لــســة اجــمــل يــوم مجــاش ▬♫ ♫

الحلقه 31

وسام: طب يلا ادخلى غيرى وصلى عشان اكلمك مى: حاضر .. بقولك انت بصيت ع عتبه بابكم كويس(بصت لتحت) ؟ وسام:(بيبص كده لقى ف جواب مرمى محشور من تحت) مممممممم (ابتسم) والله ! جواب مووووووشى ياستى مى: طيب اقراه انت اكون انا صليت .. وبعدين كلمنى لما تخلصه اوك ؟ وسام:(مسك ايدها وباس صوابعها واحد واحد وهو بيقول اوك يا روح قلبى انتى مى:(اتكسفت وشدت ايدها ع طول ) بتكثف انا ... (مشيت) تصبح ع خير يا حبيبى وسام: وانتى من اهلى مى: من اهلك (مبرئه وعجباها الكلمة ) وسام: اه (دخل بسرعة رزع الباب فوشها) مى: هههههههههههههههههههه مااااااااااااشى هردهالك ودخلت وهى بترقص زى المجنونة وسام كان شايفها من العين السحريه وبعدين ضحك ومسك الجواب وقال: ياترى كاتب ايه يا مشمش ؟؟؟ دخل وسام اودته وهو ماسك الجواب ومامته متبعاه بنظرها .. الام: عايز منى حاجة يا وسام ؟ وسام:(بيفتح الجواب) لا ياحبيبتى تسلميلى الام: تصبح ع خير (مبتسمة وبتبص عالجواب) وسام:(بدـ أيقرا) ها!! وانتى من اهله ياامى مامته ضحكت ودخلت تنام .. ووسام قلع الجاكيت وفتح الورقه وبيقرا وقعد عالسرير .. مى كانت كاتبه الاتى .. بسم الله الرحمن الرحيم .. ازيك ياض عامل ايه؟ بص عرفت انك بتحب الجوابات وجو فاتن حمامة ده ، والورد والاغانى القديمة وشبه انت عماد حمدى وانا معرفش المهم احب اقولك انى عمرى م كتبت جواب فحياتى .. ودى اول مرة اعملها لانى والله عايزة اجيبلك مصحف واقولك ان احنا ف 2014 وانت مش مصدق ! يعنى ياربى يوم م احب اقع فواحد من القرون الوسطى ماعلينا الى عايزة اقولهولك انى بحبك اوى يا واد يا وسام .. ومكنتش اعرف انى هحبك بغض النظر عن دمك الى يلطش ولسانك الطويل وتطويل ايدك ع شعرى وكل ده وانا ساكتالك بس يلا العفو عند المغفرة عارف ياض يا ويسو انا قلت فنفسى انك برنس وانت برنس ياض ، حتى الحجات الى بتحبها مش شبه حد عشان كده انت مافيش زيك .. وعشان مافيش منك انا قررت انى املى بقيت الجواب اغنية عمرودياب "مافيش منك .. تخيل!! " لانى بصراحة مش عارفه اقول ايه .. ايوة مافيش منك تخيل .. مهما هقول عنك قليل كل نهار فنهايته ليل الا ليلى نهاااااااااااااااار ايوة مافيش قلب الا قلبك ايوة مافيش حب الاعندك يالى حبك خلى قلبى بين ايديك يحتااااااااااااار وكفاية عليك دول عشان انا حاسه انى شبه المراهقين فالى بعمله ده وسلام دلوقت ويلا نام ومبحبكش واجرى بقى بااااااااى باااااااااااى وسام قفل الورقه وقعد يضحك جامد وبصوت عالى جدآآآ ورن عليها ع طوووول .. وسام: يعنى اقول انك مجنونة محدش يصدق مى: عجبك الجواب .. ده فيه اقصى مشاعيرى وسام: ههههههههه دى اقصى مشاعيرى .. مبحبكش ويلا نام ! مى: اصل هقول ايه تانى يعنى ؟ وبعدين متنكرش انه جواب الاجا وعسله وفزييييييييع وسام: من جهه انه فزيييييييع فهو فزييييييع .. ههه تسلميلى يارب مى: هههههه شكرآ تعالى كل يوم وسام: لماضتك دى هى الى انشالله كده هعدمهالك مى: متنكرش ان دى الى جبتك ع وشك وسام: جابك ع وشك توكتوك يابعيدة مى: هههههههههههههههه وكملو بقى مكالمة كلها رومانتكيات وحجات كده ملناش دعوة بيها عشان ف ناس طلبت نعمل حساب السناجل الى بيقروو المهم .. بعدها بيومين .. خرجو وسام ومى يتمشو سوا ... وهيييييييييح وحجات كده .. وماشيين ايدهم مأنجشين بعضيهم .. كل م مى تمسك ايده .. يضربها ويقولها انه مبيحبش الحركات دى قدام الناس .. بيمشو ع النيل وبياكلو فلب وقابلهم شحات الشحات : حاجة لله يارب تتجوزو وسام:هههههه (ابتسم) حاضر (اداله حاجة لله) الشحات : حاجة لله ياست يارب يخليهولك ده زى العسل مى: مش ادلك هو ؟ ولا هو سفلئه .. الشحات : والنبى لا تجيبى ياشيخة يارب لو مجبتيش ميتجوزكيش مى: متاخدنيش اسرح معاك بليل عشان مأشفره اليومين دول الشحات: روحى ياشيخة ده هو احلى منك يابخيله (وجرى) مى:(بتميل تتناول طوبة من الارض) امشى يلا يابن العبيطة وسام: هههههه بتعملى ليه (شال من ايدها الطوبه) بس بس ، هو انتى محدش يسلم من لسانك مى: اعمل ايه ههههههههه طبيعتى كده بيقولو عليا مجنونة وسام: بيقولو ! ده اكيد ياروحى مى: عارف! كانو ع طول بيقولو انى مجنونة لماما ، عشان تعبها يعنى وكده بس هى ماتولدش عندها صرع وانفصام عشان يقولو انها مجنونة كانت كلمه حاسب عشان دى مامتها مجنونة بسمعها اكتر م باكل وكانو بيقولو الصغيرة مجنونة لامها والكبيرة عاقله ياما عيطت .. عيطت كتير اوى بس بعد م ماما ماتت قررت انى اضحك ع طوووول .. اضحك ع كل الناس ، واستهتر بمشاعر اى حد وسام: بس الناس مالهاش دعوة يامى مى: وانا كنت ذنبى ايه كل يوم اعيط وكل يوم حزينه وسام: عشان كده مطلعاه عالناس واى حد بتشوفيه بتقرفيه فعيشته ؟ مى: لان محدش عمل حساب لمشاعرى عشان احاسب ع مشاعر حد واتضح انى بالشخصيه دى هبقى اقوى وفعلا ده الى بينفع مع الناس وسام: بس خلاص ننسى بقى الطريقه دى ـ لان مش حابين نزعل حد مننا تانى ولا يكرهنا رغم قلبنا الطيب ماشى ياقمر (مسكها من خدها وقرص قرصه خفيفه) مى:(ضحكت ) ماشى وكملو تمشية وهما مبسوطين سوا .. واللب خلص وحودو يجيبو تانى وعصير بليل بقى ... ووسام بيقول لمى تصبح ع خير فالمكالمة .. وسام:(بصوت نيمان وحنييييين اووووى) بقيت مبعرفش انام من غير م اسمع صوتك مى: (صوت يدوب طالع والغريبة ان دى مى ) وانا كمان عارف صوتك بقى حاجة كده زى الشيكولا الى بتتاكل قبل النوم .. عشان نعرف ننام بهدوووووء وسام:(بيضحك بهدوء كالعادة) هههههههه طب متكتريش من مكالماتى عشان متتخنيش مى: هههههه انا موزة وجسمى فرنساوى لاغزك وسام: اغزك بعد الكلام الجميل ده الى ف طبع مى:هههههههه ايوة ـ اصحى وصحى النايمين كل الرجاله جاهزين وسام: خلاص ياباشا .. احنا اسفين يا ار بى جى مى: طيب يلا ننام عشان نروح الشغل بقى ده لو استنونا عشان بقيت تصحى متأخر انت وسام: انتى الى عودتينى ع كده .. لا كان ليا فالمكالمات ولا حاجة منك لله بدل م تعلمينى حاجة مفيدة مى: اومال كنا هنحب ازاى ياعم انت .. مش لازم كده ولا نقضيها جوابات وحمام زاجل وسام: طب يلا تصبحى ع خير يا مشمشة .. الصبح صحينى مى: حاضر .. باى يا ويسو قلبى وسام: باى يا مشمش .. فحفظ الله قفلو واستعدت مى للنوم .. واول م عينها راحت فالنوم حلمت حلم غريب !!