Ultimate Barkada Series-Series#4-Ultimate Crush(Jhun and Rox)

Chapter 2

Chapter 2

Jhun’s Pov

"Pare George, kumusta school?" tanong ko sa kanila.  

Napatingin sila sa akin, seryoso ang mga mukha. Ano na naman problema ng mga 'to?  

"Gago ka, limang araw ka nang hindi pumapasok! Hanep ka rin, ah! Ang lakas mo!"  

"Gago, nakakainis nga. Hindi pa ako tapos sa requirements ko. Ang hirap pala mag-transfer! Pero bukas, papasok na rin ako. Ang daya niyo, akala ko ba sabay-sabay tayo papasok?"  

Tinawanan lang nila ako.  

"Gago!" sabay hampas sa akin ng unan ni Emz.  

"Gago mo, gusto mo mapagalitan kami ng teacher natin? Sobrang strict ng prof namin! Idadamay mo pa kami sa kalokohan mo. Magbago ka na kasi, gago ka!"  

Hinagis ko rin pabalik sa kanya ang unan. Gago, nakakabadtrip naman 'tong si Emz!  

"Nagsalita 'yong magaling na ‘good boy’ na 'to. Bukas, papasok na ako," sabi ko sa kanila. 'Yong tingin nila sa akin—hindi ko alam kung natatawa sila o hindi. Akala nila ipapahamak ko sila. Siraulo ako pero seryoso naman sa pag-aaral. Sino ba naman ang ayaw makagraduate?  

"Pasosyal pa kasi, dito rin pala," sabay tawa nang malakas ni George.  

"Mabuhay ang gago nating kaibigan!" sabay hampas ko sa kanya. Kanina pa 'to, tatamaan na talaga sa akin. Ako na lang lagi ang nakikita nila.  

"Eto, beer, Jhun. Inom ka na lang," sabay abot ni Emz sa akin.  

"Good boy 'to, mga tol," sabi ni Emz. Gago talaga mga 'to—ako pa napagtripan! Pinagtatawanan pa ako.  

"Gago, magseryoso ka na kasi! Tingnan mo kami ni Emz, ‘good boy’ na," sabi ni George.  

Napatingin ako sa kanya. ‘Good boy’? Lakas makapagsabi, eh! Sa barkada namin, sila ang pinakapasaway! Palibhasa, bunso sa grupo. Ewan ko ba kung bakit naging kaklase pa namin ang dalawang 'to.  

"Mukha niyo, ‘good boy’ kayo! Pero tama kayo, mga tol. Nahihiya na rin ako sa parents ko."  

"Gago, ikaw ba 'yan, Jhun?"  

Lumapit si George sa akin at nakaakbay pa habang tawang-tawa. Naiinis na ako sa kanila. Wala bang matinong kausap ngayon?  

"Uy, George, nag-meet na ba kayo ng textmate mo?" sigaw ni Ray.  

Napalingon kami. Sa wakas, andito na rin sila! Malapit ko nang masapak 'tong dalawa.  

"Gago ka, Ray! Hindi pa nga, eh!"  

Umupo nang maayos ang loko. Muntik pa ako mahulog kasi umusog siya.  

"Nagtataka lang ako, kilala na raw niya ako," sabi ni George.  

Napalapit si Emz sa kanya. Tsismoso talaga 'tong isang 'to. Mukhang nakafocus na ang usapan kay George. May silbi rin pala ang paglapit ni Ray sa amin!  

Tumayo na lang ako. Wala akong mapapala sa mga katabi ko.  

"Ibig sabihin, nabuko ka na, George!" sabay tawa ni Emz.  

Natawa ako palihim. Nasa kanya ngayon ang atensyon ng lahat.  

"Paano 'yan, pare George? Textmate pa rin kayo?"  

Napatingin ako sa mukha ni George. Seryoso siyang nakatingin kay Emz. Loko kasi 'tong si Emz—pinagtatawanan pa siya. Lakas din kasing mang-alaska, eh!  

"Gago, oo naman, Emz. Katext ko pa rin... parang seryoso na ako sa kanya."  

Nabilaukan ako sa kinakain kong hotdog. Gago, seryoso siya?!  

'Yong mga mukha ng mga kaibigan ko—pigil na pigil sa katatawa, habang si Emz, hindi na napigilan. Napatayo pa sa kakatawa!  

"Dahil sa textmate, tinamaan ang gago," sabay-sabay nilang sabi.

Napapailing na lang ako. Nainlove kahit hindi pa niya nakikilala. Paano kung matanda na 'yong katextmate niya? Ang dami kayang nagsisinungaling. Kahit sino puwedeng magpanggap, lalo na't textmate lang.

"Gago niyo!" sigaw ni George sa'min. Tumawa na lang ako.

"Di ba, George, Computer Engineering kinuha mo?" biglang tanong ni John.

Napatingin ako sa kanya. Eto na naman 'tong isa, may bago na namang topic.

"Oo," sagot ni George.

"Classmate mo pala si Tin."

"Tanga! Malamang! Since high school pa, magkaklase na kami. Anong isyu? 'Wag mo sabihin nagseselos ka sa'min ni Emz," sabay tawa ni Emz sa sinabi ni George. 'Yong mukha ni John, biglang sumimangot.

"Si Tin?" inulit ko.

Nakita ko lang siya isang beses noong hinila ako ni Kevz. Gago rin kasi 'yon, gago, ang lakas ng pagkakasapak sa'kin—kaibigan nila! Ito namang si John, hindi na pinakawalan si Tin. Inlove ang gago.

"Bakit, wala ka bang tiwala kay Tin? 'Wag kang mag-alala, ako magbabantay sa kanya," sabi ko, nakangisi.

"Wag na, baka asarin mo lang 'yon. Ando'n naman si Roxanne at Kevz," sagot ni John.

"Tama ka, John. Aasarin lang niya 'yan, tapos siraan ka pa," dagdag ni Emz.

"Gago ka, Emz! Anong akala mo sa'kin? Good boy kaya 'to!"

Tinawanan lang namin ni George si Emz.

"Papasok ka na bukas?" tanong ni John, sabay tapik sa balikat ko.

Tumango na lang ako.

"Bakit hindi mo kasama si Mike?" tanong ko sa kanya.

"Aba, malay ko kay Mike. Si Ray tanungin mo. Kagagaling ko lang sa work, dito na ako dumiretso," sagot niya. Nag-explain pa ang gago.

Si Mike na lang kulang sa'min. Simula nang nagkaayos sila ni Cherry, kulang na lang hindi na magpakita sa'min! Lagi na lang silang magkasama—susunduin niya galing work, may date dito, date do'n. Ewan ko ba rito sa mga kaibigan ko, iba 'pag mainlove.

Si Rod at Kc? Aba, malupet! Hanggang ngayon sila pa rin—tibay din ng relasyon nila.

Si Ray naman, gago, oras-oras kausap si Sarah sa phone.

Si John? Naku, hanggang ngayon hindi pa rin nagbabago kahit mag-asawa na sila ni Tin. Lakas din kasi mang-asar ng isang 'to.

Kami na lang nina Emz at George ang single. Makahanap na nga rin ng love life!

"Busy si Mike, alam mo naman 'yon. Lumalove life ang gago!"

Napalingon ako sa lakas ng boses ni John.

"Ayon naman pala, kasama mahal niya. Ikaw, kailan ka magkaka-love life?" sabay tingin sa'kin ni Emz. Ang lakas makapagsabi, eh single rin naman siya!

"Wow, ah! Ang lakas mong magtanong! Bakit, may love life ka ba?" balik ko sa kanya.

"Oo nga, Jhun! Ang tagal mo nang walang love life," seryosong tanong ni Ray.

Gago, bakit sa'kin napunta 'yong usapan? Panira rin kasi 'tong si Emz, eh! Tapos na, bumalik pa sa'kin.

"Hindi ko pa iniisip 'yan sa ngayon," sagot ko.

"'Wag kami, Jhun!" sabay tawa ni Emz.

Tumayo na lang ako at tinalikuran sila. Walang mapapala kung mananatili pa ako rito. Kilala ko ang mga 'to—hindi nila ako titigilan kapag hindi ako nag-exit agad.

"Saan ka pupunta?"

Napahilamos na lang ako sa mukha ko. Gago, wala na bang katapusan 'tong tanong?

Hinarap ko si George.

"Uuwi na ako. Alam niyo naman, malilintikan na naman ako sa parents ko. Sige, iiwan ko na kayo. Nagpapagood boy lang," sabi ko bago umalis.