لــســة اجــمــل يــوم مجــاش ▬♫ ♫

الحلقه 2

الحلقه ٢

. وسام مهتمش ودخل زى كل يوم ومعاه كتاب يقرا فيه ومعاه مج الكابتشينو بتاعه البلكونة وقعد فجو جميل هادى بيقرا ومندمج .. فجأة كده

........ سمع صوت حاجة خبطت جامد عالارض واتكسرت ، عملت صوت مفزع قطعت تفكيره وانسجامه فقرايته للكتاب.

واضح كده ان الحاجة الى خبطت دى فبيت الساكنة الجديدة! هو احنا مقولناش مين الساكنة الجديدة؟! دى بقى "..مى.." بطلة القصة.. بنت بتاعت فسح وحفلات وهزار وضحك .. عمرها م خدت حاجة بجد ابدآ...طول حياتها كده ماشية زى م تيجى تيجى حواليها شلة اصحاب كبيرة من الجامعة وكملو مع بعض لحد م عملو مع بعض شركة صغيرة للكمبيوتر والحاسبات .. مى مركز للفت النظر فكل مكان . بنت ذوقها شيك فاللبس ومختلف وفنفس الوقت غريب، وده بسبب شخصيتها الى ممكن متلاقيهاش فكتير من البنات ، عنيدة ومحبة لنفسها جدآ وبتعتز بشخصيتها وليها اسلوب خاص فالحياه .. هى بنوتة امورة ومن عيله ميسورة الحال .. مى معندهاش غير اخت واحدة واسمها سهى ومتجوزة ..اما مامتها فتوفت من وهما صغيرين واتربت مع باباها الى مدلعها ومش بيرفضلها طلب خاااااااالص لحد م اتخرجت وباباها قرر بقى يعيش حياته هو كمان فاتجوز مى بنت مودرن ...ادت لباباها الحق فانه يتجوز ويبقاله حياة ، وهى كمان يبقالها حياة فقررت انها تاخد شقه قريبه من شغلها وتستقل بحياتها وتسيب باباها ع راحته مع مراته ..اصلها هى وباباها اصحاب جدآآآ ولان بابا مى معودها ع الحريه بس بحدود وافقها لانه بيثق فيها جدآ.. ^^^^^^^^^^^^^^^^^^^^^ بعد مرور 3 ايام ع وجود مى فالشقه الجديدة ..جاره وسام وسام فحاله طبعآ وهى فحالها ، بس هى ليها حاجات كده تضايق ..يعنى من ساعة م جت شغالة تخبط وترزع ومش عارفين كأنها بتهد الشقه !! وسام: هى البنت الى سكنت دى ياماما هتسكن لوحدها ولا ايه؟ الام: معرفش بس باين كده ..لان مافيش حد جه قعد معاها لحد دلوقتى وسام: بس باينلها بنت مرووشه كده الام: ليه؟ وسام: من ساعة م جت شغاله خبط ورزع ايه ده؟ الام: والله يابنى مانا عارفه هههههههههه يلا انت عشان تنزل متتأخرش ع اصحابك وسام: حاضر ياامى ، عايزانى اجيبلك حاجة من برة؟ الام: عايزة سلامتك...بقولك ايه؟ وسام: نعم الام: ابقى فرفش كده وشوف فالحفلة دى بتاعت صحبك بنت كده ولا كده يمكن تعجبك واحدة ونخطبهالك وسام: (اتنهد وهز راسه وباس ايدها) ربنا يسهل يا امى، نستودعك الله وسام طلع من الشقة ورايح يركب الاسانسير ..لقى 3 بنات طالعين م الاسانسير وشكلهم كده داخلين عند البنت الجديدة دى واول م شافوه ضحكو وقعدو يتغمزو لبعض ع انه شافهم واتخض ورجع لورا لحد م يعدو اصل مافيش ولد اليومين دول بالاخلاق دى ... ^^^^^^^^^^^^^^^^^^^^^^^^^^^^^^^^ اكيد بتسألو مين البنات دى ؟! دول يا جماعة ...غادة وامنية ومنة صحاب مى وشلتها.. بس غادة اقرب واحدة ليها تقريبآ من اول سنة فالكليه وهما سوا دول جايين يباركو لمى عالشقة ويقضو السهرة معاها ويباتو كمان بيرنو الجرس وفتحتلهم مى... مى: تعالو تعالو ...جبتو البيتزا غادة: جبنا كل حاجة منة: فرجينا عالشقة كده مى: ادخلو اتفرجو براحتكم البيت بيتكم طبعآ امنية: بس ايه الواد المسخره الى كان نازل من الشقه الى جمبك ده ههههههه مى: مين ده ...انا مشوفتش حد هنا ، من ساعة م جيت وانا شغاله فالشقه وجبت ست غلبانة تساعدنى كسرتلى نص الحاجات ، مافيش بس غير بنى ادم منشى كده قابلته اول م جيت غادة: هو نكته فعلا...تخيلى طالعين من الاسانسير وشه احمر لما شافنا مى: هههههههههههههههههه لالالالا شوقتونى اشوفه ..ده انا لازم اطفشه فعيشته انتو عارفين ان دى لعبتى ههههههه غادة اووووووووك يا معلمة منة: ماتسيبو الناس فحالهم مى: لالالالا دى مش عندى انا لازم يدخل موسوعة مى فالتطفيش والمقالب هههههههه منة: م خلاص بقى يا مى مش كفايه شباب المكتب ...انتى ولد ولا بنت مى: انا كنت هتولد ولد بس قلت اغير رائيي هههههه وبعدين ف ولد بالحلاوة دى (بتبص ناحية المرايه الى قدامها بطول الحيطة) امنية: مغرور حبيبى كتير هههههههههه كلهم: ههههههههههه ^^^^^^^^^^^^^^^^^^^^^^^^^^^^^^ نروح لوسام بقى... وسام قاعد فالحفلة بتاعت عيد ميلاد شريف ...(النصب طبعآ عشان كل شهرين يعمل حفلة ويعزم بنات وخلاص فضا بعيد عنكو) قاعد زى البطة البلدى بيشرب الحاجة الساقعة وبيضحك ع حركات شريف مع البنات وهزارهم وبيسمع للاغانى .. وبعدين لمح من بعيد بنت كده كانت صاحبة دنيا (الى كانت خطيبته) فجرى عليها زى الملهوف ... وسام: ازيك هويدا: اهلا وسام...ازيك اخبارك ايه..فينك مش باين وسام: فالدنيا ..انتى عاملة ايه هويدا: انا تمام ..وانت وسام: كويس الحمدلله ..أقولك ايه ياهويدا هويدا: نعم وسام: (بحنين فظييع) عامله ايه دنيا؟ هويدا:(ارتبكت ) هى كويسه وسام: اتخطبت اتجوزت؟ هويدا: لا خالص ...هى احتمال كمان تسافر ومترجعش هنا تانى وسام: تسافر فين(بخضه) هويدا: معرفش...بس هى قالتلى كده من فترة...يلا اسيبك بقى عشان بينادونى (بتهرب منه) وسام اتضايق لما عرف ان دنيا مش هتقعد تانى فمصر...هو صحيح مشفهاش من ساعة الفسخ.. بس بيتمنى انه يشوفها صدفه حتى...اصله اتعلق بيها اوى ..وصعب الانسان الى تتعلق بيه ...تنساه بسهوله ^^^^^^^^^^^^^^^^^^^^^^^^^^ ولما رجع بليل ... غير هدومه ودخل اودته ...قعد كده وسرح كالعادة ...حاسس انه يومه مجرد اعادة لامبارح مافيش جديد .. فتح الاب يقعد يشوف ايه الجديد فالدنيا عالانتر نت ...نادت عليه مامته .. وسام: ايوا ياماما انتى لسه صاحيه؟ الام: انا كنت نايمة يابنى ومش عارفه انام من الصبح.. وسام: ليه سلامتك ف ايه الام: البنت الى سكنت دى قلبه الدنيا مهرجان وزيطة وزمباليطة من الصبح وواضح ان عندها ناس وصوتهم عالى وصوت الاغانى لما جالى وش يابنى وسام: مش بقولك شكل ف مورستان سكن جمبنا ...انا هطلع اقولها الام: يابنى الساعة متأخرة دلوقت وسام: وانتى مترتاحيش يعنى ياماما ...ثوانى بس طلع وخبط عالباب ... طلعت بعد 5 دقايق من التخبيط ع بال م سمعت من الاغانى والهيصة الى عاملينها .. مى: نعم؟(بقرف) وسام: حضرتك الصوت عالى اوى ..ووالدتى مش عارفه تنام فياريت الصوت بس يهدى شويه طلعو البنات واترصو عالباب جمبها زى القطط ورا بعض وقعدو يضحكو...مع ان مكنش ف حاجة تضحك مى: ممممممممم والمطلوب يعنى وسام: مطلوب ايه مانا قلتلك مى: ههههههههههههههههههههههههههه طب يلا روح عشان تنام بدرى للحصة الاولى تفوتك ^^^^^^^^^^^^^^^^^^^^^^^^

#نوراسماعيل