tutulungan kitang maghanda para magpakilala, okay?

Helga : Dito ka na magdrama mamaya.

Jenessy : Sorry...