لــســة اجــمــل يــوم مجــاش ▬♫ ♫

الحلقه 29

وسام: استنى متتطنطيش والله م اقصد .. ثوانى اجيبلك قطنه وشاش من جوه وسام: جرى جاب قطنه وشاش ونشفلها الدم وربطهولها جامد وبعد كده !! رفع ايدها عند شفايفه .. وباسها!! مى بقى زى القراء طبعآ اتشلت واعصابها هربت وبرئت جااااامد وبعد م باس الجرح بصلها وقال : الف سلامة يامى انا اسف مى :(من غير م تفكر وهى مبرئة كده وحاسه انها راحت وجت وماتت وصحيت وولعت كل ده فوقت واحد قالت .. انا بحبك وسام بصلها كده ومتنح لمده 10ثوان وراح قال : ادخلى الباب اتفتح مى: بقولك بحبك ياوسام (باصاله بهيام) وسام: وانا بقولك ادخلى يامى مى: لا انا مش عاوزة ادخل (بتدلع) وسام: ايه هتباتى عالسلم زى القطط مى: اه (هيمانه ف ورايحة خالص) وسام:(ابتسم) طب ادخلى الله يهديكى ..(دخلها بايده وهى متخشبه مكانها وبعدها رد الباب راحت هى فتحته) ماتدخلى يابنت الحلال (ماسك نفسه من الضحك مى: لا (مبرئة) وسام: ارزعى الباب يا مى مى: لا وسام: يالهوى عليييييييكى (زقها وقفل الباب ودخل هو وع وشه ابتسامه جامده ) دخل جوه وسرحان فكلمة مى ، اتنهد وبعد م غير هدومه ، مسك فونه هيكلمها لانه وعدها لقاها باعتاله مسج بتقول: "بقولك ايه انا قلبى هو الى هيكسب لو يحصل ايه هياخدك لو تعمل ايه بيحبك .. بيموت اوى فيك " ابتسم وسام وراح بعتلها : مش بحب المسجات لكن هقولك نامى يا طقه!! خلص اليوم ومى تايهة وشغاله تبوس ايدها مكان البوسه وشبه متخشبه ساعتين 3 كده ولا عارفه تنام ولا تقوم ولا اى حاجة .. المهم بقى تانى يوم .. مى وهى قاعده فمكتبها وبتسرح زى البنات العاديين مش مسترجله زى كل مرة .. نادت ع امنية : امنية: نعم يا ميوش مى: عايزاكى تكلمى شريف تعرفيلى كل حاجة عن ويسو بيحب ايه بيكره ايه كل حااااااااااجة امنية: والله انا قلت شكلها قصة جديدة ، بس الغريب انها مع ميوش يعنى مى: ايوة مع زفتوش ، اخلصى هتعملى الى بقولك عليه ولا لاء امنية: حاضر حاضر.. بس ف حاجة عايزة اقولهالك مى: ايه امنية: منة كمان بتحبه .. تعرفى ده ولا لاء؟ مى:(بصت فالارض وكشرت) ايوة عارفه ماهو احنا اتخانقنا زمان عشانه امنية: يعنى هى عارفه انك .. مى: لا متعرفش ,, بس والله مش قصدى انى اخده منها يعنى انا خلاص يا مونى مبقتش بفكر باسلوب يضايقكو زى الاول امنية: انتى عارفه دى بتموت ف ، تخيلى اول امبارح كانت بتعيط وبتقولى مش هكلم ويسو تانى عشان بساله انا شايفنى ازاى قالها زى اختى تقريبا مى: والله! امنية: ايوة ، وانتى جايالى ناو تقولى انك بتحبيه .. بس انا حاسه انه مشدودلك انتى مى: والنبى !(فرحت) عرفتى منين؟ امنية: من شريف قالى شويه حجات كده ، احنا اصلا كل يوم بناخد ساعه نم عليكم مى: طيب ياستى اديها نصايه دلوقت وارجعيلى بالاخبار .. اشطا؟ امنية: اشطا يا موزتى مى:(اتنهدت) استعنا عالشقا بالله فالوقت الى امنية بتجيب ف المعلومات لمى ، كان وسام معاه مكالمة مهمة ! المكالمة دى من دنيا .. لسه شايفه المسج انهاردة لانها بتفتح كل فترة من ضغط مشغولياتها اتصلت بوسام . وحصل الحوار ده .. وسام:(متنرفز) انا كلامى جرحك وانتى الى عملتيه ميجرحش : اقسم بالله استنيتك كتير اقول هترجع هتجيلى لانها بتحبنى وانتى ولا الهوا دنيا:(بتعيط) ياوسام متخلنيش احس انى وحشه اوى كده ، والله ربنا وحده عالم انا عملت كده ليه وسام: ايوة ربنا عالم انى زوج سئ ميطولش شرف انه يقاسمك حياتك مش كده دنيا: ياوسام من امتى القساوة دى وسام: من ساعه كل يوم قلبى فيهم كان بيتحرق عشانك ، حتى لما سالتى فيا بعد سنة انفصال جاية تقولى خد بالك من نفسك وشوف حياتك مش ده كلامك دنيا: عشان كل م اسال عليك الاقيك لسه مارتبطش وسام: نفسى اعرف انتى بتطلعيلى كل ساعه زى القضا تكركبيلى حياتى وتمشى .. ايه يا دنيا مستكترة انى افرح متبعانى وعارفه اخبارى اوى كده (صوته على ) شريف جه من مكتبه عليه وزمايلة بصو ناحيته ع صوته .. وسام عمره م طلعله صوت من هدوءه عدى المشرف وقاله انه يتكلم بهدوء عشان الشغل ... دنيا:وسام انا عمرى م نسيتك ولا لحظة ، كنت هتجنن غيرت عليك .. حسيت انك قدرت تعيش وانا كنت عايزة اعيش زيك بردو وسام: بقولك ايه يا دنيا .. انا مش مستحمل المكان كله اتفرج عليا متستنيش منى حاجة لان مبقاش عندى حاجة اديهالك خلاص دنيا:(بتعيط) طب ليه الجرح ياوسام ! انا مش عايزة منك حاجة ياسيدى واسفه لو كنت بعت المسج الى دايقتك اوى دى وسام: العفو ياستى .. ممكن اقفل عشان شغلى كمان ميروحش منى زى حجات كتير ؟ دنيا: اتفضل .. مع السلامة قفل وسام وهو متدايق وبينفخ وحاله زى الزفت .. شريف طلب لمون من البوفيه وجابهوله .. شريف: صلى عالنبى طيب وخد اشرب اللمون واهدى وسام: يعنى مستكترة انى عندى 32 سنة وشعرى ابيض وحياتى مفقودة انى احب واتجوز مانا كنت معاها وبحبها .... شريف: خلاص اهدى .. اهدى ، سيبك ياعم بلا دنيا بلا فونيا وسام: ياشريف انت بتهزر وانا مخنوق شريف: ايوة عشان تفك ، اومال اقعد اعدد جمبك .. وبعدين م فستين سلامة .. المركب الى تودى مش هى الى اختارت مالها بتعيط ليه ونكدتنا عالمسا وسام: (بيشرب) انا كان صوتى عالى ؟ شريف: تقريبآ انت لو ممسكتش الفون كانت هتسمعك هى لوحدها ! داانت صوتك كان جايب الصين ياعم لدرجه محدش صدق ان انت الى بتتكلم.. هههههه وسام: طلعتنى عن شعورى والله .. عمرى م تخيلت اكلم دنيا كده شريف: ياعم فكك .. طب والله بتنطق اسمها بطنى بتمغص وببقى حاسس بترجيع وسام: هههههه الله يقرفك شريف: اسمع انت سيرة الناس الى بتعمل نعنشة فالجو وسام: زى مين يعنى ؟ شريف: (حط ايده ع خده وقال) هييييييييييح مكناش بنحب ياناس وسام: متقول ف ايه شريف: مافيش ف مباحثات بتتعمل عليك يابرنس ودباديب حمرا وقصه وسام:(ابتسم) مى! شريف: ايوة الوتكة .. المهم مش هقولك عشان هى لو كانت محضرالك حاجة محرقهاش انا هسالك انت تمام كده مظبط مسالك ولا لا ؟ وسام:(خد نفس وعنيه لمعت لما جت سيرة مى ) بص .. انا بفرح معاها اوى رجعتنى اعيش تانى بدل م كنت بتنفس وخلاص واسمى محسوب عالدنيا بتهتم بيا لدرجه فظيعه بس مش عايز احكم ع مشاعرى ناحيتها دلوقت .. خوفآ تكون غلط شريف: (بيقلده بتريقه) بس مش عايز احكم ع مشاعرى ناحيتها دلوقت .. خوفآ تكون غلط! ياعم اومال امتى هتقول لما انا اموت .. ايه الشلل ده وسام: الحجات دى عايزة تأنى يا بنى آدم شريف: تأنى ايه ، هو انا بقولك ولدها ! وسام: هههههههه يخربيت الفاظك شريف:(فون رن من امنية ) اوباااااا .. دقيقة وارجعلك يانجم وسام: براحتك .. شريف اتكلم ورجع لوسام .. شريف: يلا بينا وسام: ع فين شريف: بص ، انا اقترحت ع مونى بعد الشغل بتاعنا وبتاعهم نعمل حفله صغيرة عندهم فالمكتب كده للبت منى بما ان هتغور وتتزاح ع طول كده يبقى نعملها حفله وبالمرة يعنى ... وسام: بالمرة ايه ؟ شريف: انا هفاتح امنية انى هتقدملها انهاردة بصراحة واتلككت بحوار منى ده عشان افرحها وسطكو وسام:ٌقام حضنو جامد) الف الف مبروك ياحبيبى يارب يتملك ع خير شريف: عقبالك انت ومى يارب وسام: (ابتسم) طب يلا بينا نجيب البت منى شريف: بس سكتم بكتم اوك ؟ وسام: اوك راحو ناحية منى .. شريف:(بيحط الورق فالمكتب وبيقفل الاقلام) يلا يابت ياسلعوة انتى منى: يلا ايه .. هنمشى وسام: اه.. وعايزينك فمشوار منى: مشوار ايه ؟ شريف: هنخطفك من عريس الغفله ياخى .. يلا ياختى منى: بس مش اعرف وسام: هتعرفى فالسكه.. خدوها وطلعو بعربيه وسام .. وصلو عند المكتب لاقوهم معليين الاغانى .. ومعلقين زينات ومستنين .. منى: ايه ده وسام: شريف عاملك حفله عشان زفافك ، شوفتى كان بيحبك اد ايه؟ منى: ربنا يخليك ياشريف شريف: يكش يتمر ههههههه ، عارفاهم طبعآ (بيقدمها ليهم) منة وغادة ومى وامنية وممدوح وسامح منى: ايوة عارفاهم .. تسلمو بس ليه التعب ده (عيونها دمعت فرحة) وسام: واحنا عندنا كام مونمون شريف: يلا يا بنات اطفو الاغانى دى ومعايا (قعد عالمكتب وطبل) وانشالله تعمريهااا وعيالك يجرو فيها البنات :(بيسقفو وبيضحكو ع شريف وبيرددو وراه ومى خدت منى ترقصها فالنص )وانشالله تعمريها شريف: وعيالك تجرى فيها البنات:(بيضحكو جامد وبيسقفو) وعيالك يجرو فيها شريف: لولولولولولولولولولولولولولولى ، وتغورى وتتزاحى بقى وبلاش شغل السفلئه امنية: هههههههه مافيش فيها كده وبطل غلاسه عليها يارخم وكمان بتزغرد ايه المواهب دى شريف: طب عشان طولت لسانك دى سمع هووووووووووس منة شغلى طبله ترقص بعد م اقول الاتى انا نهاردة هروح اتقدم للبت امنية ولولولولولولولولى لينااااااااااا امنية: ايه!! اتكسف وتخضت وفرحت والبنات حضنوها اوى وزغردو مى: سمع هوووووووس وعشان مهيصناش لغادة بردو تبقى هيصة ثلاثية لمنى ولغادة وممدوح ولامنية وشريف وسمعنى سلام .. لو مكنتش انت تدلعنى مين هيدلعنى وسام قعد يضحك معاهم ويسقف وقعدو يهيصو ويزغردو جااااااامد وجه شريف يرقص معاه وسام : بصو ياجماعه هعلمو التشكيل يلا ياض وسام: بس يلا بلا تشكيل سامح: جدع ياويسو متسمعش كلامه شريف: يعنى مش هترقص لاخوك وسام: لما ييجى فرحك هرقصلك حاضرههههههه (بيغمز لسامح انه بيكدب) منة: طب خلاص رقصنا كتييييير شعبى وطبلنا ؟ تعالو نرقص سلو بقى شغلت انا قلبى دليلى ) امنية: خد رقص منى معاك وانا بعدها عشان عريسها مش هنا يلا ياشريف شريف: هو مافيش غير انا الى تقعى فنصيبه يامنى منى:هههههه غصب عنك منة: ترقص معايا يا ويسو وسام: اوك .. رقص شريف مع امنية وبعد كده مع منى وغادة وممدوح بردو شغالين رقص سلو سوا وسامح واقف يبصلهم ويشرب البيبس ويضحك ووسام بعد م رقص مع منة لسه الاغنية شغاله راحت ناحيتهم مى .. مى: ممكن انا شوية منة: طبعآ اتفضلى مى بترقص مع وسام ووسام مبتسم ورايحيييين خالص كأنهم طايرين فوق السما .. منة متبعاهم بالنظر الغيرة هتقتلها بس ساكته .. وشوية وهما بيرقصو طلعو برة المكتب البنات والرقصه اخدتهم للكوريدور ومنة وراهم من غير م حد يلاحظها بتراقبهم والكل بيضحك جوه ومهيص ودى معاهم ووسط الاغنيه وسام هيمان فيها وبيلف مى بايده غنالها حته منها وسام: انا قلبى دليلى قالى .. هيحبك مى: مش كده الاغنية وسام: طب مانا عارف مى: يعنى انت بتقولى انا (وبطلت رقص) وسام: اها مى: ورحمة ابوك وامك!! وسام: ابويا وامى عايشين ياهبله مى :(قعدت تتنطط ) ويسو بيحبنى .. ويسو بيحبنى (ونطت عليه وحضنته جااااااااااااامد بموووووووت فيك يا ويييييسووووو منة جت من بعيد والدموع فعنيها : انت بتحبها (بتشاور عليها) بتحب مى ؟(هتعيط) مى: منة ... ماهو .. منة صرخت جااااااامد وجوه سمعوها وطلعو ... واغمى عليها