لــســة اجــمــل يــوم مجــاش ▬♫ ♫

الحلقه 3

الحلقه الثالثه

طلعو البنات واترصو عالباب جمبها زى القطط ورا بعض وقعدو يضحكو...مع ان مكنش ف حاجة تضحك
مى: ممممممممم والمطلوب يعنى
وسام: مطلوب ايه مانا قلتلك
مى: ههههههههههههههههههههههههههه طب يلا روح عشان تنام بدرى للحصة الاولى تفوتك
وسام :فاكرة نفسك دمك خفيف ولا حاجة ؟! دى قلة ذوق انك تردى بالشكل ده وانا بتكلم باحترام معاكى وبقولك لو سمحتى وطى الصوت شوية
مى: وهى مش قلة ذوق منك يا عديم الاحساس انك تخبط فالوقت ده
البنات: (بيتهمسو لبعض) ياجمالو هههههههه
وسام:(بيبص ناحية البنات وبيستغرب تصرفاتهم) ف امريكا لما حد من النيبورز يعلى الصوت او يحصل ازعاج بيطلبو البوليس
مى: احب اقولك ان طيارة حضرتك جت القاهرة خلاص ...ههههه حمدلله عالسلامة وعن اذنك عشان عايزة اقفل
وسام: لو فضلتى عالوضع ده مش بتراعى جرانك ..انا هشتكى لاتحاد الملاك وممكن الموضوع ياخد شكل انا مش حابه ، خصوصآ انك آنسه وقاعدة لوحدك
مى: لا يا بابا بنت بس بميت راجل اوعى تفتكرنى بنت ومكسورة والحركات دى انسى
وسام بصلها بصة من فوق لتحت باشمئزاز ودخل شقته وقفل الباب فوشها وهى لسه فاتحة!!
اما موقف!!
وسام دخل جوة كانت مامته سمعت الحوار كله وقاعده عالكرسى فالصالة مستنياه ..
الام: واضح انها بنت قليلة الادب يابنى
وسام: ع نفسها يعنى هتخوفنا ...دى حتة بت لا راحت ولا جت طب والله لو كررت الحركة دى لاشتكى لاتحاد المُلاك يمشوها من هنا
باباه طلع عالصوت ...
الاب: بلاش مشاكل يابنى ...سيبنى اتدخل مهما كانت بنت وقاعدة لوحدها
وسام سمع كلام باباه ودخل اوضته متغاظ من مى ..هو ف بنت تتكلم بالبجاحة دى مع شاب ... عجبت لك يا زمن!!
اما جوه بقى عند مى ....
امنية: العب يا سمك!! الواد لمبة منورة ايه ده ؟ شوفتى خدوده الحمرا هو ده الواد اللى قولنالك عليه يا مى بتاع الاسانسير
غادة: ولا عنيه ولا بوقه اللى اد النمنمة ومناخيره اللى مش موجودة، الواد مقطقط قطقطة مش ع بنات يا جدعاان اخرااااااااااااابى
مى:ولا حلو ولا حاجة ده شبه الانسان الالى !! طب وحياة قفلة الباب فوشى دى لاعلمه الادب ...هو فاكر ايه (بتستحلفله وهى متغاظه)
غادة و امنية سوا: اووووووووووووووووو مى حطته فدماغها مى حطته فدماغها هههههههههههههه
منة: ياجماعة حرام عليكم ماتسيبو الناس فحالها ...وبصراحة بقى انتى اللى غلطانة يامى انا هروح اوطى صوت الميوزك شويه
غادة: ف ايه يا بت؟ ايه السهوكة دى ...انتى حنيتى عشان الواد مز ولا ايه
منة: لا انا اصلا مش معاككم من البداية سواء كان مز ولا لاء ده ميخصنيش ...مز لنفسه ياستى
مى: منة !! متبوظيش السهرة بقى ...يعنى انا ولا واحد متعرفيهوش بيدايق صاحبتك
امنية: خلاص بقى يا جماعة هو الواد ده حسدنا ولا ايه ...احنا هنتخانق ، سيبكو من اللى حصل وتعالو نكمل نم تانى هههههههههه
غادة: يلاااااااااااا هههههههههههههههههه

منة مش شبههم اوى ع فكرة ...بس مالهاش صحاب تانيين فعايزة يبقالها صحاب وتبقى ضمن الشلة يعنى حتى لو هتعمل حاجة مخالفه عن مبادئها ...هما كلهم حوالين مى وبيسمعو كلام مى يبقى وهو كذلك بقى وخلاص

اما بقى الصبح ... وسام قام من نومة زى العادى .. حضر قهوته ولبس هدومه ...وبيظبط فنفسه لاحظ فشعره كام شعره بيضا !! مشى ايده عليهم بحزن وحس ان عمره بيجرى من غير م يعمل ولا حاجة .. مرضيش يدى الموضوع اكبر من حجمه ونسيه عشان يعرف يكمل يومه من غير ميقفل نفسه عالصبح ...
وهو فشغله زى كل يوم ....... وجه معاد البريك ...
منى راحت ناحيته هى وشريف ..
منى : يلا عشان نتغدى
وسام: لا اتغدو انتو ...انا هاكل كرواسون وخلاص او هاطلب بيتزا واكل هنا
شريف: ياعم قوم ياعم ...ايه ده هو انت حالف لتبقى النبتشى بتاع المكان بقيت عامل زى مسمار 10 راحو مطعم جمب الشغل ...كل فترة بيروحو ياكلو ف سوا هما التلاته
منى: مقولتلكش ...مش عملت اللى انت قلت عليه وسام: ايه؟
منى: شفت العريس واتكلمنا سوا وارتحتله خالص وقريب هتسمع اخبار حلوة
شريف: يارب كده اشوفك فالكوشه ياختى ونرتاح بقى من همك (بتضربه منى فكتفه)
وسام: ربنا يتمملك ع خير يارب ويثبت اقدامك
شريف: ويجعلهولك الاخير عشان هو مش الاول ههههههههههه
منى: ع فكرة انت رخم اوى ياشريف
شريف: شكرآ عارف هههههههههههه لازم يامنى يعنى بما انك بنت وبايرة ووحشة وشبه الشمبانزى وبتقولى هتتخطبى المرة ال 17 باين عايزانى اعمل ايه لازم اتنطط عليكى هههههه
منى: يا دمك (بغلاسه)
فون شريف بيرن ....
شريف: طب انا طالع ارد عالفون وراجع ...يكون الاكل نزل
وسام: مقتنعة بيه يا منى
منى: ايوة صليت استخارة ومرتاحة خالص
ووسام بيتكلم مع منى ...دخلت المطعم ,,,,,,,دنيا!! خطيبة وسام السابقة!!
دخلت وبصت ع كل الترابيزات وشافت وسام من بعيد وهو بيتكلم مع منى زميلته لوحدهم ع الترابيزة ..
هى طبعآ عارفاها من ايام الخطوبة ...بس سبحان الله ايه اللى جابها انهاردة ؟ هل هى صدفة و مش مقصودة ...
ولا مقصودة مين عارف؟!
شريف خلص الفون ورجع ووسام بيبص ناحيته وهو داخل لمح دنيا !!
ياااااااه بقاله سنة ماشفهاش من ساعة الانفصال !! وشها اتشحب ..وجمالها راح عايز يجرى عليها يقولها مالك ...ايه اللى خلى حالك بالشكل ده ، مهما كان ف عشرة سنة ودى فيوم من الايام كانت هتبقى مراته . بس لاء!! وسام شاب تقييل جدآآ ورزين ..
مقامش راحلها ولا عمل اى حركة ..بس قلبه شغال يدق ويقومه يروح ناحيتها يسألها على احوالها وعقله شغال يقعده ويفهمه انه مش من المفروض يقوم هى اللى سابته وهى اللى اختارت هيسأل عليها بمناسبة ايه بقى؟!
وما بين العقل والقلب هو ضااااااااااااااايع بياكل ويسرق نظرة ناحيتها ...وهى كمان قاعده ع ترابيزة لوحدها وبتاكل بصمت رهييب ... خلصو اكل وقايمين ... وسام عدى ع مكانها من غير م يبص لها وقفته هى ببصة ليه وقالتله : ازيك يا وسام!!!
وسام استغرب ووقف مكانه واتخشب ..
ازيك يا دنيا
دنيا: مش هاخد من وقتك غير دقايق ممكن ؟
وسام استأذن من صحابه ..وراح قعد معاها عالتربيزة ياترى ف ايييييييييييه؟؟!

#لسه_اجمل_يوم_مجاش
#نوراسماعيل