لــســة اجــمــل يــوم مجــاش ▬♫ ♫

الحلقه 8

الحلقه ٨

وتانى يوم مى اخدت منه لوحدهم بعد الشغل وجابتلها لبس تحفففه احدث موديل من المحلات الى بتجيب منها .. ع حسابها الخاص .. وخدتها وراحت لاختها سهر وطبعآ كان هناك زياد!! منة الى حد ما شخصيتها ضعيفة ، ونفس الوقت هى عندها حبة اعجاب بزياد .. فسلمت لمى خااااااالص وسابتها تتصرف براحتها .. راحو عند سهر وكان زياد متفاجئ انه شاف مى!! ومنة زياد: نايس تو ميت يو اخباركم ايه؟ مى : تمااااااااااااام .. منة :(بكسوف قال يعنى بيطلب ايدها ياخى ) الحمدلله زياد: كنت لسه فسيرتك يا ميوش .. بقول لسهر تتصل بيكى مى : وادينى جيت ياسيدى .. شوف بقى اقعد مع منة وانا داخلة اقول كلمتين ع استنفراد لاختى حبيبتى زياد: اوك ، ازيك يا منة .. وايه الحلاوة دى منةة : ميرسى بجد جوه بقى عند سهر سهر : انتى جايبة منة ليه ؟ مى : عشان الزقها لزياد ويحل عنى .. وفنفس الوقت اهو نتسلى نشوف قصة حب افلاطونية (بتتريق) طلعت لقتهم منسجمين ع الاخر وشكل كده الى بتخططله مى هينفع المرة دى ...ربنا يستر ومتحصلش حاجة . بعد كده جه ايهاب جوز سهر وقعد يلعب بلايستيشن دور مع زياد اخوه وغلبه راح قام زياد وقعدت منة .. استفردت بقى مى بزياد تحشى دماغة من ناحية منة عشان تملى دماغه بيها مى :انت عارف من ساعة الرحلة ومنة فسيرتك .. زياد هنسم زياد وسيم زياد زياد زياد زياد:(رد فعل عادى مش مبسوط يعنى وهز راسه ) والله ... كويس مى : ايه هو الى كويس !! زياد: مممممممممممم اصل عادى يعنى صاحبتك مجبتش جديد ، المهم رائيك انتى فيا ايه ؟ مى : رائيي فيك ( لا وحياة ابوك هى مش ناقصة حد) عادى يا زياد (بتبص فساعتها) احنا اتاخرنا ولازم نمشى سى يو يا جميل مرة تانيه مشيت مى واخدت منة رغم انها كانت مندمجة باللعب البلايستيشن واشتغلت تلعب فدماغها مى : انتى عارفة وانتى بتلعبى .. زياد كان بيشكر فيكى اوى منة : بجد!! مى : شكل اللينك حصل يا جميل ، عشان تدعيلى منة : ميرسى يا ميوش .. انتى جدعة اوى مى : ههههههههههه مانا عارفة .. اهم حاجة تحافظى ع ستايل اللبس ده .. وبلاش الطرحة والخنقه دى منة : لالالا انا مش هقلع الطرحة .. بس هجيب لبس من ده عشان اعجب زياد بقى مى ضحكت ان بدأ مفعول الخطة ينجح وبالذات ع منة وحشت دماغها تمام وبعدين روحتها... . وهى راجعة بقى لقت عربية وسام مركونة راحت زنقت عليها زى المرة الى فاتت .. وضحكت ضحكة شر وطلعت طالع بقى وسام يا عينى لا بيه ولا عليه ياعينى رايح شغله لقى النيلة السودة الى عملاها تانى مى ف وسام:(واقف قدام عربيته) عليكى وع ايامك السودة يابعيدة ، مع انى حذرتك ... طب ماشى جبتيه لنفسك يابراكش الكلب (نسبة لمقولة وجنت ع نفسها براكش ) ركب وشغل العربيه وخبط عربية مى خبطة جامدة ... طبقلها الشنطة خاااالص!! لدرجة ان صوت الخبطة كان جامد ، وعرف يوسع لها لما خبطها ودور ومشى .. البواب شافه قعد ينادى عليه بس هو ولا هنا .. دمه محروق وحاسس انه خد حقه شويه ! نزلت بقى مى فمواعيد شغلها العادية لقت عربيتها مخبوطة كده وهى لسه راجعة من التوكيل!! صرخت وقعدت تتنطط زى القرد فالشارع .. وراحت طلعت فوق لشقتها تدبرله مكيده تطلع من عنيه وترد المقلب .. فكرت فمقلب سُقع ، ونزلت لعم سليمان البواب .. مى : يالهوووووى ياعم سليمان!! سليمان: ف ايه ياست مى (بخضه) مى : دى شقه استاذ وسام طالع منها دخان جاااااااامد ومامته وباباه شكلهم نايمين قعد اخبط عليهم محدش رد سليمان: بس انا مش شايف حاجة من هنا مى : انت هتعرف اكتر منى (بزعيق) سليمان : طب هتصل بالمطافى !! مى : لا انا اتصلت ... اتصل انت بوسام وقوله .. ده احتمال باباه ومامته يكونو ماتو من الخنقه اهئ اهئ اهئ (بتمثل العياط) سليمان : يا حزن الحزن .. حاضر ياست مى اهو هكلمه حالا مى : طب لما ييجى اديله الورقه دى ماشى .. وانا هروح استعجل المطافى اهئ اهئ جريت وراحت ع قسم البوليس ... وعم سليمان قام بالواجب ... وسام فشغله لا بيه ولا عليه .. شريف : شفت العميلة وهى بتقول " لو سمحت سحبو منى كل الكريدت " كنت رايح اشحنلها من جيبى والمصحف وسام: طب لم نفسك بلا تشحنلها ليشحنلك المدير ع بيتكم دلوقت (فونه رن) ايوة ياعم سليمان ف ايه ؟(بخضه) سليمان: الحق يااستاذ وسام بيتكم بيولع وشكل الحج والحج ربنا اختارهم جوه والدنيا بايظة خالص وسام: ايه !! يانهار اسود .. طب انا جاى (مخضوض عالاخر ) شريف: ف ايه يا وسام وسام: ف حريقه فالبيت ... وامى وابويا بيخبطو عليهم مبيردوش .. شريف طب انا جاى معاك كام زميل من الشغل سمعو : واحنا طالعين وراك يا وسام منى : يالهووووى انا هاجى معاكم متشلش هم ان شاء الله خير طلعو ع ملى وشهم جرى بالعربيات والتاكسيات ووصلو للعمارة .. وسام: فين الزفت المطافى ؟ سليمان : اتصلنا بيهم وجايين وسام طلع بيجرى عالسلم مستناش الاسانسير .. لحد م وصل !! ملاقاش لا دخان ولا حاجة ؟! خبط وبعدين فتح بالمفتاح .. لقى البيت تمام .. وباباه قاعد بيقرا جرايد ومامته فالمطبخ !! زمايله : ايه فين الحريقه؟ الاب: ف ايه يابنى ؟ ايه الى جابك من شغلك وسام واقف مذهول من الخضه ع المفجاة مش عارف يجمع .. نزل بسرعة للبواب .. وسام: مين قالك ان بيتنا بيتحرق ؟ سليمان : الست مى .. وطلبت المطافى وسابتلك الورقه دى معايا وانا كلمتك ع طول تيجى وسام: مش تتأكد يابنى ادم !! سليمان: ايه مافيش حاجة شريف: مافيش ياغفير الغبرة !! بس وقعتو قلوبنا وخلاص فتح الورقه وسام لقى مكتوب ".. تعيش وتاخد غيرها .. ع فكرة انا عملتلك محضر فالقسم ع خبطة عربيتى دى .. وسام: يابنت ال ..... شريف :ف ايه ؟ زمايله : طب احنا راجعين عالشغل وهتغطى عليك لحد م ترجع .. الحمدلله جت سليمة منى : ف ايه يا وسام وسام: الشيطانة الى ساكنة جمبى هى الى عملت كل ده شريف :الوتكة!! وسام: م تسكت انت كمان .. انت روح الشغل وبلغهم انى مش هقدر اكمل يوم انهاردة لما اشوف المصيبه الى انا فيها دى شريف: طب اجى معاك ومنى تروح وسام: لا روحو انتو مش ليكو ذنب اليوم يضيع عليكو بسببى مشيو وطلع وسام .. وجاله الاخطار بالبلاغ فالقسم من مى !! محكاش لا مع مامته ولا باباه ع الى حصل ولا جه ليه كده فجأة ، كل ده مستنى مى لما ترجع وقاعد فالصالة مستنى صوت رجلها ع ناااااااار عشان يطفى ناره وغليله فيها استناها لحد م جت وطلعلها وهو متغاظ والعفاريت بتتنطط فوشه بتحط المفتاح فالباب .. وسام: انتى يا ست هانم مى : (مبتسمة) اوووووووو وسام !! ايه اخبار الشقه اتحرقت ؟! قلبى عندك والله وسام: لا تكسبى المرة دى .. بس ع فكرة الجولة لسه مخلصتش بينا ، بس وحياة مجيتى ع ملى وشى انهاردة لهطلع العفاريت الزرق ع جتتك هخليكى تندمى انك بدأتى حتة لعبة وسخة زى دى ، يلا غورى من وشى بدل م افقد اعصابى وانسى انك بنت وابيتك فالمشرحة اليلادى !! مى : كلمة زيادة هعملك محضر فالقسم تانى غير الاولانى هه وسام:المحضر الاولانى انا هدفعلك تمن التصليح ع اقدم شوز عندى ، يابت انتى حتة بت ! فاهمة يعنى ايه ؟ يعنى لو مسكتك من شعرك الى شبه سوكا ده ورميتك من فوق مش هتفرقى مع حد عارفة ليه ؟ عشان انتى طول مبيفرقش معاكى مشاعر الناس ولا احساسهم اكيد انتى برضو مش مهمة لحد وهتبقى بالظبط كده حته اى حاجة مالهاش لازمة وراحت (مسكها من ايدها زقها جوه شقتها وقفل بايده الباب وكل ده ، ومى فحالة ذهوووووووووول شديدة ولا نطقت بنص كلمة حتى ) مافيش حد ابدآآآ كلمها كده ... مافيش حد ابدآآ عاملها كده بس هى ماتكسرتش بالعكس !! مصره ع انها تكرهه فعيشته