لــســة اجــمــل يــوم مجــاش ▬♫ ♫

الحلقه 32

وسام: طب يلا تصبحى ع خير يا مشمشة .. الصبح صحينى مى: حاضر .. باى يا ويسو قلبى وسام: باى يا مشمش .. فحفظ الله قفلو واستعدت مى للنوم .. واول م عينها راحت فالنوم حلمت حلم غريب !! طبعآ انتو مستنين ع نار انى احكيلكم الحلم ؟ لكن لا خليكم ع نااااااااااار المهم قامت الصبح متنكده من الى شافته فالحلم .. صحت وسام فعلا وبعدين نامت ساعة وقامت تانى ع الشغل (ده اذا كانت نامت اصلا) راحت شغلها قالبه خلقتها 88 وحتى الاغانى الى بتشغلها فعربيتها كل يوم وتقعد تسمع وتنبسط مافيش انهاردة شعرها لماه كله ولبست كاب .. وتى شيرت عادى وبنطلون وكأنها ولد دخلت الكل استغربها غادة: ايه ده يابشمهندس مى ؟ مى: ف ايه ؟ غادة: ابدآ ماشوفتيش نفسك فالمرايه ؟ ده انتى شبه عمال الغاز بالظبط اومال فين فرد الشعر والبينكات والاصفرات والفوشيات والدلع الى بنشوفه كل يوم و........ مى: (قاطعتها) يووووووووه يا غادة بجد مش فايقالك غادة استغربت وقعدت ع مكتبها ..: خلاص سكتنا منة: ف حاجة بينك وبين ويسو ؟ مى:(فتحت الجهاز وهتبتدى تشتغل) لا (بتكشيرة) منة: اوك .. رجعت تشتغل . دخلت من بره امنية بتتكلم فالفون مع شريف ... امنية:(بتكلم شريف) ماهو انا موافقاك ماشى انه يكون بعد سنه ، خليته ليه بعد العيد .. مش مستعده ياشريف شريف: هتستعدى ياختى، انا بصراحة فكرت كده لاقتنى مش هصبر سنة امنية: ههههههههههههه ياسلام ياخويا .. لا مش موافقه طبعآ شريف: اتلكى يابت فحتة عندى شغل ونشوف موضوع الفرح ده وهيمشى الى فدماغى بردو قفلو وقعدت تضحك امنية .. امنية: مش قادرة اتخيل ! شريف الى مكانش عايز يتكلبش مسروع عالفرح وعايز يكلم بابا يقدم المعاد غادة: يا سيدى ياسيدى منة: بيحبك يابختك امنية: مين الاخ ؟ (باصه ع مى) مى: بقولكم ايه لو عايزين تضحكم انهاردة انا مش فايقه ، وتقريبآ ف اجهزة كتير مطلوبه مننا تتبرمج وتتعدل ولا احنا مورناش شغل ؟ امنية:(بلمت وبصت لغادة باستغراب وعملت بايدها .. مالها دى ) طيب اوك يا مى مى بتشتغل وفعنيها دموع ... معقول يعمل كل ده فيها حلم! ياترى شافت ايه ؟ عند ويسو بقى اكيد وحشكو .... (ماشاءالله كل الفانز البنات بيحقدو ع مى ) ويسو قاعد بيشتغل وفنفس الوقت حاطط صورة مى قدامه الى اتصورها معاها يوم الميوشى فاكرينها ؟ جاب برواز وكل م يروح وييجى يبص عليها وبعدين طلع ورقه لما خلص الى فايده ... وبدأ يكتب .. وهيمان اووووووووى مشغل اغنيه رومانسيه بهدووووء عشان الشغل وبيكتب لمى جواب وجتله منى ع فجأة !! (قطعت حبل افكاره) منى: وسام ! وسام:(شال الهيد فون وساب الورقه) منى ... تعالى اقعدى منى: طب شكلى عطلتك عن حاجة وسام: ازاى .. تيجى فاى وقت منى: عارف ع اد م فرحى خلاص قرب .. بس زعلانه عشان ... (سكتت) وسام: عشان ايه؟ منى: مش مهم .. ماهو انا هفضل معاكم بردو حتى لو اتجوزت وسام: بالظبط كده .. ربنا يتم لك ع خير ويسعدك يارب منى: عامل ايه مع مى ؟ وسام:(تنهيده مع ابتسامه) تمام بفضل الله منى: هتتجوزو امتى؟ وسام: مش قبل م اطمن عليكى الاول ـ اجوز اختى واطمن عليها وبعدين اشوف نفسى منى: بس متنساش نفسك يا وسام ، انت بقالك كتير مفرحتش جه شريف ع الكلام ... بالذات ع كلمه بقالك كتير مفرحتش .. شريف: ولا هيفرح ياختى طول مانتى فوشه كده منى: ياباااااااااااااااى ياشريف، ادينى واخده اجازة من بعد بكرة ولمدة اسبوعين عشان الفرح وشهر العسل يارب ترتاح منى بقى شريف: مانتى راجعة هرتاح فين بقى ؟؟، الكلام ده لو روحه بدون رجعه افرح ( عملها ايموشن مخيف بوشه) وسام: ياشيخ لاقدر الله هههههههههه ولا هتستغنى عنها ده كلام من ورا قلبك شريف: لا ياعم هستغنى ومن جوه قلبى ـ وبعدين كل مرة كانت بتقول كلمة هتجوز وماشية بكرة ترجع كلمة شوم وهى شوم وبومة وقاعدة فأرابيز الى خلفونا بردو P منى: انت قاعد معانا ليه ؟ ماتروح تكلم خطيبتك شريف: خطيبتى احلى منك بابتاعت انور .. تعرفى تقولى ارنبنا فمنور انور وارنب انور فمنورنا وسام: طب بقولكم ايه بقى ؟ م تروحو تلعبو بعيد عنى عشان انا مشغول دلوقت شريف: بتطردنى ياوسام ؟ ماشى يا وسام .. ماشى يا وسام ياسنكرى وسام: هههههههههههههههه منى: طيب اسيبك يا احلى وسام شريف:(بيقلدها بتريقه) اسيبك يا احلى وسام ! كلامك مبتذل وانتى اوفر .. روحى روحى الله يستر ع ولايانا (زقها من ضهرها قدامه) وسام ضحك عليهم ورجع يكتب .. سلمتلك ومعرفش انتى رايحة فين ؟ رغم انى معرفش هتودينى ع فين يا جنية انتى بس انا مبسوط عشان قابلتك مبسوط عشان معايا مبسوط عشان بحبك ... مبسوط نستينى كنت عايش ازاى ، كنت محتاجك وانتى محتجانى .. وربنا وفقنا لبعض معرفش انى فيوم البنت الشعنونة الى بتخنق من شوفتها هتبقى كل حياتى كده انا لما قولت انى بحبك .. كان قلبى بيحس بحبك صامت بس متحلمشى انا مش هاعيش طول عمرى ملاك انا كمان كتبتلك حته من عمرو اهو ومحدش احسن من حد .. سلام يا اجمد مجنونة .... مجنونتى انتى خلص الجواب .. وقفله وحطة فمظروف ... خلص الشيفت .. ومى ماتصلتش زى كل يوم بيه ؟ دى ع طول بتجننه ميسدات وفونات ومكالمات ؟ قال فنفسه يمكن وراها شغل كتير عشان كده مش فاضيه .. حتى بليل كلمها فون .. كانت مش طبيعتها الى اتعود عليها ؟ وقفلت المكالمة بسرعة وتانى يوم حطلها الجواب تحت عقب الباب عشان لما تصحى تلاقيه .. فعلا لاقته مى وفتحته وقرته ،، معملتش اى ريـأكشن وسام استنى طول اليوم مكالمة منها كومنت عالجواب مافيش ... محطش فدماغه لان وسام عاقل .. منى جت وسلمت عليهم كلهم عشان فرحها الاسبوع الجاى وهتاخد اجازة.. عدى اليوم ... وجه الليل .. وسام بيتصل بمى لقى فونها مقفول ؟ قلق .. مطلعش خبط عليها زى كل مرة ، اصل كان الوقت اتأخر وقال يمكن نايمة ولا حاجة .. سابها وجه تالت يوم ع قلبة مى دى ... وكان وسام فشغله مقلوب . مش عارف ف ايه ؟ راجع نفسه يمكن دايقها ولا حاجة وبعدين قال احسن طريقه انه يبعت ورد اتصل بمحل الورد وعمل اوردر بالفون ... وملى الكارت وادله العنوان .. فعلا راح الورد عند مى ... بياع الورد الدليفرى : فين الانسه : مى فهمى : ؟ غادة : اهيه قامت مى .. مى: ايوة ؟ البياع: حضرتك الورد ده عشانك .. من الاستاذ وسام عاصم .. امضى بالاستلام هنا مضت مى وخدت الورد وبتقرى الكارت .. مكتوب ف " بقالى 3 ايام القمر مش ظاهر قلت اسأل عليه بطريقتى يارب الورد يعجبك وسام ..." حطت الكارت وقعدت ع مكتبها وبردو التكشيره زى الزفت فوشها ، جت عليها امنية .. امنية: الله!! ياعم ياعم .. ممكن وردة ؟ مى: اتفضلى غادة: م تفكى وشك .. ده انتى جايلك ورد مش فجل ؟ اومال ادخل اخنق ممدوح ياناس مدخلش عليت بحزمة ملوخيه منة: ههههههههههههههههههه يخربيتك يا غادة مى: عادى ياجماعة .. فونها رن .. من وسام وسام: وصل الورد مى: اه .. تسلم ايدك وسام: طيب ... حطى وردة منهم فشعرك ... وحضرى نفسك بعد الشغل هنروح للمطعم الى ودتهولك يوم الوسامى فاكراه مى:(مكشرة ولوت شفايفها) ليه يعنى ؟ وسام: انا ميتقاليش ليه ... الساعه 8 تكونى جاهزة (رايح يقفل ورجع) اه صحيح .. عندك اى طقم .. فستان لونه احمر؟ مى: ايوة ... وسام: اوك البسيه وحطى الوردة فشعرك ... سلام مى: سلام قفلت مى وحطت دماغها ع المكتب ... البنات ملاحظين ومش عارفين ف ايه ؟ الواضح ان مافيش مشكله ولا حاجة ف منهم الى افتكر انهم كانو زعلانين وبيصالحها زى منة ومنهم الى عارف ان مافيش حاجة بينهم زى امنيه ومنهم الى شايف انها مفتريه زى غادة المهم جت 8 خبط عالباب وسام وكانت جاهزة مى ... اخدها ونزلو .. كانت فعلا لابسه فستان سواريه شيك احمر هادى وحاطة الورده وروج احمر ومش حاطة ميكب وهو لابس بليزر وقميص وبنطلون واخدها ... وصلو المطعم .. وطول الطريق مى ساكته ومكشرة .. ووسام مفتحش موضوع بس ملاحظها! دخلو وقعدو ... طلب مشروب وسام .. وبعد كده حط ايده ع ايدها .. وسام: مالك ؟ ساكته ليه مى: عادى .. شويه ارهاق وسام: يعنى انتى تمام ؟ مى: الحمدلله وسام: ملاحظك متغيرة مى: لا عادى .... تعب عادى يعنى متاخدش فبالك وسام:(هز راسه) اوك مى: ايه بقى جايبنى ليه هنا انهاردة وطلبت اعمل كده فنفسى ؟ وسام: بصى بقى من غير تطويل .. بقالى 3 ايام بصلى استخارة ـ مى:(بخضة مش ملحوظة) استخارة!! وسام: انا مش هنزلك ع ركبه ونص وافتح علبه فيها خاتم واقولك اتجوزينى لانى مبحبش الافورة فالافلام العربى دى انا هقولك عايزك معايا ... تقبلى اكون شريكك العمر كله فكل حاااااااااجة مى:(مبلمه وبصه فعينه بضيق) نتجوز!! وسام: اها مى:(فضلت متنحه وفجأة!! كريزة ضحك انفجرت!! ) ههههههههههههههههههههههههههههههههههههههههههههههههههههههههههههههههههههههههههه