EPILOGUE
--Zico’s Pov--
Binuksan ko ‘yung pinto ng kwarto ni Athena, lumapit ako sa higaan niya at pinagmasdan siya habang mahimbing na natutulog. Ang tahimik, ang inosente, ang ganda… sayang nga lang at kailangan ko siyang… iwanan.
Napabuntong hininga ako habang pinagmamasdan siya.
“Get well soon, Athena.”
Hinalikan ko ang noo niya at pinagmasdan siyang muli. Tingin ko ay kailangan kong kabisaduhin ang lahat ng detalye ng mukha niya para hindi ko siya makalimutan habang malayo ako sa kanya. Pero paano nga kaya ako makakalayo sa isang katulad niya? Sa isang Athena Ericka Artemis? Sa babaeng mahal ko?
Paano nga kaya ako aalis sa tabi mo kung hawak mo ang puso ko?
“May mga kailangan lang akong tapusin. Pagkatapos ‘nun, hinding-hindi na ako aalis sa tabi mo. Promise.” Bulong ko muli sa kanya.
Hindi ko maigalaw ang mga paa ko. Ayoko siyang iwanan. Ayokong lumayo sa kanya. Pero ano pa nga bang magagawa ko? Kailangan kong tumupad sa pangako. Sa kasunduan. Babalikan ko naman siya. Sandaling-sandali lang akong mawawala… sana mahintay niya ako.
“I love you, Nana. Always and forever.”
Naglakad na ako papalayo sa kama niya papunta sa pinto. Ibinaling ko muli ang tingin ko sa kanya atyaka ako lumabas ng pinto.
Sandaling-sandali lang… babalikan ko rin siya…
===========================
2 effin’ months later…
--Ericka’s Pov--
*DING DONG!*
Dali-dali akong tumayo mula sa sofa na inuupuan ko at binuksan ang pinto. Shet sana siya na talaga ‘to!
Pagbukas ko ng pinto…
“Pizza delivery po!”
Punyeta.
Agad akong napasimangot at ibinigay run sa delivery boy ‘yung bayad at kinuha ‘yung pizza na dala niya. Bumalik ako run sa sofa na lukot-lukot ang mukha at nilapag dun sa mesa ‘yung pizza. Hmpf!
BINABASA MO ANG
The Break Up Planner (Published Under Pop Fiction)
Teen Fiction"Break na 'yan sa Sabado!"
