لــســة اجــمــل يــوم مجــاش ▬♫ ♫

الحلقه 22

قامو الابهات راحو الفراندا والامهات بردو قامت وسابوهم وحدهم عشان يتكلمو .. وسام: واضح انك محرجه اوى آية: اه جدآ وسام: طيب تحبى نتكلم ف ايه؟ آيه:باصه فالارض) اى حاجة وسام: مممممممم اوك .. (مبتسم) عاملة ايه آية: تمام الحمدلله وسام: عرفت انك مش بتشتغلى مش كده ؟ آية: اها .. مش بحب الشغل رغم ان جاتلى عروض فشركات كتير بسبب دراستى ومعارف بابا وسام: ممممم، عندك كام سنة ياآية؟ آية: 24 و7 شهور يعنى (ابتسمت) ماشية فال 25 وسام: العمر ليكى يارب آيه: ربنا يخليك يارب.. قولى انت صحيح كنت خاطب قبل كده ؟! وسام: ايوة آية: كنت بتحبها ؟ وسام: بصراحة ؟ آية: اه وسام: انا فالاول كنت معرفهاش جوازة صالونات يعنى وبعدين حبتها بعد الخطوبة اوى واتعلقت اوى بيها آية: وبعدين وسام: محصلش نصيب .. ارجو مكونش دايقتك بكلامى آية: لالا ابدآ بالعكس (مكانش باين عليها انها غيرانة خالص) وسام: اها.. بتصلى يا آية؟ آية: ايوة الحمدلله .. ع فكرة انا كمان كنت مخطوبة قبل كده وسام: بجد آية: اها .. وسبته لانى متفاهمتش معاه ومكنتش مرتاحة وسام: فعلا الخطوبة معمولة عشان التفاهم آية: ع فكرة كلامك ده خلانى ارتحتلك وادانى دفعة اقولك ع حاجة وسام: اتفضلى آية: البنت الى انت كنت خطيبها قبل كده .. لو كان بينكم وعد ان يفضل الحب بينكم وبعدها حصلت ظروف وبعدتكم عن بعض وبعد كده هى قالتلك انها مش هتسيبك بس تصبر عليها لغاية م ترجعو تانى لبعض .. هتقدر ترتبط بغيرها؟ وسام: قصدك انى لو لسه بحبها ومديها وعد انها تبقى ليا ونتجوز وسبنا بعض ع اساس الوعد ده .. ارتبط بعدها ولا لاء ؟ لا بصراحة لانى بحبها ووعدتها آية: ولانك مش هتعرف تحب غيرها ولا تنبسط مع غيرها وسام: بالظبط كده آية: استاذ وسام .. انا مرتبطة بحد جدآآ وظروفه تمنعه يتقدملى حاليآ ، بحبه من 5 سنين من ايام الكليه .. الحد ده ظروفه المادية اقل منى وبيحاول يعمل حاجة عشان لما ييجى يتقدم يبقى جدير بيا وظروفه تسمح يعيشنى نفس المستوى الى انا ف وسام: اها (بانتباه) آية: انت حد كويس وانا والله ارتحتلك اوى اول م شوفتك عريس كويس ومتترفضش ، لكن مش بايدى انا حاولت اتأقلم مع الواقع وارتبط بغيره واعتبر انها قصة وعدت ومعرفتش وفسخت مش هعرف اعملها تانى واظلم حد معايا تانى وسام:(ابتسم) صراحتك دى خلتنى احس انك بجد انسانة كويسه ومتربية صح بس انا وفهمتك طيب لو جه عريس تانى هتعملى ايه .. هتحكى نفس الحكاية دى ؟ آية: تعرف ان محدش يعرف الحكاية دى غيرك ، بس والله انا مكنتش عايزة انك تتعذب وانا كمان اتعذب بارتباط عايزينه اهالينه مش احنا وسام: بردو مجاوبتنيش آية: بص ، انا كتير بطلع عيوب فاى عريس يجيلى وفالبيت هنا بيقتنعو بوجهه نظرى دى لكن انت هما شايفين انك كامل الاوصاف ولاقيتك كده بصراحة فمعرفتش اطلع ازاى من الجوازة دى غير انى اقولك وسام: هو الحد الى انتى مرتبطة بيه ده .. واثقه من وعده ولا .. آية: اوى لدرجه انه محبش حتى اكلمه ولا اى حاجة غير لما تحصل حاجة رسمى وبيشتغل ليل ونهار وبيحضر دراسات وبيطلع عينه عشانى وانا عارفه انه هيجينى فمعاده زى م وعدنى ووسام: اتمنى كده وربنا يارب يهنيكم ببعض آية: زعلت منى . وسام: بالعكس انا انهاردة كسبت صديقه جميلة جدآ وصريحة جدآآ (آية ضحكت) وبجد انا مبسوطه اوى فعلا انتى صح الواحد لازم ياخد حد بيحبه عشان يعرف يعيش مبسوط آية: طيب هنعمل ايه ياستاذ وسام وسام: وسام بس ، خلاص احنا من انهاردة اخوات واصحاب .. سيبيها عالله ثم عليا هتيجى منى انا بس متزعليش للسبب الى هخترعه لرفضى ليكى آية: لا بالعكس خالص ياريت هههههههههه وسام: اوك وهو كذلك.. (بص ناحية باباه ومامته جايين) اللجماعة جم خليكى عاااااادى خالص آية: تمام مامت وسام: ها .. سيبناكم تتكلمو شوية مامت آية: انشالله خير ولا ايه وسام: اه انشاءالله .. بابا وسام: وانتى ياايه آية: (ابتسمت وقامت) بابا العروسة: السكوت علامة الرضا يااستاذ عاصم بابا وسام: متستعجلش .. خدها واسمع رائيها وابقى بلغنا .. ها نستأذن احنا (قامو ال 3) مامت وسام: انشالله نبقى نيجى تانى مامت آية: تآنسو وتنورو يا اهلا وسهلا مشيو اهل وسام وروحو عالبيت ووسام طول الطريق مكشر وساكت (عامل نفسه متدايق عشان يسبك الدور عليهم) بابا وسام: مالك ساكت يا وسام يعنى وسام: مافيش يابابا مامته بصت لباباه كده وزعلت وبصت للارض وسكتت .. حست انها معجبتوش مع انهم كانو منسجمين سوا يعنى ، طب ف ايه ؟؟؟ ^^^^^^^^^^^^^^^^^^^^ مى مراحتش الشغل انهاردة وقافلة فونها .. امنية: مى مجاتش يا شباب والفون مقفول (محدش رد عليها) هااااااى بكلمكم منة: ايه ياامنية ف ايه ؟ امنية: بقولكم مى فين منة: معرفش غادة: شايفانا مضيعنها انتى كمان ، تلاقيها عيانة عشان كده مجاتش امنية: عيانة يومين وقافلة فونها .. لاااااااا انا بدات اقلق منة بصت كده واتدايقت ع مى لان منة قلبها طيب ، بس فنفس الوقت زعلانة من مى خالص اما مى بقى .. قاعدة ليلها نهارها ونهارها ليل عند باباها .. بتنام وهما صاحيين وبتصحى وهما نايمين . وفمرة قاعده فاوضتها بتسمع اغانى ونايمة فالسرير دخل عليها باباها .. الاب: اييييييييييييه؟ ياميوش عاملة ايه ياحبيبتى مى: اهو .. تمام الاب: بصى انتى جيتى ومتكلمتيش وماقولتيش مالك وحسك متغيره وتعبانة ومخنوقه . سايبك براااااحتك تيجى لبابا حبيبك تقوليله مالك ومع ذلك مقولتيش ومش بتروحى الشغل .. تبقى حاجة جامده بقى مى: صدقنى مافيش يابابا .. مجرد سوء تفاهم بسيط بس مش اكتر بس مدايقنى يعنى الاب: مع اصحابك؟ مى: اها الاب: طيب م تحاولى تتصالحو مدام انتى بتبقى مرتاحه وانتو سوا مى: بس ضايقونى اوى يابابا .. الاب: ياحبيبة بابا الصحاب ياما بينهم زعل وخصام وبيرجعو يتصافو ويحبو بعض من تانى والا مكانوش صحاب بقى مى: تفتكر يابابى الاب: بصى يا ميوش غادة ومنة وامنية صحابك من الكلية اللى طلعتى بيهم وعملتى شركة سوا عشان متتفارقوش وبعد ده كله تقعدى زعلانه كده وتبقى مخنوقه مى: (نامت فحضنه وضحكت) بحبك يابابتى الاب: قوليلى بقى مافيش حاجة كده ولا كده مى:(قامت من حضنه مخضوضة) زى ايه ؟ الاب: يعنى حاجة خبطت عالباب كده مى: خاااالص متلكآآآ يابابتى ابسلوتلى انا الى بقول لا الاب: يا واد يا جاااااااااامد ربنا يخليكى ليا .. انتى وسهر كل حاجة فحياتى مى: والست الى قاعده بره دى هههههههه الاب: انتى قليله الادب (عمل نفسه بيضربها ضربه خفيفة ع وشها) مى ضحكت وخرجت معاه من اودتها وقعدت معاهم برة ورجعت تضحك تانى ... ^^^^^^^^^^^^^^^^^^^^^^^^ امنية راحت لمى فشقتها قعدت تخبط وتخبط كتير لحد م عند وسام سمعو فطلع سام .. وسام: ازيك ياامنية امنية: اهلا يا ويسو اخبارك وسام: الحمدلله .. ايه مى مش بترد ولا ايه امنية: ايوة بخبط ومش بتفتح وفونها مقفول وبقالها يومين مش بتيجى المكتب وقلقت عليها وسام: هى لسه مرجعتش؟ امنية: مرجعتش منين ؟ وسام: هى عند باباها .. انا وصلتها بنفسى .. بس مكنتش عارف انها متدايقه اوى كده امنية: بجد!! طب انا هارووح لها وسام: طيب .. هطلب منك بس تدخلى 5 دقايق البس واوديكى واشوف مالها انا كمان .. اتفضلى امنية استغربت وضحكت ودخلت معاه لحد م لبس ونزل معاها .. باباه ومامته مستغربين بقى ؟! بقى مهتم بالبت مى ولحد دلوقتى مردش ع موضوع العروسه .. قلقو من ناحيته ومش عارفين ف ايه ؟؟؟؟