لــســة اجــمــل يــوم مجــاش ▬♫ ♫

الحلقه 7

الحلقه ٧

دخل وسام لقى منى قاعدة مع مامته فالصالون ع جنب وبيتكلمو بصوت واااطى وشكل ف حاجة مدايقه منى .. وسام: ف ايه مالك يامنى ؟
منى: انا حاسة انى عملتلكو قلق يا طنط بس بجد انا محتاجاكى اوى
الام: يابنتى انتى بنتى واخت وسام يعنى ده بيتك وتيجى فاى وقت
وسام: م تقولى مالك وغوشتينا يا منى
منى : انا عرفت حاجة كده عن خطيبى ..مش مريحانى وسام:(باهتمام) ماله ؟!
منى : سمعت انه كان...(مرتبكة) متجوز قبلى !!
وسام: وهو مقلكيش؟
منى : لا ..ولا جاب سيرة لاخواتى حتى
الام: طيب هو ده الى قالقك يعنى ؟
منى : ايوة .. وحسيت من ساعتها انى مش مطمناله كده .. طب هو هيخبى ليه طالما فالحلال ؟ ليه مجابش سيرة خالص ليه نبتدى حياتنا عالكدب
وسام:(بعصبية بس مش قوى) قلت ايه م الاول انا.. اسالى ، صلى فكرى ولا حاجة بقولها بتتسمع يا منى
منى : والله فكرت وصليت واخواتى كمان قالولى انه كويس الام: يابنتى اخواتك ايه غير شوية ستات!! يعنى مش هيعرفوا يسألو كويس عنه
منى : ماهو جوز اختى الكبيرة سال برضو ...
وسام: خلاص يا امى اتخطبتله.. الخطوبة الزفت التالتة .. طيب هنعمل ايه دلوقت ياست منى ؟!
منى : معرفش ، مانا جيت عشان تشوفولى حل .. افسخ ولا اواجهه واسمع مبراراته ولا ايه
الام: لا متفسخيش ولا حاجة ، هو فرحك اتحدد؟
منى : ايوة اول الشهر الجاى
وسام : يعنى فاضل 20 يوم!!
منى : ايوة ... انا يدوب بجهز فحاجتى الاخيرة الام: لا يابنتى متفسخيش .. يمكن محبش يعرفك عشان ميدايقكيش .. اصل مش سبب تفسخى خطوبتك عشانه وسام: ازاى ياامى مش سبب ؟ يبتدى حياته معاها ع غش!! الام: ماهو يا وسام مش غش ولا حاجة (غمزتله بعينها من غير م منى تشوف) هو تلاقيه خاف ع مشاعرها .. وبعدين يامنى فرحك قرب خلاص مينفعش رجوع بقى منى : انتى شايفه كده يا طنط الام: اه ... ابقى واجهى بعدين وشوفى مبرراته .. لكن هتفسخى الناس هتتكلم عنك اكتر من الاول .. وهو مش هيعيبه حاجة .. وسوقك يوقف يابنتى منى : حاضر ياامى وسام قام من القعده ومش عاجبه الكلام نهاائى .. بس مينفعش يحرج امه .. ومنى اخدت قاعدتها ونزلت وصلها وسام لحد التاكس وطلع ... ^^^^^^^^^^^^^^^^^^^^ اما مى صحيت الصبح بدرى ع فون من زياد !! انهاردة اجازة المكتب وهما متفقين يروحو كلهم سوا اسكندرية ، يغيرو جو ويرجعو بليل بعربياتهم .. صحيت وفاقت وكانت المكالمة دى .. زياد: هاللو مى مى : اه (بصوت نيمان خالص) ازيك يا زياد.. ف حد يصحى حد كده عالصبح ؟ زياد: انا بصراحة مش عارف انام من بدرى ومطبق من بليل .. بقولك عايز اشوفك مى :(فنفسها) هى ناقصاك ياعم زياد انت كمان (ردت عليه) طيب اوك .. ايه رائيك تيجى معانا طالعين ع اليكس نتفسح انا واصحابى وراجعين بليل ؟! زياد: اشطا .. اظبط نفسى واعدى عليكى ... اسيبك تنامى بقى مى : اوك.. باى مى نامتلها ساعتين كمان وصحيت ع صوت الفون .. البنات بيرنو وممدوح مبطلش رن .. جهزت وعدى عليها زياد واتقابلو كلهم وطلعو ع اسكندريه .. حبة مع مى فعربيتها وسامح عالموتوسيكل بتاعه وممدوح اجر عربيه راح بيها واخد فعربيته غادة وامنية .. نزلو كلهم شاليه بتاع بابا مى فالعجمى ... لعبو عالبحر وكانو مبسوطين خالص كلو ايس كريم واتصورو سوا كلهم ، زياد اخد ع الجو بسرعة وكان لازق لمى اما مى شغاله تبعد عنه وتلزقله اى بنت من البنات ..تتكلم معاه وترحمها منه شويه وبعدين راحو اتغدو كلهم .. مى طبعآ انتميتها غادة اوى اكتر من امنية ومنة .. خدتها ع جنب وحكتلها ع مقالب وسام فيها وازاى هتخلصهم من عنيه .. وبعدين راحو سينما .. وبليل اتمشو ع البلاج شوية .. مى لاحظت ان منة اعجبت ب زياد حبة .. فرحت عشان هيحل عنها اما سامح وامنية فهما الى حد ما منمدجين سوا مافيش يااعينى غير ممدوح الى لوحده زى اليتيم .. بس هو استنى وقت يكونو كلهم سوا ومى بتتمشى وحدها قبل م يروحو ... وراح قطف وردة من قدام الشاليه وراح لمى .. ممدوح: ممكن تقبلى دى ... مى .. يا مى مى :(كانت بتسمع ف Mp3 طفته واخدت بالها انه بيكلمها) ايه يا ممدوح ف ايه ؟ ممدوح: اتفضلى الوردة دى (مبتسم عالاخر) مى : (كاتمة الضحكة ) بمناسبة ؟! ممدوح: بمناسبه انى بحبك بصراحة وعايز ارتبط بيكى واخطبك ... ها ؟ مى غرقت فكريزة ضحك وممسكتش نفسها خالص وقعدت تسقف ع ايديها .. ممدوح:(كشر) ف ايه؟ كلامى يضحكك اوى كده مى : هههههههههههههههه بصراحة اه ممدوح: وانتى بقى الى بيقولك ع مشاعره واحساسيه الصادقه بتتريقى عليه كده ؟! مى : اصل بصراحة انت مسخره هههههههه يعنى بحبك وعايز ارتبط واخطب ههههههههههههه يابنى حبيب مى لا جه زمانه ولا لسه اتولد نصيحة يا ممدوح ... شوف غيرى عشان انا لو وافقت ع الى انت بتقوله ده هههههههههههههه هطلع عينك بصراحة هههههههه ممدوح سابها بتضحك ومشى ورمى الوردة وهو متدايق وفعنيه دموع .. راح لاصحابه وقال انه ماشى .. ففهما سالوه مالك مردش وطلع بعربيته فغادة ركبت معاه وامنية برضو ومى جت وهى غرقانه ضحك ومحكتش حاجة وركبت عربيتها واخدت زياد ومنة .. وسامح روح بالموتو سيكل ... فالطريق بقى ... غادة : مالك يابنى م تنطق ؟ ممدوح: مافيش امنية : طب شغلولنا حاجة فالمخروبة دى غادة : اووووه انت بتسمع اجنبى !! مكنتش اعرف ولا انت مأجر العربية بسي ديهاتها؟؟(ضحكت هى وامنيه) ممدوح: ارجوكى يا غادة هتتريقى .. هنزلك انتى وامنيه تركبو معاها غادة : لا خلاص و ع ايه ... ايه ده .سى دى ويست لايف وريكى مارتن هشغل حاجة لريكى انا بحبه اوى امنية : جدع ياض يا ممدوح جبت سى ديهاتك معاك .. كنا هنتخنق يا راجل امنية بعتت مسج لغادة فالخباثة :: هو ماله! ردت غادة : تلاقى مى عملت ف مقلب طلعته من عينه هههههههههههههههه وصلو .. ووصلت مى زياد لبيته ومنة كمان وروحت هى كمان اترمت جثه عالسرير ..ولا فبالها انها كسرت خاطر واحد وهتنيمه متدايق ^^^^^^^^^^^^^^^^^^^^^^^^^ وتانى يوم فالشغل .. ممدوح قالب خلقته وبيتعامل باسلوب جديد كده .. الشغل وبس ولا بيهزر مع حد ولا بيكلم حد غير سامح .. وباقى البنات بسيط يعنى .. مى بقى ولااااااااا فبالها ممدوح خالص .. بتكتك لمصيبه لوسام .. وفنفس الوقت بتحاول تلزق منة لزياد غادة بقى .. غيرانة انها راحت عليها من ناحية اهتمام مى .. بقى كل شغلها المقالب وخلاص لكن مى اتعودت متهتمش لحد ... غير نفسها وازاى تضحك وتنبسط وبس ^^^^^^^^^^^^^^^^^^^^^^^ بليل بقى مى جاتلها مكالمة من سهر اختها مهمة جدآآآ.. مى : معجب بيا ده ايه ؟؟ هو سلق بيض ! ده مشفنيش غير مرتين بس سهر : هو بيقول كده يا مى بقى وبصراحة انا مصدقاه مى : يفتح الله.. قفلنا الدكانة خلاص بلا جواز بلا قرف سهر : يابنتى زياد عريس لقطه ، انت اتجننتى فعقلك؟! مى : ياستى عريس لقطة انا هشوفله عروسه ويحل عنى سهر : اوووف بقى يا مى براحتك الى يريحك اعمليه ^^^^^^^^^^^^^^^^^^^^^^ وتانى يوم مى اخدت منه لوحدهم بعد الشغل وجابتلها لبس تحفففه احدث موديل من المحلات الى بتجيب منها .. ع حسابها الخاص .. وخدتها وراحت لاختها سهر وطبعآ كان هناك زياد!! ياترى ناوية ع ايه يامى ؟!

لسه اجمل يوم مجاش
الجزء الاول
#نوراسماعيل